төрөл
Монголоор
Үгийн гарал
Үгийн дуудлага
- [tцrцl]
Үндэсний бичиг
- ᠲ᠋ᠣ᠊᠊ᠢ᠊᠊ᠷᠣ᠊ᠯ
- (төрүл)
Үгийн утга
- нэр.
- Хүний амьдрах үе; нэгэн нас
- Садан
- Анги, зүйл, янз
- Амьтан, ургамлын язгуурын дараа, дүрсийн дээр орох ангилал
- Юмны нэг ижил дүрс, байдал
Ойролцоо үг
Нийлмэл үг
- урьд төрөл шашин. - шашны ойлголтоор хүнд урьд нас, энэ нас, хойд нас гэж байдаг гэдгийн урьд нас нь, энэ ойлголтоор бол төрөхийн өмнө аливаа хүн, адгуус, хорхой шавж зэрэг амьтан байсан
- хойд төрөл шашин. - шашны ойлголтод гарах гурван насны сүүлчийнх нь, хүн үхээд дахин төрдөг гэх номлол
- төрөл хүмүүс - садан хүмүүс, гарал угсаа нэгтэй хүмүүс
- төрөл хэл - гарал, үүсэл нэг буюу ойр хэлнүүд
- төрлийн ах - нэг овгийн ах
- төрлийн дүү - нэг овгийн дүү
- төрлийн холбоо - садан төрлийн сүлбээ
- цусан төрөл - эхийн төрөл
- ясан төрөл - эцгийн төрөл
- махан төрөл - цусан төрөл, эхийн талын хамаатан
- хааны төрөл - хааны угсааны хүмүүс
- төрлийн дарга түүх. - тайж нарын төрөл бүр өөр өөрийн нэжгээд төрлийн дарга байгуулж, уул төрлийн хамаг хэргийг хянан байцаадаг байсан Манжийн дарангуйлалын үед хэрэглэж байсан захиргааны арга
- аж ахуйн төрөл - аж ахуйн зүйл
- өөр өөр төрлийн хэмжигдэхүүн - өөр өөр зүйлийн хэмжигдэхүүн
- төрөл бүрийн - янз бүрийн
- төрөл төрлийн - олон янзын
- төрөл ойртол - ойр төрлийн бие махбод өөр хоорондоо үржих үзэгдэл
- мигуйн төрөл - муурын төрөл буюу мий төрлийн амьтан
- цэцгийн төрөл - цэцгийн зүйл
- төрөл төрлөөр нь ангилах - юмыг адил шинжээр нь ангилах
Зөв бичихзүй
Кирил бичгийн зөв бичихзүй
тө|рөл нэр. *~ арилжих (тэс өөр болох) (садан) цусан/ясан ~, төрлийн, төрөлд, төрлөөс
Үндэсний бичгийн зөв бичихзүй
Орчуулга
Хоршоо үг
- төрөл садан - хамаатан садан, мах цусны барилдлага бүхий хүмүүс
- төрөл сүлбээ - танил тал, хамаатан садан
- төрөл төрөгсөд - хамаатан садан
- төрөл түшмэд - төрөл төрөгсөд, ноёд түшмэд
- төрөл угсаа - угсаа гарал, удам судар
- төрөл удам - удам угсаа
- төрөл үе - үе удам
- төрөл элгэн - нэг овог аймгийн мах цусны барилдлагатай хүмүүс
- төрөл сүлбээ - ураг төрлийн холбоо
- бүл төрөл - ойрын хамаатан садан
- гэр төрөл - гэр бүлийн хүмүүс
- овог төрөл - гарал нэг бүтэц ойролцоо ургамал, амьтны анги
- омог төрөл - садан төрлийн холбоо
- ураг/ураг төрөл - мах цусны холбоотой төрөл садан хүмүүс
- төрөл элэг - ураг төрөл
