Lars Olsen
| |||
Personleg informasjon | |||
---|---|---|---|
Fullt namn | Lars Christian Olsen | ||
Fødd | 2. februar 1961 (63 år) | ||
Fødestad | Glostrup i Danmark | ||
Høgd | 182 cm | ||
Posisjon | Midtback | ||
Seniorkarriere* | |||
År | Lag | Kampar | (Mål) |
1980-1981 | Glostrup | ||
1981-1985 | Køge | 105 | (111) |
1985-1991 | Brøndby | 178 | (13) |
1991-1992 | Trabzonspor | 30 | (0) |
1992-1994 | Seraing | 62 | (0) |
1996 | Brøndby | 20 | (1) |
Landslag | |||
1986-1996 | Danmark | 84 | (4) |
* Seniorklubbkampar og mål berre telt for nasjonal liga |
Lars Christian Olsen (fødd 2. februar 1961) er ein dansk tidlegare fotballspelar frå Glostrup som var kaptein på det danske landslaget som vann fotball-EM 1992 i Sverige. Midtstoppar Olsen vann elles seks seriegull med Brøndby IF og vart både dansk og tyrkisk cupmeister med høvesvis Brøndby IF og Trabzonspor.
Klubbspel
[endre | endre wikiteksten]I tenåra spelte Olsen tredjedivisjonsfotball med det lokale laget Glostrup IF. Frå 1981 til -84 markerte han seg i forsvarsrekka til Køge BK i nasjonal toppfotball. I 1985 melde han overgang til Brøndby, eit lag som vann fem seriemeisterskap i dei åra Olsen spelte på laget frå København. År 1988 vart han elles kåra til årets spelar i Danmark. Sommaren 1991 vart han overført til tyrkiske Trabzonspor. Han vart verande berre ein sesong i Tyrkia, men fekk med seg ein nasjonal cuptriumf. Sidan spelte han to sesongar, 1992-94, i belgiske RFC Seraing, og 1994-95 i sveitsiske FC Basel. Han avslutta spelarkarrieren i 1996 i Brøndby, der han sikra seg sin sjette danske seriemeistertittel.
Landslagsspel
[endre | endre wikiteksten]Olsen fekk sin landslagsdebut i april 1986, men det var fyrst i 1987 han tok fast plass i det dansk landslaget. Han deltok i alle tre oppgjera då Danmark rauk ut or EM i fotball 1988 etter innleiingsrunda. Fire år seinare spelte han alle kampane då Danmark gjekk heilt til topps i EM 1992, etter siger 2-0 over Tyskland i finalen. Etter 1994 fekk Olsen sjeldan sjansen på landslaget, og spelte sin 84. og siste landskamp i oppkøyringa til EM 1996. Under sjølve meisterskapen i England sat han ubrukt på benken. Han skåra fire landslagsmål.
Merittar
[endre | endre wikiteksten]- Europameister: 1992 med Danmark
- Dansk seriemeister: 1985, 1987, 1988, 1990, 1991 og 1996 med Brøndby IF
- Dansk cupmeister: 1989 med Brøndby IF
- Tyrkisk cupmeister:1992 med Trabzonspor
Kjelder
[endre | endre wikiteksten]- Denne artikkelen bygger på «Lars Olsen» frå Wikipedia på tysk, den 30. april 2017.