Karni
Ing karni ya ing láman ning animal bílang pámangan.[1][2]
King kawatásan
Ding sigienti atlu lang ehemplu da ring poema ning talasúlat a Filipínung i Renato Alzadón tungkul king preparasion ning karni.
"Kalgaretang Kambing"
Paka-gareta la ding sugu nang Bertu
Manakut lang pale bubuntun king Patyu;
Ngana nining Biling a anak nang Saryu
Atin sang pulutan at saka Aneju.
Oras ning paugtuan, sinungab neng tambing
kabang lalangut ya maglabit ya'y Biling;
Maski nanu klasing pulutan malasing
apangan ku, ngana, puera mu keng kambing.
Yang kambing, nan de mang samasan ilutu
Ali ke apangan atmu ne ka-anggu;
Belikdan ne kanian ning matuang miglutu
Bileng, nanu ya yang kakanan mu, itu?
"Ding Pindang"
Mag-malaguintu na ing kadua tang bili
Pamamalakayang disan na ning pali;
Dening dinatang a dagis ning Mauli
Gagawan dang sale tanke rang pemakli.
Ngarang manula ding bisita king Baryu
Manalik tang kuldun dumanup ta kanu;
uling alang salang emu mamagkanu
ing siran dang pale salut a perwisyu..
Dening mapanula kanian no mag-mintis
Era kata balu galing at kilatis;
Subali king dakal ta abias at mais
Nananu na la mu dening pindang
"Bigsu Na Mu"
Ing Konsejal Iru meangu ing bie na
Atyu makaburul king mismung bale na;
Dakal la ding taung babie galang kaya
Balang miapagan maglutu lang baka.
Ing baka, e paman melambut a laman
Y Tikung Gilagid maniawad neng kanan;
Linapas yang ditak ketang palambutan
Saka ne inakmul mebaknal ya kanian.
Penimid de atyan masuerti nyang tutu
Linual ya ing karning inakmul nang Tiku;
Kamasmas na, ngana, nu ko bigsu na mu---
Bigsu na ku pala tinuki kang Iru.
Ding daleráyan
- ↑ Lawrie, R.A. (2006). Lawrie's meat science, 7th, Cambridge: Woodhead Publishing Limited. ISBN 978-1-84569-159-2.
- ↑ Ayyıldız, Esat. “Klasik Arap Edebiyatında Et Motifi”. International Malatya Gastronomy Culture and Tourism Conference. ed. Aynur Ismayilova – Gunay Rzayeva. 19-24. Malatya: IKSAD Publishing House, 2022.
Ing artíkulung ini metung yang súlî. Makasáup ka king Wikipedia kapamílatan ning pámandagdag kaniti.