Brukar:Hordaland/Sandkasse
Legacy Family Tree
| Legacy Family Tree | |||
| Skapar | Millennia Corporation | ||
|---|---|---|---|
| Nyaste versjon | 6.0.0.190 | ||
| Operativsystem | Windows | ||
Legacy Family Tree er eit slektsgranskingsprogram som hittil er utgjeve på engelsk, nynorsk, bokmål, dansk og nederlands. Den fullverdige Standardversjonen er freeware, dvs brukaren fritt kan laste ned og bruke programmet utan å betale og utan tidsrestriksjonar. Det finst òg ein Deluxeversjon med fleire funksjonar som ein må betale for å få «låse opp». Hyppige oppdateringar til begge versjonane kan lastast ned. Begge versjonane inneheld omfattande hjelpesider på dei nemnde språka, medan manualen i bokform og instruksjonsvideoane er å få berre på engelsk. Fleire språk er under arbeid, sjå International releases
Legacy tek vare på, systematiserer og lagar utskrift av dei opplysningane som ein har om slekta. Ein skriv inn informasjon om personar i eit skjema og kan ta med så mange hendingar, kjelder, bilete, notat og video- og lydfiler som ein vil. Det er plass til alternative namn og alternative opplysningar elles. Ein navigerer databasen primært gjennom familie- (tre generasjonar) eller anetavleskjermane. Programmet byr på hjelp i forskingsarbeidet ved å halde greie på lister med oppgåver som ventar og ved lenkjer til eit utval søkjesider på verdsveven.
Legacy kan lage ulike rapportar og tavler, til og med bøker med innhalds- og registersider, og PDF-dokument. Fleire av rapportane kan ha med bilete. Folketeljingsskjema er inkluderte, også norske. Programmet kan lage nettsider. Namnelappar med foto og små tre-generasjons-slektstavler, til bruk ved slektsstemner, kan skrivast ut. Tilleggsprogrammet Legacy Charting lagar m.a. store tavler til å ha på veggen, tavler i vifte- eller timeglasformat og DNA-tavler.
Programmet importerer og eksporterer standard GedCom-filer så vel som filer frå programmet Personal Ancestral File (PAF). Medlemmar av Jesu Kristi kyrkje av siste dagars heilage, «mormonarkyrkja», kan få produsert rapportar for TempleReady.
Den nyaste versjonen per 27 februar 2008 er v.6.0.0.190.
Legacy Family Tree står for årlege cruise i ulike delar av verda. Desse inkluderer seminar om slektsgransking og om bruk av Legacy.
Lenkjer ut
[endre | endre wikiteksten]- Norsk nettstad På norsk for nynorsk- og bokmålsversjonane av Legacy Family Tree, med lenkjer til sider på engelsk, dansk og svensk
- Slekt.no Slekt.no si vurdering av Legacy Family Tree
- Legacy Family Tree Heimesida på engelsk
- Legacy Charting Eit nytt tilleggsprogram
Kategori:Slektsforskingsprogram]] Kategori:Programvare]] Kategori:Slektsforsking|Programvare]]
(har fjerna nokre lenkjer her)
- - - - -