Tirso de Molina

Tirso de Molina (24 de març de 1583 - 12 de març de 1648), de son nom vertadièr Gabriel Téllez es, amb Lope de Vega e Pedro Calderón de la Barca, un dels grands autors de teatre del Sègle d'aur espanhòl. Es celèbre per aver escrich la primièra pèça de teatre sul personatge mitic de Don Juan, abans Molière: El Burlador de Sevilla.

Tirso de Molina
Fray Gabriel Téllez, Tirso de Molina.jpg
Nom de naissença	(es) Gabriel José López y Telléz
Naissença	24 de març de 1583, ?Madrid
Decès	12 de març de 1648, Almazán
Ocupacion	dramaturg

Se situa sa naissença a Madrid, mas se sap res de son enfança. Dintrèt al convent de la Mercé a setze ans e prononcièt sos vòts un an mai tard, en 1601. Aprèp d'estudis à Guadalajara e Salamanca, demorèt en Galícia e Portugal, passèt qualque temps a Sevilha, puèi embarquèt per Sant Domingo ont demorèt dos ans.

Tirso de Molina foguèt un autor fecond. Ecriguèt 317 comèdias de mors, d'intriga, de caractèrs, moralas e litugicas. L'essencial de son òbra foguèt producha entre 1610 e 1625, periòde pendent que foguèt fòrça popular coma òme de teatre e frequentava assiduament la Cort e los literaris. Aquela popularitat s'acabèt subte quand en 1624, una « Assemblada de Reforma » l'accusèt, el e d'autres autors, de corrompre las mors per de « comèdias profanas ». Foguèt alra condamnat a daissar la Cort e li foguèt interdit d'escrire pel teatre. En 1632 foguèt nomenat cronicaire de l'Òrdre de la Mercé, puèi comandor del convent de Soria.

Moriguèt en 1648 a Almazán.

Vejatz tanben

• Sègle d'aur espanhòl.

Ligams extèrnes

• (fr) Cronologia
• (es) Portal per cervantesvirtual