Accesibilidade de Android

Accesibilidade de Android é un conxunto de aplicacións de accesibilidade que che axudan a utilizar dispositivos Android sen empregar a vista ou mediante un interruptor.

Accesibilidade de Android inclúe:
• Menú de accesibilidade: Utiliza este panel grande que aparece na pantalla para bloquear o teléfono, controlar o volume e o brillo, facer capturas de pantalla e moito máis.
• Función Escoitar selección: Ao seleccionar elementos da pantalla, lerase a súa descrición en voz alta.
• Lector de pantalla de TalkBack: Escoita comentarios de voz, controla o dispositivo con xestos e escribe co teclado braille en pantalla.

Para comezar, sigue estes pasos:
1. Abre a aplicación Configuración do dispositivo.
2. Selecciona Accesibilidade.
3. Escolle Menú de accesibilidade, Escoitar selección ou TalkBack.

Accesibilidade de Android é compatible con Android 6 (Android M) ou versións posteriores. Se queres usar TalkBack en Wear, necesitarás Wear OS 3.0 ou versións posteriores.

Aviso sobre os permisos
• Teléfono: Accesibilidade de Android ten en conta o estado do teléfono para adaptar os avisos á situación das chamadas.
• Servizo de accesibilidade: Ao ser un servizo de accesibilidade, esta aplicación pode ver as túas accións, o contido das ventás e o texto que escribes.
• Notificacións: Se activas este permiso, TalkBack poderá enviarche avisos sobre novidades.