Noordoost-Frieslaand
Noordoost-Frieslaand (officieel Fries: Noardeast-Fryslân) is een gemiente mit 45.251 (1 jannewaori 2020[1]) binnen de gelieknaemige regio in Frieslaand, die op 1 jannewaori 2019 ontstaon is uut de gemienten Dongerediel, Ferwerderediel en Kollumerlaand en Nijkruuslaand.[2]
Gemiente Noordoost-Frieslaand | ||
(Vlagge van Noordoost-Frieslaand) | (Waopen van Noordoost-Frieslaand) | |
Lekaosie van de gemiente Noordoost-Frieslaand
| ||
Infermaosie | ||
Perveensie | Frieslaand | |
Heufdplak | Dokkum | |
Geografie en bevolking | ||
Oppervlak - Laand - Waeter |
516,4 km² 374,67 km² 141,78 km² | |
Antal inwoners Inwoners per km² |
45.251 (1 jannewaori 2020) 121 inw./km² | |
Koordinaten | 53° 20′ N, 6° 0′ O
Koördinaoten: 53° 20′ N, 6° 0′ O | |
Officiële webstee [1] |
Geschiedenis
bewarkIn eerste instantie was et de bedoeling dat in de regio Noordoost-Frieslaand een nog grotere ni'je gemiente zol ontstaon uut de gemienten Dantumediel, Dongerediel, Ferwerderediel en Kollumerlaand. Vanof 1 jannewaori 2017 bin disse vier gemienten ambtelik fuseerd. Dantumediel doet liekewel niet mit an de bestuurlike fusie en zal nao de vorming van de ni'je gemiente diensten ofnemen zonder dat ze zels een ambtelik apparaot het.[3]
Naeme
bewarkDe naeme is op 30 meert 2017 keuzen deur de drie gemienteraoden, nao een volksraodpleging onder de bevolking waorbi'j de naemen Dokkumerlân, en Ie- en Lauwerslân de andere twie kaanshebbende naemen weren. De gemiente het gien officiële Nederlaandse naeme.
Waopen
bewarkBi'j de gemienteraodsvergaodering van 2 jannewaori 2019 onthulde waornemend borgemeister Hayo Apotheker et ni'je waopen van de gemiente. Dit waopen het bovenin twie golvende balken in blauw en geel, die angeven dat et een kustgemiente is. Et overige diel is gruun, belaeden mit een goolden steern, die veurkwam in de waopens van de drie oorspronkelike gemienten. Et waopen wordt dekt deur een Friese grieteni'jkrone. Disse krone is overneumen van Kollumerlaand c.a. en Dongerediel.[4]
Plakken
bewarkDe gemiente bestaot uut de stad Dokkum en daornaost 52 dörpen. Diels bin de Friese naemen de officiële, diels de Nederlaandse.
Stad en dörpen
bewarkIn de gemiente liggen de volgende officiële woonplakken (steden en dörpen):
|
|
Naost disse officiële woonplakken bin der nog een antal dörpen die (nog) gien officiële woonplak bin of buurtskappen die ok wel dörp nuumd worden kunnen: Oostmehorn, Ezumeziel, Tiltjeburen en Westerniekark.
Buurtskappen
bewarkNaost de officiële plakken en inkelde andere niet-officiële plakken bin der in de gemiente de volgende buurtskappen:
Daornaost leit een stuk van de streek Wildpad in de gemiente, et grootste diel leit in de gemiente Achtkarspelen, die op 28 meert 2019 besleut dat der eigen plaknaemborden kommen.
Tael
bewarkOp et grondgebied van de gemiente wordt veurnaemelik Fries praotn.[5] De gemiente is de ienigste in de perveensie Frieslaand waor naost et Fries en et Nederlaands ok een Grunnings dialelt spreuken wordt: in de dörpen De Pomp, Muntjeziel, Warfstermeule en Burum wordt Kollumerlaands of Pompsters praot.
Rifferensies
bewark- ↑ CBS
- ↑ Noordoost-Frieslaand ni'je gemientenaeme gemientewebstee Kollumerlaand c.a.
- ↑ Ni'jsbericht Dockumer Courant
- ↑ Ni'jsbericht op webstee Omrop Fryslân
- ↑ Taalatlas Fries 2015, Perveensie Frieslaand, 2015
Uutgaonde verwiezingen
bewark
Dit artikel is skreaven in et stellingwarvsk. |