Propaganda

Ël Barba Sam dël 1917 La propaganda a l'é l'atività dë spatarament d'ideje e d'anformassion con ël but ëd possé a assion o manere ëd pensé specìfiche o ëdcò l' usagi consi, metòdich e pianificà ëd técniche ëd përsuasion për rivé a obietiv specìfich ch'a peulo beneficié coj ch'a l'han organisà la còsa. Ël contrari ëd la propaganda a l'é la pura e sempia esposission dij fàit e dla realtà ant soa completëssa. La propaganda, anvece, a peul presenté ij fàit an manera seletiva (donca fasend ij busiard për omission) con ël but d'ancoragé na conclusion particolar, opurament a dòvra dij mëssagi carià con ël but d'oten-e dle arspòste emossionaj nopà che rassionaj a j'anformassion presentà. L'usagi dla propaganda a l'é danos për la libra e natural formassion ëd l'opinion përsonal e dl'opinion pùblica e ël dann a dròca an sla përson-a midema e an sla società.