Martin Andresen
| |||
Personleg informasjon | |||
---|---|---|---|
Fødd | 2. februar 1977 | ||
Fødestad | Kråkstad | ||
Høgd | 180 cm | ||
Posisjon | Sentral midtbane | ||
Klubbinformasjon | |||
Noverande lag | Vålerenga Fotball | ||
Nummer | 8 | ||
Ungdomsklubbar | |||
Kråkstad IL Ski IL | |||
Seniorkarriere* | |||
År | Lag | Kampar (Mål) | |
1995–96 1997 1998–99 1999–2000 2000 2001–03 2003–04 2004 2005–2007 2008–no |
|
45 (10) 26 (8) 52 (16) 14 (1) 9 (1) 74 (15) 11 (0) 13 (1) 59 (9) 27 (2) | |
Landslag | |||
1995–98 2001–i dag |
|
24 (4) 41 (3) | |
* Seniorklubbkampar og mål berre telt for nasjonal liga og oppdatert 7. april 2009 ‡ Landslagsmål oppdatert 7. mars 2009 |
Martin Andresen (fødd 2. februar 1977) er ein norsk fotballspelar som spelar på den sentrale midtbanen til Vålerenga der han også er manager. Han har i tillegg vore kaptein på det norske landslaget.
Andresen starta fotballkarrieren sin på 2. divisjonslaget Ski, etter dette nokre korte periodar i Moss og Viking, før han kom til Stabæk i 1997. Andresen vart raskt ein nøkkelspelar på Nadderud, og danna saman med Tommy Svindal Larsen det mange rekna som den beste midtbaneoppstillinga i Tippeligaen. Andresen vart cupmester i 1998 då Stabæk noko overraskande slo Rosenborg i finalen.
Hausten 1999 vart Andresen kjøpt av den engelske klubben Wimbledon, der Egil «Drillo» Olsen var manager. Opphaldet i Wimbledon vart likevel lite vellykka, og etter berre éin sesong vart han leigd ut til Molde. Også i Molde sleit Andresen med å etablere seg fast på laget, og han vende derfor seinare attende til Stabæk.
Andresen hadde den beste sesongen sin i 2003, då han vart rekna som den viktigaste bidragsytaren til at Stabæk tok bronsemedalje i serien. Han vart kåra til årets spelar, både av spelarkollegaene og dei fleste avisene. Han etablerte seg også på landslaget dette året, og returnerte til England der han i ein periode var på utlån til Blackburn, før han nok ein gong returnerte til Stabæk. Etter at Stabæk rykte ned til 1. divisjon i 2004, vart Andresen kjøpt av Brann 23. desember 2004. Same år vart han også utnemnd til landslagskaptein av Åge Hareide.
I 2005 etablerte Andresen seg straks som sjef på den sentrale midtbanen hos Brann, men mista mange kampar på grunn av skadeproblem. Andresen gjekk til Vålerenga som spelande managar etter sesongen 2007.
Andresen er med sin eigardel på 22,5 prosent ein av dei største eigarane av møbel- og eigendomskonsernet Skeidar.