Augustus De Morgan
Vos an lenga piemontèisa | |
Për amprende a dovré 'l sistema dle parlà locaj ch'a varda sì. |
Matemàtich. De Morgan a l'era anscrivusse a l'avosà Trinity College ëd l'Università ëd Cambridge, ma dagià che an costa università a-i era damanca ëd sosten-e na preuva ëd teologìa che chiel as arfudava ëd fé, ambelelà a l'ha nen finì ij sò studi. Tramudasse a Londra, a l'ha finì ambelessì dë studié e dël 1827 a l'é stàit nominà professor ant ël University College, pen-a creà. Soa cariera universitaria a l'é stàita motobin movimentà: dël 1831 a l'é licensiasse; a l'é torna stàit pijà dël 1836 e ant ël 1866 a l'é slontanasse da l'università an manera definitiva. Ancor dël 1866 a l'é stàit antra ij fondador ëd la Sossietà matemàtica londinèisa. De Morgan a l'é ocupasse dzortut ëd lògica. Le laj ch'a pòrto sò nòm a son antra soe contribussion pì amportante. A l'é stàit ëdcò ël prim a parlé 'd fasson esplìcita d'andussion matemàtica e a l'é anteressasse ëd contabilità. A l'é mòrt a Londra ël 18 ëd mars dël 1871. A pòrto sò nòm
Euvre prinsipaj
|