ᱥᱟᱝ ᱱᱟᱹᱭ
ᱥᱟᱝ ᱱᱟᱹᱭ (ᱤᱝᱞᱤᱥ: Indus River) ᱫᱚ ᱮᱥᱤᱭᱟ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱚ ᱢᱩᱸᱫᱽ ᱠᱷᱚᱱ ᱱᱚᱶᱟ ᱦᱚᱸ ᱢᱤᱫ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱠᱤᱥᱛᱟᱱ, ᱥᱤᱧᱚᱛ (ᱡᱟᱢᱢᱩ ᱟᱨ ᱠᱟᱥᱢᱤᱨ) ᱟᱨ ᱪᱤᱱ (ᱯᱟᱪᱮ ᱛᱤᱵᱽᱵᱚᱛ) ᱥᱮᱫ ᱛᱮ ᱞᱤᱸᱡᱤᱜ ᱠᱟᱱᱟ ᱾ ᱥᱟᱝ ᱱᱟᱹᱭ ᱨᱮᱱᱟᱜ ᱚᱰᱚᱠ ᱴᱷᱟᱶ ᱫᱚ ᱢᱟᱱᱚᱥᱚᱵᱚᱨ ᱥᱩᱨ ᱥᱤᱱ-ᱠᱟ-ᱵᱟᱵᱽ ᱠᱷᱚᱱ ᱡᱷᱟᱨᱟᱶᱜ ᱠᱟᱱᱟ ᱾ ᱱᱚᱶᱟ ᱱᱟᱹᱭ ᱨᱮᱱᱟᱜ ᱡᱤᱞᱤᱧ ᱫᱚ ᱒᱘᱘᱐ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭᱩᱜᱼᱟ ᱾ ᱱᱚᱸᱰᱮ ᱠᱷᱚᱱ ᱱᱚᱶᱟ ᱜᱟᱰᱟ ᱛᱤᱵᱽᱵᱚᱛ ᱟᱨ ᱠᱟᱥᱢᱤᱨ ᱛᱟᱞᱟ ᱛᱮ ᱞᱤᱸᱡᱤᱜ ᱠᱟᱱᱟ ᱾ ᱜᱟᱝ ᱵᱩᱨᱩ ᱨᱮᱱᱟᱜ ᱮᱛᱚᱢ ᱥᱮᱫ ᱛᱮ ᱠᱚᱧᱮ ᱯᱟᱪᱮ ᱨᱮ ᱯᱟᱠᱤᱥᱛᱟᱱ ᱛᱟᱞᱟ ᱛᱮ ᱞᱤᱸᱡᱤ ᱠᱟᱛᱮ ᱟᱨᱚᱵᱽ ᱢᱟᱦᱟᱫᱚᱨᱭᱟ ᱨᱮ ᱫᱩᱞ ᱢᱤᱫ ᱟᱠᱟᱱᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱵᱟᱹᱲᱛᱤ ᱜᱟᱱ ᱦᱟᱹᱴᱤᱧ ᱫᱚ ᱯᱟᱠᱤᱥᱛᱟᱱ ᱨᱮ ᱞᱤᱸᱡᱤᱜ ᱠᱟᱱᱟ ᱾ ᱱᱚᱶᱟ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱟᱨ ᱡᱟᱹᱛᱤᱭᱟᱹᱨᱤ ᱜᱟᱰᱟ ᱠᱟᱱᱟ ᱾
ᱥᱟᱝ ᱱᱟᱹᱭ ᱨᱮᱱᱟᱜ ᱢᱚᱬᱮ ᱜᱚᱴᱟᱝ ᱦᱚᱯᱚᱱ ᱱᱟᱹᱭ ᱢᱮᱱᱟᱜ ᱠᱚᱶᱟ ᱫᱚ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ : ᱵᱤᱛᱚᱥᱛᱟ, ᱪᱚᱱᱫᱽᱨᱚᱵᱷᱟᱜᱟ, ᱚᱭᱨᱟᱵᱩᱛᱤ ᱟᱨ ᱥᱚᱛᱚᱱᱫᱽᱨᱩ ᱾ ᱥᱚᱛᱞᱮᱡᱽ/ᱥᱚᱛᱚᱱᱫᱽᱨᱩ ᱱᱟᱹᱭ ᱪᱮᱛᱟᱱ ᱨᱮ ᱵᱮᱱᱟᱶ ᱟᱠᱟᱱᱟ ᱵᱷᱟᱠᱨᱟ-ᱱᱚᱝᱜᱚᱞ ᱰᱮᱢ ᱫᱟᱜ ᱦᱟᱹᱴᱤᱧ ᱟᱨ ᱵᱤᱡᱽᱞᱤ ᱛᱮᱭᱟᱨ ᱨᱮ ᱟᱹᱰᱤᱜᱟᱱ ᱥᱩᱵᱤᱫᱷᱟ ᱦᱩᱭᱩᱜ ᱠᱟᱱᱟ ᱾ ᱱᱚᱶᱟ ᱫᱤ ᱛᱮ ᱯᱚᱧᱡᱟᱵᱽ ᱟᱨ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱵᱟᱹᱫᱽ-ᱵᱟᱹᱭᱦᱟᱹᱲ ᱨᱮᱱᱟᱜ ᱨᱩᱯ ᱜᱮ ᱵᱚᱫᱚᱞ ᱩᱛᱟᱹᱨ ᱟᱠᱟᱫ ᱟᱭ ᱾ ᱵᱤᱛᱚᱥᱛᱟ (ᱡᱷᱮᱞᱚᱢ) ᱱᱟᱹᱭ ᱨᱮᱱᱟᱜ ᱰᱷᱤᱯ ᱨᱮ ᱡᱟᱹᱢᱩ ᱠᱟᱹᱥᱢᱤᱨ ᱨᱮᱱᱟᱜ ᱨᱟᱡᱽᱜᱟᱲ ᱢᱮᱱᱟᱜᱼᱟ ᱾
ᱩᱯᱨᱩᱢ
