Cambiende Ingurtosu (setzione)

== Istòria ==
[[File:Laveria_Brassey,_Naracauli,_Ingurtosu.jpg|left|thumb|Laveria Brassey, Naracauli, Ingurtosu.]]
Oe est unu bidditzolu isciusciadu e bòidu, ma in passadu fiat arribbadu a acasagiare agiumai a chimbe mìgia persones, funtzionende comente tzentru de diretzione de sa miniera de Ingurtosu e de sa de Gennamari, chi faghiant ambos parte de su cumplessu mineràriu mutidu ''filone di Montevecchio'', de in ue bogaiant [[prumu]], [[zingu]] e [[prata]]. 

Sa miniera, chi aiat comintzadu sa faina estrativa sua in su [[1855]], fiat arribada a s'espansione màssima in s'incumintzu de su sèculu XX. Sa prima crisi, cun su litzentziamentu de operajos medas, est acontèssidu in su [[1943]]. In su pustisgherra sa faina fiat torrada a incumintzare, ma su declinu fiat oramai aviadu e in su [[1968]] sa miniera est istada serrada.

In su bidditzolu mineràriu s'agataiant su palatzu de sa diretzione, ''“Su casteddu”'', fatu cara a su [[1870]], in istile neomedievale, a imitatzione de unu palatzu tedescu, in positzione dominante a subra de su restu de su cumplessu, chi cumprendet abitatziones de impreados, sa crèsia, s'ispàciu, sa posta, su [[campusantu]] e finas un'ispidale.

Me in sa badde chi collegat su bidditzolu a su mare s'agatant unos cantos putzos mineràrios, comente su Putzu Gal, restauradu<ref>{{Tzita web|url=https://www.beniculturali.it/comunicato/a-ingurtosu-restaurato-il-pozzo-gal|tìtulu=A Ingurtosu restaurato il Pozzo Gal|situ=Ministero per i Beni e le Attività culturali e per il Turismo|limba=it|atzessu=2022-04-07|dataarchìviu=2022-04-07|urlarchìviu=https://web.archive.org/web/20220407220509/https://www.beniculturali.it/comunicato/a-ingurtosu-restaurato-il-pozzo-gal|urlmortu=eja}}</ref> e furriadu a àrea de museos a subra de sa vida de is operajos, e is rùderes mannos de sa laveria Brassey, fata in localidade Naracauli in su [[1900]], cando su propietàriu de sa miniera fiat su nòbile inglesu Lord Brassey. Sa badde acabbat con is "''Dunas de Piscinas''" in ue su minerale bogadu beniat carradu, gràtzias a unu caminu de ferru fatu in su [[1871]], pro èssere a pustis imbarcadu<ref>{{Tzita web|url=https://arbus.it/ingurtosu/le-miniere-di-ingurtosu/|tìtulu=Le miniere di Ingurtosu|situ=Arbus|limba=it-IT|atzessu=2022-04-07}}</ref>.

Oe Ingurtosu est unu monumentu de archeologia industriale minerària e faghet parte de su ''Parcu Geomineràriu Istòricu e Ambientale'' de sa [[Sardigna|Regione Sardigna]], insertadu in sa rete GEO-PARKS de s'UNESCO.