Codeina
Quest articol chì l'è scrivud in lombard, con la Noeuva Ortografia Lombarda |
La codeina (Metilmorfina) (Codeinum, morfina-3-metiletere; del frances codéine, del gregh Kódeia, coo de papaver), a l'è un alcaloide che 'l gh'ha dent la 3-metilmorfina, un isomer natural de la morfina metilad, e 6-metilmorfina; a l'è un opiaceo doperad per tratà el dolor. A l'è otegnuda soratut a travers la metilazzion de la morfina, l'alcaloid pussee important del Papaver somniferum.
A l'è dada per boca, pontura o in del cul e l'è doperada soratut 'me analgesich, despess insema cont el paracetamol o l'acid acetilsalicilegh, ma l'è doperada anca contra la toss e la cagheta. El doperà per la toss el po fà vegnì i secrezzion pussee succe e fà vegnì ai broncopategh l'insuficenza respiratoria. La po menà a cefalea, sedazzion, depression, euforia, ipotension, tachicardia, stiticheza e gomit. La codeina l'è tossega, ma la gh'ha un efet des voeulte men fort de la morfina, donca la causa men de assuefazzion e de dependenza psicologega, foeura che in di soget che l'inn stad in passad e che donca gh'hann de vesser considerad con gran atenzion.
Comunque, soratut in tra i sgioven, gh'è quej che doperen la codeina 'me droga per divertìss.
Bibliografia
Modifega- Karl Hiller, Matthias F. Melzig. Lexikon der Arzneipflanzen und Drogen. Spektrum akademischer Verlag, 2009. ISBN 978-3-8274-2053-4
Alter proget
ModifegaWikimedia Commons el gh'ha dent imagin o alter archivi su Codeina