Lega Nord
Lega Nord | |
---|---|
Lega Nord per l'Indipendenza della Padania | |
President | Umberto Bossi (a vita) |
Segretare | Matteo Salvini |
Stat | |
Sede | Via Bellerio 41, Milano |
Fondazion | 8 de genar del 1991 |
Ideolojia | Popolism de destra Euroscetticism Sovranism Independentism (finna al 2013) |
Collocazion | Trasversalism (finna al 1994) Destra (dal 1994) |
Jornal | La Padania (1997-2014) Il Populista (2016-2020) |
Organizazion di joven | Moviment di Giovin Padan |
Inscrivids | 122'000 (2013) |
Color | Verd, Bloeu |
$fine | |
La Lega Nord per l'indipendenza della Padania (in lombard Liga Nord per l'independenza de la Padania), ciamada semplicement Liga Nord a l'è on partii politegh italian, de destra.
I sò idej principai a hinn la lotta a l'immigrazion clandestina, la reintroduzion del servizzi militar obbligatori e per mett ona flat tax, e contra l'Euro e l'Union europea.
Originariament l'è nassuda 'me lianza de moviment autonomista e independentista de la Pianura Padana, l'ha deciaraa in del 1996 l'independenza de la Padania a Venezia a nivell simbolich, e l'ha parpognuu in del 2006, insemma al Silvio Berlusconi, on referendum per trasformà l'Italia in d'ona quasi-federazion e mett el premieraa, sistema politegh indova el primm minister a l'è assee important. Inveci, al di d'incoeu, a l'è vun di partii pussee important de la destra nazionalista italiana.
El president l'è l'Umberto Bossi. El secretari l'è el Matteo Salvini. El 7 de dicember del 2013 l'è staa eleggiuu secretari de la Lega Nord (el terz, despoeu Umberto Bossi e Roberto Maroni), cont el 82% di preferenz, e reconfermaa el 14 de magg del 2017.
Del 2020 a l'è stada de facto desligada, cont el commissariament di sò orghen, e l'è sostituida de la Liga per el Salvin Premier.
Storia
[Modifega | modifica 'l sorgent]La Liga la nass 'me federazion de moviment autonomista de tutt el Nord Italia, in tra el 1989 e 'l 1990 nass offizialment la Liga Nord, che l'ha anca menaa a 'na forta reazion del president italian Francesco Cossiga.
A bon cunt però la politega de l'epoca la vedeva positivament i cambiament federaj parpognuu de la Liga, tant che in del 2001 el Romano Prodi el cambia la Costituzion per mett pussee autonomia ai region.
In del 1994 la toeu part al Governo Berlusconi I, e in tra el 1995 e 'l '96 la bandona el federalismo per deventà independentista.
La resta però 'na liada fidela del Berluscon, finna a la malattia del Bossi e al scandol Belsito, che menen el Bossi ai dimission e a 'na segreteria ad interim del Roberto Maroni. A fin 2013 a l'è elegiuu secretari el Matteo Salvini, che 'l adotta 'na politega italianista de destra.
Lega per Salvini Premier
[Modifega | modifica 'l sorgent]El 15 de dicember 2017 l'offizi stampa del partii el domandà ai giornalista de ciamàll pu "Lega Nord" ma domà "Lega", coerentement cont la scerna nazionalista del partii.
El 21 de dicember el Consili Federal el vota, cont l'opposizion domà del Gianni Fava, per doperà per i elezion italian del 2018 on stemma senza Sô di Alp e senza la scritta Nord, ma sèmper cont el Guerriee de Legnan e 'l Leon de San March.
Ai elezion politegh italian del 2018, indoe el cjapa el 17,35%, per la prima voeulta de la soa nassita la Liga Nord la se presenta no cont el sò simbol: De facc la toeu part a la lista "Lega per Salvini Premier" insemma a Noi con Salvini, Movimento Nazionale per la Sovranità e di alter progett minor de destra, cont l'obietiv de elegg el secretari Salvini president del Consili di Minister in la coalizion de center-destra. La midemma scerna a l'è fada in di elezion regionai lombard, indova el simbol el gh'ha domà el titol "Lega Salvini Lombardia".
