Antóni Maria Zaccaria
|
|
Quel articul chì l'è scrivüü in Lumbard, cun l'urtugrafia insübrica ünificada. |
Antóni Maria Zaccaria (Cremuna, 1502 – Cremuna 5 de lüi 1539) l'è stái un pret cremunés, l'ha fundáa l'Urdin religiùs di Barnabiti, e incö l'é venerád cume sant da la césa católica.
Biugrafia
Antóni Maria Zaccaria l'é nasüd a Cremuna in del 1502, ma la só famiglia la vegneva de Genua. In del 1520 l'é andái a Padua per stüdiá Filusufia e Medicina. Quan che l'é turná a Cremuna, invece de fá el dutùr l'ha cuminciá a fá una strada püsée spiritüal, cun l'aiütt de un Frá Duminicán.
L'é stái cunsacrá prét el 20 de febrár 1529. In del 1530 el s'é trasferìd a Milan e l'é diventá el cunfesùr de la cuntesa Ludovica Torelli, che l'ha aiütád asée.
L'Urdin di Barnabiti l'é stai apruád in del 1533, e in del 1535 Papa Pául III l'ha apruád el prìm Munatster de Angeliche de San Pául.
In del 1539 l'ha vurìd turná a Cremuna, perché l'era malád. Al dopumesdì del 5 de lüi l'é andá in paradìs, asistìd da sò mama e dai sò amìs.
L'é stái fatt Sant da Papa Leon XIII in del 1897. La sò festa l'é propi el 5 de lüi.
Bibliugrafia
- Antonio Gentili, S. Antonio M. Zaccaria - appunti per una lettuta spirituale degli scritti , Ruma, Edizioni Barnabitiche, 1980.
- Marcell Landi, La presenza della Summa Theologiae di Tommaso d'Aquino nei primi due Sermoni di Antonio Maria Zaccaria , Barnabiti Studi, 2003.
- Felice Sala, Il fondatore dei Barnabiti - Sant'Antonio Maria Zaccaria , Turin, SEI, 1943.
- Francesco Tranquillo Moltedo, Vita di S. Antonio Maria Zaccaria fondatore de' Barnabiti e delle Angeliche, Firenze, Tipografia M. Ricci, 1897.
- Angelo Montonati, Sant'Antonio Maria Zaccaria (1502-1539), Cinisell, Edizioni San Paolo, 2002. ISBN 88-215-4576-8.