Ännern vun Klööt (Afsatz)

== Kastratschoon ==
[[Kastratschoon]] betekent dat Ünnerbinnen vun de Klötenfunkschoon. Dat kann passeeren dör en Operatschoon, bi de de Klöten wegmaakt warrt (''Orch[[ektomie]]''), dör Ünnerbinnen vun de Klötenfatten („unblödig Kastratschoon“), dör Bestrahlen oder dör cheemsch Stoffen. Kastratschonen warrt bi Minschen vör allen in’n Fall vun [[Klötenkrebs]] vörnahmen. Ut kosmeetsch Grünnen warrt wegmaakte Klöten tomeist dör en [[Klöötprothees]] nee maakt.

[[Bild:Bartolomeo Nazari - Portrait of Farinelli 1734 - Royal College of Music London.jpg|thumb|150px|[[Farinelli]], ’n beropenen kastreerten Singer in’t 18. Johrhunnert]]
As Teken vun’n Machtverlust speelt de Kastratschoon ok in de [[Mythologie]] vun vele Kulturen ein Rull (kiek ok [[Kastratschoonsangst]]). In den [[Ägyptische Mythologie|ägyptischen Mythologie]] t.&nbsp;B. ritt [[Horus]] sien Halfbroder [[Seth (Mythologie)|Seth]] de Klöten weg. In de [[Greeksche Mythologie|greekschen Mythologie]] maakt [[Kronos]] eerst sien Vadder [[Uranos (Mythologie)|Uranos]] de Klöten weg un warrt later sülvst vun sien Söhn [[Zeus]] kastreert. Üm nich vun de weltliche Versöken bedrapen to warrn, weer in’n [[Kybele]]-Kult vun de [[Phryger]], de sik ok in’t antike Grekenland un in Rom verbreedt hett, begäng, dat sik de [[Galloi]] (Priesters) sülvst de Klöten wegmaken deen, jüst so weer dat ok bi de [[Hijra]]s in [[Indien]]. 

Dorgegen is de Kastratschoon in’t [[Jödendom]] bi Minsch un ok bi Deeren vullstännig verboden. In’t [[Christendom]] weer de Kastratschoon ok slecht ansehn. [[Eunuch]]en dröffen nich to’n Priester weiht warrn, man dat geev ok Richten in’t Christendom, in de dat sülvst Kastreren as Ritual maakt worrn is (kiek bi [[Skopzen]], [[Eunuchen för’t Hevenriek]]). Histoorsch sünd ok [[Slaveree|Slaven]], Kriegsfangene, Singers („[[Kastrat]]“) oder de Oppassers vun [[Harem]]s („[[Palasteunuch]]en“) kastreert worrn. De nichmedizinsch begrünnte Kastratschoon harr vör allen to’n Sinn, de sekundären Geslechtsmerkmolen, de vun’t Testosteron utlöst sünd (Stimmlaag, Sexualverhollen), to ünnerbinnen. Kastreerte Mannslüüd künnt sik nich vermehren un dorüm keen Familie grünnen. In traditschonelle Sellschoppen harrn se dormit keen persönliche Tokunft un gellen as folgsame Deeners<ref name="Taylor">Taylor, G.: ''Castration: An Abbreviated History of Western Manhood''. Routledge, Inc. 2002, ISBN 0-415-93881-3</ref>. De freewillig Kastratschoon vun Sexualverbrekers is in Düütschland as ok in eenige Bundsstaten vun de USA noch jümmer een Therapiemethood, de aver ümstreden is.

In de Deermedizin warrt Kastratschonen, blangen medizinische Grünnen (Klötenkrebs, Krankheiten vun de [[Prostata]] un de [[Analdrüüs]]), vör allem maakt, üm dat Vermehren to ünnerbinnen, üm beter mit Huusdeerten klortokamen ([[Paag (Peerd)|Paag]], [[Oss]]), üm de Mastleistung un de Fleeschqualität to verbetern un bi Huusswien ok to’n Ümgahn vun’n „Eberröök“ vun’t Fleesch<ref name="Taylor"/>. De Kastratschoon is een vun de wenigen na’t [[Deerschuulgesett (Düütschland)|Deerschuulgesett]] (§&nbsp;6) inj Düütschland noch verlööften nichmedizinsch begrünnten Operatschonen, to’n Wegmaken vun Organen. Bi bannig junge Deerten sogor ahn Pienutschlaten, wat aver ümstreden is.