Friedrich Verholen

Friedrich Verholen (* 22. Dezember 1901 in Swonewebel; † 4. Juli 1993 in Oosterholt-Scharmbeek) weer en düütschen Politiker von de SPD.

Verholen is 1901 in Swonewebel boren. He weer op de Volksschool un is in’n Eersten Weltkrieg för den Bo von U-Bööd deenstverplicht worrn. Na’n Krieg hett he bi de Bremer Schippswarft AG Werser arbeidt. He weer dor von 1918 bet 1930 Smeedhelper. In de Johren 1929 bet 1933 weer he Afornten in’n Kreisdag von’n Kreis Oosterholt un in’n Gemeendag. He weer von 1930 bet 1933 Verwalter in en Pleegheim in Hu’e. 1933 is he dör de Natschonalsozialisten entlaten worrn. He hett denn as Hannelsvertreder arbeidt. Na’n Tweten Weltkrieg is he 1945 in Hu’e Börgermeester worrn un in’n Landkreis Oosterholt Afornten von’n Kreisdag.

Von’n 6. Mai 1959 bet 5. Juni 1967 (veerte un föffte Wahlperiood) weer he för den Wahlkreis Oosterholt-Scharmbeek Maat von’n Landdag von Neddersassen.