- ажил төрөл - янз бүрийн хэрэг явдал
- төрөл/төрөл анги - юмны харилцан адилгүй янз байдал
- төрөл зүйл - юмыг адил төстэй шинжээр нь ялгаж ангилсан ангилал
Товчилсон үг
- БТЗ Биологийн Төрөл Зүйл
- ТББИН Төрөл Бүрийн Барааны Импорт Нэгдэл
Хэлц үг
Өвөрмөц хэлц
- төрөл арилжих - а.шашны ёсонд төрлөө солих, хувиран төрөх; б.үхэх; в.тэс өөр болох, огт өөр болох
- төрөл арилжуулах - алах
- төрөл арилжих - а.үхэх~Аягүйдвэл, Эх дагина дээрхийн нэг оройн найрт Ханд ван, манай Сайн ноён хан хоёрт төрөл арилжих хундага дэвшүүлж орхиж магадгүй шүү (Б.Ринчен, Үүрийн туяа). б.тэс өөр болох, огт өөр болох
- төрөл арилжуулах - алах~“…одоо их нямбай Хүй амбан аль хэдийнээ өнгөрчихсөн хэргийг ёроол уудлан сэргээх санаатай оролцож байхад Хутагт аягүйдвэл намайг төрөл арилжуулах магадгүй юм шүү” (Б.Ринчен, Үүрийн туяа). ~“…тэр хэдэн мухар толгойтнуудыг төрөл арилжуулж, сүнсийг нь бурханы оронд төрүүлнэ” (Б.Ринчен, Үүрийн туяа).
- төрөл мултрах - төрөл садан сүлбээ холдож алга болох~“...би хээр уулзвал ер түмэн заяандаа чамайг танихгүй нь ээ. Ёстой нэг төрөл мултарсан хүн шиг болж дээ чи бид хоёр” (Б.Ринчен, Үүрийн туяа).
Хэвшмэл хэлц
- Авах өгөхөд
- Төрөл байдаг
- Айл олон ч амь нэг
- Төрөл олон ч төсөө нэг
- Мод мушгиу ч ширхэг байдаг
- Төрөл хартай ч хэлж байдаг
- Төр төмөр нүүртэй
- Төрөл махан нүүртэй
- Төрөл атаатай
- Ураг атаагүй
- Төрөл орон
- Төрсөн эх
- Төрөл садан хол нь дээр
- Төрсөн нутаг ойр нь дээр
- Төрөл садны хол нь сайн
- Түлш усны ойр нь сайн
- Төрөл төрсөндөө муу
- Тэмээ хамуунд муу
- Төрөл хөрвөл
- Төмрөөс хүйтэн
- Төрөл хүний тэнгэр нэг
- Төхөм газрын ус нэг
- Төрөл хүнээс
- Төрийн хүн
- Төрөл хүнээс
- Түмэн хүн дээр
- Төрсөн нутгаасаа төө зайдаагүй
- Төрөл садангаасаа сөөм салаагүй
- Төрсөн нутгийн ойр нь сайн
- Төрөл садны хол нь сайн
- Төхөм сахих хүүтэй
- Төрөл татах хүүхэнтэй
- Тураг шувуу ядрахдаа уулаа
- Төрөл хүн ядрахдаа садангаа
Аман зохиолд орсон нь
Зүйр үг
- Төрөл садны хол нь дээр
- Төрсөн нутгийн ойр нь дээр
Тайлбар: хамаатан садан ч гэсэн бие биенийхээ амьдралд хэтэрхий оролцох хэрэггүй
- Төрөл төрөгсдөө өргөвөл төрсөн үрдээ сургаалтай
- Төр ёсыг дагавал түмэн олондоо өлзийтэй
Тайлбар: төрөлд төрөгсөд, төр олондоо тахимдуу байх
- Төрлөө мэдэхгүй нохой
- Төмрөө мэдэхгүй хуурай
Тайлбар: удам угсаа, гарал үүслээ мэдэхгүй