ᱥᱟᱝ ᱱᱟᱹᱭ ᱫᱚ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱯᱮᱭᱟ ᱢᱟᱨᱟᱝ ᱱᱟᱹᱭ ᱢᱩᱸᱫᱽ ᱠᱷᱚᱱ ᱢᱤᱫ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱥᱤᱨᱤᱡᱽ ᱢᱟᱨᱟᱝ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱠᱚᱭᱞᱟᱥ ᱠᱷᱚᱱ ᱖᱒.᱕ ᱢᱟᱭᱤᱞ ᱥᱟᱹᱝᱜᱤᱧ ᱜᱟᱱ ᱮᱛᱚᱢ ᱥᱮᱫᱥᱮᱸᱜᱮᱠᱷᱟᱵᱽᱵᱟ ᱡᱷᱟᱨᱟᱶ ᱨᱮ ᱢᱮᱱᱟᱜᱼᱟ ᱾ ᱚᱸᱰᱮ ᱠᱷᱚᱱ ᱚᱰᱚᱠ ᱠᱟᱛᱮ ᱛᱤᱵᱽᱵᱚᱛ ᱨᱮᱱᱟᱜ ᱪᱚᱶᱲᱤ ᱜᱷᱟᱹᱴᱤ ᱥᱮᱫ ᱛᱮ ᱠᱟᱹᱥᱢᱤᱨ ᱥᱤᱢᱟᱹ ᱯᱟᱨᱚᱢ ᱠᱟᱛᱮ, ᱠᱚᱧᱮ-ᱯᱟᱪᱮ ᱥᱮᱦᱮᱫ ᱨᱮ ᱨᱮᱜᱤᱥᱛᱟᱱ ᱟᱨ ᱠᱚᱨᱟᱪᱤ ᱥᱮᱫ ᱛᱮ ᱟᱨᱚᱵᱽ ᱢᱟᱦᱟᱫᱚᱨᱭᱟ ᱨᱮ ᱧᱩᱨᱩᱜ ᱠᱟᱱᱟ ᱾ ᱱᱚᱶᱟ ᱨᱮᱱᱟᱜ ᱡᱤᱞᱤᱧ ᱢᱚᱴᱟᱢᱩᱴᱤ ᱒᱐᱐᱐ ᱠᱤᱞᱚᱢᱤᱴᱚᱨ ᱜᱟᱱ ᱦᱩᱭᱩᱜ ᱟ ᱾ ᱵᱟᱞᱤᱛᱤᱥᱛᱟᱱ ᱨᱮᱱᱟᱜ ᱠᱷᱟᱭᱛᱟᱥᱚ ᱟᱹᱛᱩ ᱥᱩᱨ ᱨᱮ ᱑᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱜᱟᱹᱦᱤᱨ ᱰᱚᱰᱷᱟᱭ ᱵᱮᱱᱟᱶ ᱟᱠᱟᱫᱟ, ᱡᱟᱦᱟᱸ ᱫᱚ ᱡᱮᱜᱮᱛ ᱨᱮᱱᱟᱜ ᱢᱟᱨᱟᱝ ᱰᱚᱰᱷᱟ ᱠᱷᱚᱱ ᱢᱤᱫ ᱠᱟᱱᱟ ᱾
ᱚᱛᱱᱚᱜ
ᱵᱟᱨᱦᱮ ᱡᱚᱱᱚᱲ
- Blankonthemap The Northern Kashmir WebSite
- All About Indus River Pakistan Archived ᱒᱐᱐᱙-᱐᱔-᱑᱘ at the Wayback Machine.
- Bibliography on Water Resources and International Law Archived ᱒᱐᱑᱑-᱐᱒-᱐᱙ at the Wayback Machine. See Indus River. Peace Palace Libray
- Northern Areas Development Gateway Archived ᱒᱐᱐᱘-᱐᱕-᱑᱑ at the Wayback Machine.
- The Mountain Areas Conservancy Project Archived ᱒᱐᱑᱖-᱐᱓-᱐᱓ at the Wayback Machine.
- Indus River watershed map (World Resources Institute) Archived ᱒᱐᱐᱕-᱐᱔-᱑᱓ at the Wayback Machine.
- Indus Treaty Archived ᱒᱐᱐᱕-᱑᱒-᱒᱐ at the Wayback Machine.
- Baglihar Dam issue
- Indus
- Indus Wildlife