Ai Elezioni politegh europee del 2019, inveci, el partii el cjapa el 34,26%, el miglior risultaa in de la storia del partii.
Struttura
[Modifega | modifica 'l sorgent]La Lega Nord a l'è ona federazion fada de 13 moviment politegh, ciamaa nazion, riferii a la Padania.
- Liga Veneta (member fondator)
- Lega Lombarda (member fondator)
- Lega Nord Piemont (member fondator 'me Piemont Autonomista)
- Lega Nord Emilia (member fondator 'me Lega Emiliano-Romagnola)
- Lega Nord Liguria (member fundadur 'me Uniun Ligure)
- Lega Nord Toscana (member fondator 'me Alleanza Toscana)
- Lega Nord Friuli-Venezia Giulia
- Lega Nord Valle d'Aosta
- Lega Nord Sud Tirolo
- Lega Nord Trentino
- Lega Nord Romagna
- Lega Nord Marche
- Lega Nord Umbria
- Lega Nord Sicilia
Corrent
[Modifega | modifica 'l sorgent]Originariament l'obiettiv de la Liga a l'era de unì tucc i personn del Nord che voreven l'autogoverno di sò Region, però dent la gh'eva ona division interna arenta a quej di partii classich. 'Sti suddivision a eren ciamaa "partii padan", ma faseven no effettiva propaganda e azion foeura de la Liga.
Primm agn 90
[Modifega | modifica 'l sorgent]In di primm agn 1990 la division a l'era:
- Sinistra: cont leader Robert Maron, la gh'eva member 'me Gipo Farassino, Marcello Lazzati, Elisabetta Bertotti e Erminio Boso
- Center: Ciamaa el partii di amministrator, a l'era la correnta de Umberto Bossi
- Destra: Fautor del cattolicesim e de l'identità etnica, cont member 'me el Davide Boni, Giorgio Conca, Irene Pivetti, Mario Borghezio, Domenico Comino e Luigi Rossi.
Al Parlament de Nord a gh'era anca i Comunista Padan, capitanaa del Matteo Salvini e la lista libertaria e federalista, ma minga indipendentista, del Benedetto Della Vedova.
Agn 2000
[Modifega | modifica 'l sorgent]Dal 2000 la situazion a l'è mudada.
- Sinistra: L'anima originaria del partii, spantegada soratutt in Lombardia, cont member 'me Maron e Bossi.
- Centrista e laich: Partii minga ligaa a la religion e cont ona vision de center, fort in Veneto.
- Liberai: Personn comé Luca Zaia, Marco Reguzzoni e Roberto Cota.
- Cristian, Conservator e nazionalista, ligaa tucc al concett religios ed etnich de Padania.
Agn 2010
[Modifega | modifica 'l sorgent]Cont l'elezion de Maroni a secretari a l'è vegnuda foeura ona division in tra i sò sostenitor e quej del Bossi, e gh'è staa anca di conflitt a nivell istituzional.
Donca se vedeven i grupp de Bossi e de Maroni al center del Partii, e di alter grupp pussee piscinitt, 'me quell del Roberto Calderoli, arent a Berlusconi, quell di Veneti sociaa al Luca Zaia e i piemontes cont el Roberto Cota.
Salvini
[Modifega | modifica 'l sorgent]Cont l'elezion de Salvini a secretari la division a l'è devegnuda in tra i sostenitor de la linia italianista ed euroscettica de lu e ona linia pussee independentista e a favor de l'Europa, cont anmò on'ideja de spartizion in tra maronian e bossian. El grupp indipendentista a l'è staa reppresentaa in di primari del 2017 del Gianni Fava.
Riferiment
[Modifega | modifica 'l sorgent]- La Lega di Salvini ai giornalisti: "Basta usare 'Nord' nel nostro nome"
- Lega, ecco il nuovo simbolo: ufficiale l'addio al Nord
- Lega: Matteo Salvini è il nuovo secretario del Carroccio
- Salvini vince le primarie della Lega Battuto Fava con l’82,7% dei voti