Uranium

Dit artikel is gesjreve (of begós) in 't Mofers. Laes hie wie v'r mit de versjillende saorte Limburgs ómgaon.

Uranium of uraan is e sjemisch element mit 't symbool U en 't atoeamnómmer 92. 't Is e matallisch gries aktinied.

Uranium is radioaktief en is, naeve thorium, 't huifigste element oet de actiniumserie. De anger aktinide kómme huuegstens in spoeare veur, dèkser zeen ze kónsmaesig of perdukte van radioaktief verval.

Toepassinge

Uranium wuuertj es verriek uranium gebroek in kernwaopes en kernreactore; verermp uranium wuuertj vanwaenge de hoeag dichheid gebroek es contragewich in vlegers en in munitie. Boetedet deentj 't es aafsjurmingsmatterjaal taenge ioniserendje straoling. In Nederlandj is 't gebroek van munitie mit verermp uranium oppe ubingsterreine Vliehors en Noordvaarder saer 1993 neet mieë toegestange. Waal wuuertj nag verermp uranium gebroek veure legering van Amerikaanse M1-tanks, ómdet 't door zien hoeag dichheid lestig is te doorbaore mit keugel. Verermp uranium vindj ouch toepassing in antitankwaopes. 't Projectiel oet verermp uranium doorbaortj 't pantser. 't Uranium brendj den en verbroek daobie alle zoerstof binnen inne tank.