Lituania

Lituania


Capitale:	Vilnius
Populazzione: - Totale - Denzità	(2003) {{{abbitante}}} ab. ab./km²
Estenzione:	65.200 km²

'A Lituania è na repubbreca europea baltica ca cunfina a nord cu’’a Lettonia, a est cu’’a Bielorussia, a sud cu’’a Pulonnia a sudovest cu' l'enclave russa 'e Kaliningrad e a ovest cu’’o Mar Balteco e 'a capitale a Vilnius.

'A storia

Menziunata p’’a primma vota 'ind'o 1009, 'a Lituania crescette nfi a addiventà na mpurtante nazzione 'ind'o Medioevo. Fuje cristianezzata 'ind'o XIV seculo aroppo ca 'o granduca Jogalia se 'nzuraje cu’’a regina Jadwiga 'e Pulonnia e cu’’a seguente aunione d’’e ddoje curone.'A Lituania fuje nu Granducato innipennente e multietnico ca s' estenneva pe' gran parte 'e ll'Europa orientale. Spisso, sfrantummato 'ind'a diverze principati, avette periodi 'e unificazione asotto Mindaugas (primmo ed unico re 'e Lituania), Gediminus e a finale asotto Jogaila. 'Ind'o XIV seculo, se aunì cu’’a Pulonnia asotto a n'unico re. Ll'aunione d’’e ddoje curone se trasformaje in confederazzione cu’’o trattato 'e Lublino 'ind'o 1569 e pijaje 'o nomme 'e Rzeczpospolita ('A repubbreca), po' successivamente chello 'e Rzeczpospolita Oboiga Narodow ('A repubbreca d’’e dduje Popule),furmanno accusì 'a Cunfederazzione pulacco-lituana. 'E duje paise addumanetteno aunite 'nfino â spartizzione d’’a Pulonnia 'ind'o 1795,quanno 'a Lituania fuje annessa a ll'Impero russo.

Cu’’o trattato 'e Brest-Litovsk, 'ind'o febbraro 1918,aropp'a Rivoluzzione Russa, sfruguliata d’’a Germania, se dichiaraje innipennente. 'O 4 'e aprile 1919,aropp'a fine d’’o cunflitto,se costituì in repubbreca. 'O nuovo stato rifiutaje ll'ipotesi 'e ristabilì l'unione cu’’a Pulonnia e in seguito ce fujono dispute territuriali pe' vija d’’a capitale Vilnius, ca passaje â Pulonnia e â cità 'e Klaipėda,ca 'e nazziste se pijiajeno 'ind'o 1938,aroppo a n' ultimatum. 'Ind'o 1926 sajette ô putere nu regime dittatoriale.

'Ind'o 1940, durante 'a Siconda uerra munniale, 'o paese, siconno 'o patto Molotov-Ribbentrop d’’o 1939, fuje assignato ô territorio turesco,ma,doppo poche mise, pe' fà cagno cu' ll'Unione Sovieteca 'e na zona d’’a Pulonnia,'a Lituania fuje assignata a ll'Aunione Sovieteca ch'occupaje 'o paese, funnanno 'a Repubbreca suggialista sovieteca lituana.

Ch’’a glasnost, ll'11 'e màrzo 1990,'a RSS Lituana fuje 'o primmo stato sovietico a se proclamà innipennente, â pruclamazzione venettero 'e truppe sovietiche ca cercajeno 'e fermà 'a ribellione,ma affinale s'arreterajeno. L'innipennenza lituana nun vennette ufficialmente ricanasciuta 'nfino ô settembre 1991 (doppo 'o fallito colpo 'e stato 'e Mosca). Ll'urdemo battaglione russo ha lasciato 'o Paese 'ind'o 1993.

'O 29 'e màrzo 2004 'a Lituania è trasuta a fà parte d’’a OTAN.

'A giugrafia

Murfuluggia

'A Lituania cunfina a ovest cu’’o Mar Balteco, addò se trova 'a cità 'e Klaipeda. Cà se trovano spiagge 'e rena fina, cu' dune. Verzo est 'o paese addiventa cullinare, buschivo, ma cu' meno bosco d’’a Lettonia e ll'Estonia e chiù attività agricola.

Idrografia

'O sciummo Nemunas (in turesco Memel) nasce ô cunfine sud cu’’a Russia e,aroppo ch'have attraverzato 'a parte meridiunale d’’o paese,forma 'o cunfine cu' l'enclave russa 'e Kaliningrad, pe' se jittà 'ind'a laguna 'e rimpetto a ll'istmo 'e Curlandia (Mar Baltico), pure isso spartuto puliticamente â Lituania e Russia.

'A Lituania cunfina cu’’a Pulonnia 'nfra 'o lago 'e Vystitis e 'o luogo 'e cura Druskininkai.

'A pupulazzione

'A maggior parte d"a pupulazzione è Lituana, cu na piccirella parte 'e Ucraine, Pulacche e Russe e pure zengari Rom.

Religgione

'O 75 % d"a pupulazzione lituana è cattuolica, chisto dato 'o fatto 'a vicinanza cu 'a Pulonia cattuolicissima, e 'a pupulazzione nunutante 'a dittatura atea 'e ll'URSS ha mantenuto 'a fede cchiù 'e tutte 'e paese baltece e 'e ll'URSS.

Ati pruggette

Wikimedia Commons contiene fiùre o ate file ncopp"a Lituania

Jonte 'a fore

Puortale internet ufficiale d’’a Lituania