Giuseppe Verdi: Differenza bejn il-verżjonijiet

Giuseppe Verdi

Isem:	Giuseppe Fortunino Francesco Verdi
Laqam:	Il cigno di Busseto
Twieled:	10 ta' Ottubru tal-1813
Miet:	27 ta' Jannar tal-1901
Post tat-twelid:	Roncole, Imperu Franċiż
Post tal-mewt:	Milan, Renju tal-Italja
Professjoni:	Kompożitur, Drammaturgu

Giuseppe Fortunino Francesco Verdi (, (10 ta' Ottubru, 1813, Roncole - 27 ta' Jannar, 1901,Milan, kien kompożitur romantiku Taljan. Ix-xogħol tiegħu, magħmul essenzjalment minn opri li jikkombinaw il-qawwa melodika mal-forza psikoloġika u leġġendarja, huwa wieħed mill-aktar kompożituri mportanti fl-istorja tat-teatru mużikali.

Verdi kien wieħed mill-kompożituri ta' opri Taljani l-aktar influwenti tas-seklu 19, b'influwenza li nistgħu inqabbluha ma' dik ta' Bellini, Donizetti, Puccini u Rossini. Ix-xogħlijiet tiegħu huma spiss rappreżentati fit-teatri tal-opra tad-dinja kollha u ċerti melodiji mill-opri tiegħu ilhom ħafna li saru parti mill-kultura popolari, bħal, per eżempju, "La donna è mobile" minn Rigoletto, "Brindisi" minn La Traviata, "Va, pensiero" minn Nabucco jew il-"Marċ Trijonfali" minn Aida. L-opri ta' Verdi għadhom jiddominaw ir-repertorju tal-arti lirika, seklu u nofs wara li nħalqu.

Verdi ma tantx kien impenjat politikament. Madankollu kien jawtorizza l-użu tal-immaġni u tax-xogħlijiet tiegħu fil-proċess tal-unifikazzjoni tal-peniżola Taljana. Għal dir-raġuni, Verdi sar, flimkien ma' Garibaldi u Cavour figura emblematika tar-Risorgimento.

Ħajja

Huwa beda’ juri x-xewqa għall-mużika meta kien għadu żgħir u rċieva ftit lezzjonijiet mill-organista tar-raħal. Missieru Carlo Verdi kien jieħu ħsieb lukanda u ħanut tal-merċa; kien fqir biex jagħti lit-tifel tiegħu edukazzjoni tajba, imma t-tifel għogbitu n-nota t’Antonio Barezzi (merkant u dilettant tal-mużika ġewwa l-Belt ta’ Bousseto) li nkoraġixxa u assistih fl-edukazzjoni mużikali. Barra li kkopja partijiet u ddepjutizza l-organista tal-Belt, Verdi beda’ jikteb biċċiet mill-mużika għas-Soċjetà Filarmonika Lokali u għall-Knisja wkoll.

Fl-eta’ ta’ tmintax-il-sena, Barezzi tah borza biex imur Milan u jistudja fiil-Konservatorju. Huwa ma ġiex milqugħ għax kien fuq l-età imma baqa’ Milan għal 3 snin, jistudja ma’ Vincenzo Lavigna, mużiċista fl-orkestra tat-teatru La Scala. Fl-1834 Verdi rritorna f’Bousseto biex jikklenja, bis-sapport tal-Maestro di Cappella. Nħatar Master tal-Mużika għall-Kommunisti u lagħab parti kbira fil-ħajja ġol-Belt.

Fl-1836 huwa żżewweg lil Margherita Barezzi, it-tifla tal-Patrun tiegħhu. Verdi, kellu mużika sabiħa ħafna. Giuseppe Verdi miet fl-1901 f'età ta' 88 sena.

Xogħlijiet

L-ewwel opera tiegħu "Oberto" kienet aċċettata għall-provi f’La Scala. Wara xhur ta’ postponimenti fl-aħħar li kienet ipproduċiet fl-1839 kienet ta’ suċċess kbir biex ippubblikah Giovanni Ricordi. Il-mużika Taljana ġiet ippublikata tant li l-kumpanija għamlet il-qliegħ mill-mużika ta’ Verdi.

Opri liriċi

• Oberto, Conte di San Bonifacio (Teatro alla Scala ta' Milan, 17 ta' Novembru ta' l-1839)
• Un giorno di regno (Teatro alla Scala ta' Milan, 5 ta' Settembru ta' l-1840)
• Nabucco (Teatro alla Scala ta' Milan, 9 ta' Marzu ta' l-1842)
• I Lombardi alla prima crociata (Teatro alla Scala ta' Milan, 11 ta' Frar ta' l-1843)
• Ernani (Gran Teatro La Fenice ta' Venezia, 9 ta' Marzu ta' l-1844)
• I due Foscari (Teatro Argentina ta' Ruma, 3 ta' Novembru ta' l-1844)
• Giovanna d'Arco (Teatro alla Scala ta' Milan, 15 ta' Frar ta' l-1845)
• Alzira (Teatro di San Carlo ta' Napoli, 12 ta' Awwissu ta' l-1845)
• Attila (Gran Teatro La Fenice ta' Venezia, 17 ta' Marzu ta' l-1846)
• Macbeth (Teatro della Pergola ta' Firenze, 14 ta' Marzu ta' l-1847)
• I masnadieri (Her Majesty's Theatre ta' Londra, 22 ta' Lulju ta' l-1847)
• Jérusalem (Opéra national ta' Pariġi, 26 ta' Novembru ta' l-1847)
• Il corsaro (Teatro Grande ta' Trieste, 25 ta' Ottubru ta' l-1848)
• La battaglia di Legnano (Teatro Argentina ta' Ruma, 27 ta' Jannar ta' l-1849)
• Luisa Miller (Teatro San Carlo ta' Napoli, 8 ta' Diċembru ta' l-1849)
• Stiffelio (Teatro Grande ta' Trieste, 16 ta' Novembru ta' l-1850)
• Rigoletto (Teatro La Fenice ta' Venezia, 11 ta' Marzu ta' l-1851)
• Il trovatore (Teatro Apollo ta' Ruma, 19 ta' Jannar ta' l-1853)
• La traviata (Teatro La Fenice ta' Venezia, 6 ta' Marzu ta' l-1853)
• Les vêpres siciliennes (Opéra national ta' Pariġi, 13 ta' Ġunju ta' l-1855)
• Simon Boccanegra (Teatro La Fenice ta' Venezia, 12 ta' Marzu ta' l-1857)
• Aroldo (Teatro Nuovo ta' Rimini, 16 ta' Awwissu ta' l-1857)
• Un ballo in maschera (Teatro Apollo ta' Ruma, 17 ta' Frar ta' l-1859)
• La forza del destino (Teatro Mariinskij ta' San Pietruburgu, 10 ta' Novembru ta' l-1862)
• Don Carlos (Opéra national ta' Pariġi, 11 ta' Marzu ta' l-1867)
• Aida (Teatru tal-Opra tal-Kajr, 24 ta' Dicembru ta' l-1871)
• Otello (Teatro alla Scala ta' Milan, 5 ta' Frar ta' l-1887)
• Falstaff (Teatro alla Scala ta' Milan, 9 ta' Frar ta' l-1893)