Sigrid Bonde Tusvik
Sigrid Bonde Tusvik | |
Statsborgarskap | Noreg |
Fødd | 2. februar 1980 (44 år) Nordstrand |
Yrke | skribent, programleiar, stemmeskodespelar |
Sigrid Bonde Tusvik på Commons |
Sigrid Bonde Tusvik (fødd 2. februar 1980) er ein norsk komikar og forfattar.
Familie
[endre | endre wikiteksten]Ho er oppvaksen på Nordstrand som dotter av lærebokforfattaren Elin Bonde og Sverre Tusvik, som var redaktør i Samlaget. Tusvik er gift med Martin Jøndahl.[1]
Jobb
[endre | endre wikiteksten]Etter å ha studert til tekstforfattar ved Westerdals School of Communication har ho vore skribent for både Stella og Dagsavisen.
Tusvik har sidan 2003 jobba med stand up-komikk. Ho var med i undergrunnshowet Blymandag der òg Else Kåss Furuseth, Henrik Thodesen, Odd-Magnus Williamson, Martin Beyer-Olsen og Morten Ramm var med. Dette har vore sett på som forløparen til TV-programmet Torsdag kveld fra Nydalen.[2]
Ho har vore reporter for Rikets Røst og var i 2010 programleiar i SMS-rulett, ein konkurranse mellom kjendisar på VGTV. Same år sende NRK serien Sigrid søker kjæreste der ho traff den komande ektemannen sin Martin Jøndahl. I 2011 var ho vikar for Henriette Steenstrup i Torsdag kveld fra Nydalen før ho i 2012 vart fast i programmet etter at Morten Ramm slutta.
Podcast
[endre | endre wikiteksten]11. oktober 2012 starta ho saman med komikarvenninna Lisa Tønne podcastprogrammet Tusvik & Tønne som dei skildrar slik: «Sigrid og Lisa er to altfor frittalende komikere. Ett sted må de få lov til å tømme seg, det er blitt til Tusvik & Tønnes podcast»[3]
Podcasten har fått kritikk for å hengja ut einskildmenneske, utan å måtta forhalda seg til Vær Varsom-plakaten, som redaktørstyrte medium følgjer.[4][5]
Mamma
[endre | endre wikiteksten]Hausten 2013 viste TV 2 Sigrid blir mamma, ein dokumentar i fire delar om Tusviks tid som gravid og spebarnsmor.
Ho fekk to prisar under Komiprisen 2015: prisen for årets kvinnelege scenekomiker for Mot i brøsta og publikumsprisen for årets morosamaste saman med Lisa Tønne. Ho var òg nominert i klassene årets kvinnelege TV-komiker og årets stand-up komiker.
I 2015 hadde Tusvik og Tønne både eit eige talkshow på TV 2 og show på Latter i Oslo kalla Tusvik og Tønne skammer seg. 2017 og 2018 opptredde ho med Tusvik & Tønne - På oppdragelsesreise.[6]
Bibliografi
[endre | endre wikiteksten]- 2008: Noe med media: en bok om hva du kan bli ISBN 9788248908340
- 2009: Glitterfitter: helt sanne historier om å være ung kvinne ISBN 9788248908944
- 2020: Kan alle sjekka kalenderen? (med Else Kåss Furuseth, Siri Kristiansen og Benedicte Wessel-Holst). ISBN 9788248926078
TV-opptredenar
[endre | endre wikiteksten]- 2015: Tusvik & Tønne talkshow (TV 2)
- 2015: Tørnquistklubben (TV 2)
- 2014: Klippkompaniet (TV 2)
- 2013: Sigrid blir mamma (TV 2)
- 2011-2014: Torsdag kveld fra Nydalen (TV 2)
- 2010: Sigrid søker kjæreste (NRK)
- 2006: Rikets Røst (TV 2)
Kjelder
[endre | endre wikiteksten]- ↑ «Sigrid Bonde Tusvik ble mamma igjen». Henta 24. juli 2016.
- ↑ «Sigrid Bonde Tusvik avslører bråk i «Torsdag kveld fra Nydalen»-kulissene». Arkivert frå originalen 4. mars 2016. Henta 8. november 2015.
- ↑ «Tusvik & Tønne». Arkivert frå originalen 11. oktober 2015. Henta 8. november 2015.
- ↑ Erle Marie Sørheim (30. januar 2019). «Ut mot podkast-stjerner: − I Tusvik og Tønnes verbale gapestokk». Henta 12. februar 2021.
- ↑ Mads Fremstad (29. januar 2019). «Listhaug: – Mulig det gjelder andre regler for dem». TV 2. Arkivert frå originalen 17. juni 2021. Henta 13. september 2021.
- ↑ «– Trodde ikke vi skulle vinne». Henta 8. november 2015.
- Denne artikkelen bygger på «Sigrid Bonde Tusvik» frå Wikipedia på bokmål, den 9. november 2021.