Година
Година — време што и е потребно на Земјата да го заобиколи Сонцето.[1] Попрецизно, тоа е период помеѓу кои било две едноподруго доаѓања на Земјата во одредена положба наспроти Сонцето (врзување, противположба...). Во поширока смисла, ова може да се примени на која било планета; на пример, “марсовска година“ е годината на Марс.
Видови години
уредиДолжина на разни видови години
уреди- 353, 354 или 355 денови — должини на регуларните години во некои месечево-сончеви календари
- 354,37 денови — 12 месечеви месеци; просечна должина на годината во месечевите календари
- 365 денови — обична година во многу сончеви календари; ~31,53 милиони секунди
- 365,24219 денови — просечна тропска година близу 2000. година
- 365,2424 денови — година на пролетната рамноденица
- 365,2425 денови — просечна должина на годината во грегоријанскиот календар
- 365,25 денови — просечна должина на годината во јулијанскиот календар; светлосната година се заснова на оваа година; изнесува 31.557.600 секунди
- 365,2564 денови — ѕвездена година или сидерална година
- 366 денови — престапна година во многу сончеви календари; 31,62 милиони секунди
- 383, 384 или 385 денови — должини на престапните години во некои месечево-сончеви календари
- 383,9 денови — 13 месечеви месеци; престапна година во некои месечево-сончеви календари
Просечната грегоријанска година изнесува 365,2425 денови = 52,1775 седмици, 8.765,82 часови = 525.949,2 минути = 31.556.952 секунди (просечна сончева, не СИ).
Просечната јулијанска година изнесува 365,25 денови.
Обичната година изнесува 365 денови = 12 месеци = 8.760 часови = 525.600 минути = 31.536.000 секунди.
Престапната година изнесува 366 дана = 12 месеци = 8.784 часови = 527.040 минути = 31.622.400 секунди.
400-годишниот циклус на грегоријанскиот календар има 146097 денови, па според тоа точно 20871 недела.
400-годишниот циклус на јулијанскиот календар има 146100 денови, односно 20871 недела и 3 дена.
Симбол
уредиНе постои универзално прифатен симбол за означување на годината како мерка за време. СИ системот не предлага никаков симбол. Меѓународниот стандард ISO 80000-3:2006[2] го предлага симболот, односно буквата “а“ што е земен од латинскиот збор annus (година). Меѓутоа, тоа може да создаде конфузија бидејќи истата ознака се користи и за “ар“ како мерка за површина на земја.
Во македонскиот јазик обично се употребува симболот “г.“ или кратенката “год.“, во англискиот кратенката "y" или "yr", а слично е и кај другите јазици, кои вообичаено ја користат почетната буква од називот.
Годината како мотив во уметноста и во популарната култура
уреди- „Година 1932.“ — песна на полскиот поет Јарослав Ивашкјевич.[3]
- „Весела година“ — песна на македонскиот поет Васил Куноски.[4]
- „1941“ — песна на македонскиот поет Коле Неделковски.[5]
- „Низа ситно нанижана“ — песна на македонскиот поет Живко Николовски.[6]
- „Златни години“ (англиски: Golden Years) — песна на британскиот поп-рок музичар Дејвид Боуви од 1976 година.[7]
- „Оловни години“ (српски: Оловне године) — песна на српската и југословенска рок-група Екатарина Велика од 1985 година.[8]
- „Години на расплетот“ (српски: Godine raspleta) — песна на српската рок-група Goblini од 1994 година.[9]
- „Година 1“ (англиски: Year 1) — песна на американската рок-група X од 1981 година.[10]
- „'89“ — песна на хрватската рок-група Мајке (Majke) од 1993 година.[11]
- „1969“ — песна на американската рок-група Стуџис (The Stooges) од 1969 година.[12]
- „Овие значајни години“ (англиски: These Important Years) — песна на американската рок-група Hüsker Dü од 1987 година.[13]
Поврзано
уредиНадворешни врски
уреди- Точната должина на една година Архивирано на 16 јули 2011 г.
Наводи
уреди- ↑ Year, Merriam-Webster Dictionary (анг.)
- ↑ ISO 80000-3:2006 — Величини и единици Женева: Меѓународна организација за стандардизација, 2006. Дел 3: Простор и време (англиски)
- ↑ Savremena poljska poezija. Beograd: Nolit, 1964, стр. 58-59.
- ↑ Васил Куноски, Песни. Скопје: Просветно дело, Редакција „Детска радост“, 2004, стр. 89-90.
- ↑ Коле Неделковски, Стихови. Кочо Рацин, Скопје, 1958, стр. 65-66.
- ↑ Живко Николовски, Низа ситно нанижана. Скопје: Детска радост, 1985, стр. 5.
- ↑ Discogs, David Bowie – Station To Station (пристапено на 4.3.2022)
- ↑ Discogs, Ekatarina Velika – Ekatarina Velika (пристапено на 8.8.2020)
- ↑ Discogs, Goblini – Istinite Priče I Deo (пристапено на 25.10.2022)
- ↑ X (5) – Wild Gift (пристапено на7.6.2024)
- ↑ YouTube, Majke - '89 (пристапено на 12.1.2021)
- ↑ Discogs, The Stooges – The Stooges (пристапено на 20.4.2021)
- ↑ Hüsker Dü – Warehouse: Songs And Stories (пристапено на 29.11.2022)