Група (периоден систем)

Периоден систем на елементите каде секоја колона е група означена со соодветна бројка.

Група или семејство — поим во хемијата кој означува колона од периодниот систем на елементите. Постојат 18 вакви групи означени со бројка, освен колоните на f-блокот (меѓу група 2 и 3). Елементите во една група имаат слични физички и хемиски особености на најнадворешните електронски обвивки на нивните атоми (т.е. имаат ист јадрен полнеж), со оглед на тоа што највеќето хемиски својства ги одредува орбиталната положба на најнадворешниот електрон.

Постојат три начини на означување на групите. Современиот начин на бележење (група 1-18) е препорачан од Меѓународниот сојуз за чиста и применета хемија (МСЧПХ или IUPAC) и претставува замена за две постари шеми кои предизвикуваат забуни. Групите може да се означуваат и според нивниот најгорен елемент, или пак да имаат сопствен назив. На пример, групата 16 се нарекува и кислородна група или халкогени. во 1989 г. како појдовен е земен долгиот облик на периодниот систем со препорака да се користат арапските бројки од 1 до 18.

Групи

Нов назив (МСЧПХ)	По старо (МСЧПХ) (Европа)	CAS (САД)	Називи според елементи	Тривијален назив (*=одобрен од МСЧПХ)	Белешка
01 Група 1	1A IA	1A IA	литиумско семејство	алкални метали*	Водородот ѝ припаѓа на оваа колона, но не се смета за алкален метал
02 Група 2	2A IIA	2A IIA	берилиумско семејство	земноалкални метали*
03 Група 3	3A IIIA	3B IIIB	скандиумско семејство		Се состои од реткоземните елементи и актиноидите
04 Група 4	4A IVA	4B IVB	титанско семејство
05 Група 5	5A VA	5A VB	ванадиумско семејство
06 Група 6	6A VIA	6B VIB	хромно семејство
07 Група 7	7A VIIA	7B VIIB	манганово семејство
08 Група 8	80 VIII	8B1 VIIIB	железно семејство
09 Група 9	81 VIII	8B2 VIIIB	кобалтно семејство
10 Група 10	82 VIII	8B3 VIIIB	никлено семејство
11 Група 11	1B IB	1B IB	бакарно семејство	монетни метали
12 Група 12	2B IIB	2B IIB	цинково семејство	испарливи метали
13 Група 13	3B IIIB	3A IIIA	борово семејство	триели, икосагени	триели = „третници“
14 Група 14	4B IVB	4A IVA	јаглеродно семејство	тетрели, кристалогени	тетрели = „четвртници“
15 Група 15	5B VB	5A VA	азотно семејство	пниктогени*
16 Група 16	6B VIB	6A VIA	кислородно семејство	халкогени*
17 Група 17	7B VIIB	7A VIIA	флуорно семејство	халогени*
18 Група 18	00 Група 0	8A VIIIA	хелиумско или неонско семејство	благородни гасови*, аерогени

Поврзано

• Блок (периоден систем)
• Периода (периоден систем)

Литература

• Scerri, E. R. (2007). The periodic table, its story and its significance. Oxford University Press. ISBN 978-0-19-530573-9.