Lugo
Lugo | |||||
---|---|---|---|---|---|
| |||||
Plassering | |||||
Styresmakter | |||||
Land | |||||
Autonom region | Galicia | ||||
Provins | Lugo | ||||
Grunnlagd | Første hundreåret fvt. | ||||
Borgarmeister | José Clemente López Orozco | ||||
Geografi | |||||
Flatevidd - By |
332 km² | ||||
Innbyggjarar - Totalt (2008) - folketettleik |
95 416 287,4 /km² | ||||
Koordinatar | 43°1′N 7°33′W / 43.017°N 7.550°W | ||||
Høgd over havet | 465 moh | ||||
Diverse annan informasjon | |||||
Postnummer | 27001 - 27004 | ||||
Nettstad: http://lugo.gal/ |
Lugo er ein by nordvest i Spania i den autonome regionen Galicia. Han er provinshovudstaden i provinsen Lugo. Kommunen har kring 95 000 innbyggjarar og er den fjerde største i Galicia.
Lugo er den einaste byen i verda som er omgjeven av intakte bymurar frå romartida. Murane blei bygd på 200-talet, og er i dag rekna som ein verdsarvstad av UNESCO.[1]
Historie
Byen vart truleg grunnlag av keltarar. Seinare vart han erobra av Paulus Fabius Maximus og kalla Lucus Augusti i 13 f.Kr. ved ein romersk militærleir. Byen høyrte til den romerske provinsen Hispania Tarraconensis og var hovudbyen til caporane. Sjølv om han vart liten var han den viktigaste romerske byen i det som vart Gallaecia i romartida, setet for ein conventus, og ein av tre slike i Gallaecia. Seinare var han ein av to hovudstader i Gallaecia og gav namn til Callaïci Lucenses. Han låg midt i eit stort gullgruveområde, som i romartida var særs aktivt.
Lucus vart sete for ein biskop seint på 400-talet og var eit administrativt senter for suebane og vestgotarane, før han kom i forfall. Midt på 700-talet vart byen forlaten. På 900-talet vart det gjort forsøk på å gjenoppbygge byen, og seinare var Lugo med domkyrkja si eit valfartsmål lik Santiago de Compostela.
Med opprettinga av Lugo-provinsen i 1833 fekk Lugo klart større tyding enn jamstore byar i nærleiken, som Mondoñedo og Ribadeo. Utviklinga fortsette då jernbanen kom til byen i 1875. På 1970-talet gjekk byen gjennom utvikling som skipinga av industriområdet Ceao i 1979, og ein totalrenovasjon av bymurane. I 2000 blei dei romerske murane utropt til verdsarv av UNESCO.
Kjelder
- ↑ «Roman Walls of Lugo», unesco.org. Henta 10. mars 2015.
- Denne artikkelen bygger på «Lugo» frå Wikipedia på engelsk, den 4. november 2009.