Ännern vun Glen Albyn (Afsatz)

== Historie ==
De Brenneree is an’n 10. Oktober 1844 dör James Sutherland grünnt worrn. In’n November 1849 sünd Deelen vun de Distille dör en Füür tonichten maakt worrn, man al in’n Februar 1850 güng dat mit de Produkschoon wieter. De Brenneree schüll vun 1855 an verköfft warrn, man en Köper is nich funnen worrn. So weer se 1866 stillleggt un blots noch as [[Koornmöhl]] bruukt worrn. Eerst 1884 is se vun ''Gregory and Co.'' wedder to en Brenneree ümboet worrn. Vun 1917 bit 1919 deen de Anlaag as Marine-Stüttpunkt för de US-Amerikaners. In disses Tiet weern dor ansteed vun Whisky [[Seemien|Seemienen]] herstellt. 1920 is de Brenneree denn vun James Mackinlay un John Birnie (''Mackinlay & Birnie Ltd.'') övernahmen worrn. 1972 weer se an ''Distillers Company Limited'' (DCL) verköfft. In’t Johr 1983 is se denn dicht maakt worrn un 1986 weer se denn afreten. Vundaag steiht op dat Rebeet en Supermarkt.