Элнет (роман)
Элнет — марий сылнымутлан негызым пыштыше, серызе Сергей Григорьевич Чавайнын романже. Романым тӱрлӧ йылмылашке (руш, финн) кусарыме. 1908-1917 ийысе марий-влакын илышышт, шонымашышт нерген роман. Икымше ужашым 1936 ийыште савыктыме, кокымшо ужаш 1963 ийыште, Чавайнын колымыж деч вара савыкталтын.
Содержаний
Кокымшо ужашын йоммыж нерген
Романын кокымшо ужашыже йомын ыле. Марий Эл кугыжаныш архив фондышто "Элнетын" кокымшо книгажым Ахмет Асылбаевич Асылбаев почеламутчо да сылнымут критик муын кертыт.
"Элнет" романым тӱшкан лудмаш
2016 ийыште С.Чавайнын черетан шочмо кечыже лӱмеш 6-7 Шыжаште Марий Эл Радиошто радиовӱдышӧ Сергей Карповын вуйлатымыж почеш "Элнет романым тӱшкан лудмаш" проект эртен. Вияш эфирыште кок кече Шкетан театрын, Курчак театрын артистше-влак, "Ямде лий", "Кугарня", Марий Эл газетлан журналистше-влак, Морко книгагудын, Янтемир лӱмеш Моркысо тоштерын пашаеҥже-влак, тыглай кумылан-влак, Марий Эл Радион вӱдышыжӧ-влак кок кече "Элнет" романым лудыныт.
Кылвер-влак
Марий Викитекыште "Элнет" романын текстше: w:(Чавайн) Элнет/Икымше ужаш