Ferdinand Prahl
Ferdinand Prahl | |||
Fødd | 12. november 1840 | ||
---|---|---|---|
Død | 2. mai 1917 (76 år) | ||
Statsborgar av | Noreg | ||
Yrke | politikar | ||
Far | Michael Djurhus Prahl | ||
Ektefelle | Hildur Nilsen | ||
Alle verv |
|
Ferdinand Christian Prahl (12. november 1840–2. mai 1917) var ein jurist og stortingsmann frå Bergen. Han representerte Venstre. Michael Prahl var far hans.
Prahl vart student frå katedralskulen i Bergen i 1859. I 1866 vart han cand. jur. Etter ei studiereise utanlands vart han overrettssakførar i Bergen i 1869, dessutan var han medstyrar i familiefirmaet Fasmer & Søn. Frå 1898 var han dommar ved overretten i Bergen. I 1870-åra var han medarbeidar i Bergensposten og i Bergens Tidende. Medlem av representantskapet i Noregs Bank 1895-1908. Styremedlem i Vestmannalaget frå 1902.
Åra 1892-1900 var Prahl 4. representant frå Bergen på Stortinget, heile tida var han formann i protokollkomiteen. Han var 1893-1900 medlem av fullmaktskomiteen. Elles var han 1893 medlem av undersøkingskomiteen, 1897 av revisjonskomiteen, 1898-1900 av spesialkomiteen om budsjettet og av komiteen om den militære straffelova.
Kjelder
[endre | endre wikiteksten]- Lindstøl, Tallak:Stortinget og Statsraadet 1814-1914. Kristiania, 1914
- Biografisk informasjon om Ferdinand Prahl NSD Norsk senter for forskningsdatas politikararkiv