मेय्
?मेय् संरक्षण स्थिति: छेंय् लहिनातगु प्राणी | ||||||||||||||||||
---|---|---|---|---|---|---|---|---|---|---|---|---|---|---|---|---|---|---|
वैज्ञानिक वर्गिकरण | ||||||||||||||||||
| ||||||||||||||||||
Bubalus bubalis (Linnaeus, 1758) | ||||||||||||||||||
Global distribution of buffaloes in 2004
| ||||||||||||||||||
|
मेय् (Bubalus bubalis) गृहस्थीकरण यानातःगु दक्षिण एसिया, दक्षिण पूर्व एसिया निसें बोर्नियो तक्क दूगु छता चौपाया ख। थ्व प्राणीयात बुँज्याय् सउवायेत, ला व दुरुया निंतिं लहिनिगु या। थ्व प्राणीया जंगली प्रजाति १९गु शताब्दीइ उत्तरी अस्ट्रेलियाय् नं थ्यन व न्यु गिनिया, त्युनिसिया व उत्तरपूर्वी अर्जेन्तिनाय् नं थ्व प्राणीया चिधंगु बथान दु। थुकिया निगु पुचःया वर्णन दु- झ्वास्या मेय् व खुसि मेय् पुचः।[१] हलिमय् करिब १३० मिलियन लहिनातःगु मेय् दु। थ्व प्राणीइ मनुत मेगु छुं प्राणीइ स्वया अप्व निर्भर दु। [२]
दक्षिण पूर्वी एसियाय् मू रुपय् दूगु बंमेय् (Bubalus arnee)तयेत मेय् स्वया पाःगु प्रजातिया रुपय् कायेगु या। बंमेय् छता लोपोन्मुख प्रजाति ख। ४००० जक्क जनसंख्या व २५०० स्वया म्हो वस्यक जनसंख्या नापं बंमेय् आइयुसिएनया लोपोन्मुख धलखय् सन् १९८६ निसें दयाच्वंगु दु। थुकिया जनसंख्या ह्रास लिपांगु २४-३० दँय् करिब ५०% दु।[३] बंमेय् मेय्या प्राचीन तपाय् जुइफू। [४]
भारत व चीनय् मेय्या गृहस्थीकरण करिब क्रमशः ५००० व ४००० दँ न्ह्यः शुरु जुल। संरचना व व्यवहारया मापदण्ड कथं मेय्या निगु प्रकार म्हसीके छिं – दक्षिण एसिया व पश्चिमय् बाल्कन्स व इतालीतक्क दूगु खुसि मेय् व आसाम निसें दक्षिण पूर्व एसिया व पूर्वय् चीनया याङ्जे खुसितक्क दूगु झ्वास्या मेय् ।[५] मेय्या गृहस्थीकरणया उत्पत्ति छगू खुला न्हेसःया रुपय् दयाच्वंगु दु। फाइलोजेनेतिक मालेज्याया अनुसार झ्वास्या मेय् चीनय् उत्त्पत्ति जूगु व खुसि मेय् भारतय् उत्पत्ति जूगु ख। [६]
अफ्रिकी मेय्या उत्पत्तिया बारेय् यक्व सूचं मदु। थ्व प्रजातिया Syncerus caffer मेय्नाप सतिकं स्वापू मदु।[७]
लिधंसा
सम्पादन- ↑ Cockrill, W. R. (1977). The water buffalo. Rome: Animal Production and Health Series No. 4. Food and Agriculture Organization of the United Nations.
- ↑ Scherf, B. D. (2000). World watch list for domestic animal diversity. Third edition. Food and Agriculture Organization of the United Nations, Rome.
- ↑ Bubalus arnee. IUCN Red List of Threatened Species. Version 2012.2. International Union for Conservation of Nature (2008).
- ↑ Lau, C. H., Drinkwater, R. D., Yusoff, K., Tan, S. G., Hetzel, D. J. S. and Barker, J. S. F. (1998). Genetic diversity of Asian water buffalo (Bubalus bubalis): mitochondrial DNA D-loop and cytochrome b sequence variation. Animal Genetics 29 (4): 253–264.
- ↑ Cockrill, W. R. (ed.) (1974). The husbandry and health of the domestic buffalo. Food and Agriculture Organization of the United Nations, Rome.
- ↑ Yang, D. Y., Liu, L., Chen, X., Speller, C. F. (2008). Wild or domesticated: DNA analysis of ancient water buffalo remains from north China. Journal of Archaeological Science 35: 2778–2785.
- ↑ Template:MSW3 Artiodactyla
स्वयादिसँ
सम्पादनविकिमिडिया मंका य् थ्व विषय नाप स्वापु दुगु मिडिया दु: Bubalus bubalis |