Maya Angelou: Iäruttâs siijđo versioi kooskâst
sČuákánkiäsu váilu |
s →Käldeeh |
||
| Raddalâs 28 | Raddalâs 28 | ||
== Käldeeh == |
== Käldeeh == |
||
{{Käldeeh}} |
<small>{{Käldeeh}}</small> |
||
[[Luokka:Ive 1928 šoddâmeh|Angelou]] |
[[Luokka:Ive 1928 šoddâmeh|Angelou]] |
||
[[Luokka:Ive 2014 jämimeh|Angelou]] |
[[Luokka:Ive 2014 jämimeh|Angelou]] |
||
Versio 1. cuáŋuimáánu 2022 tme 10.37
| Maya Angelou | |
|---|---|
| |
| Šoddâm | 4. cuáŋuimáánu 1928 Saint Louis, Missouri, Ovtâstum staatah |
| Jáámmám | 28. vyesimáánu 2014 Winston-Salem, Tave-Carolina, Ovtâstum staatah |
| Pargo | |
| Áámmát | kirječällee, tivtâsteijee, aalmuglâšriehtiaktivist |
| Kielâ | eŋgâlâskielâ |
| Peerâ | |
| Pelikyeimi | Tosh Angelos (1951—1954) Paul du Feu (1974—1983) |
| Párnááh | 1 |
| Lasetiäđuh | |
| Päikkisijđo | mayaangelou.com |
Maya Angelou (š. Marguerite Annie Johnson; 4. cuáŋuimáánu 1928 St. Louis, Missouri, Ovtâstum staatah – 28. vyesimáánu 2014 Winston-Salem, Tave-Carolina, Ovtâstum staatah) lâi maaŋgâpiälálâš ovtâstumstaatâlâš kirječällee. Sun čaalij tiivtâid, muštâlusâid, čaitâlmijd, párnáikiirjijd já esseid sehe televisio- já elleekovekietâčalluid. Angelou čaalij meid čiččâm kirje verd jiešeellimkeerdi. Tain vuosmuš, I Know Why the Caged Bird Sings (1969), lâi vuosmuš afriklâš-ameriklâš ulmuu čäällim ij-fiktiivlâš roomaan mast šoodâi bestseller.[1]
Angelou lâi aalmuglâšriehtiaktivist, kii poorgâi Martin Luther King Jr.áin já Malcolm X:áin. Sun lâi-uv koskâsii roolâst 1960-lovo Ovtâstum staatâi aalmuglâšriehtilihâstuvvâst. Angelou lâi meiddei máttáátteijee, já tooimâi ameriklâš uápui professorin Wake Forest Universityst.[2][3]
Ive 1993 Angelou tivtâstij suu tiivtâ "On the Pulse of Morning" Bill Clinton vuosmuu presidentin šoddâm tilálâšvuođâst.[4] Ive 2000 Angelou finnij National Medal of Arts -palhâšume.[2]
Eellim
Marguerite Annie Johnson šoodâi cuáŋuimáánu 4. peeivi 1928 St. Louisist, Missourist, mutâ vietij stuárráámuu uási suu pärnivuođâst stuorrâvanhimijdis kulen Stampsist, Arkansasist.[5] Suu eeči Bailey Johnson lâi merâvuoimij piämmuterapeut já enni Vivian Baxter Johnson pyecceetipšoo. Angeloust lâi meid ohtâ stuorrâviljâ Bailey Jr., kiäst sun uážui jiellâhnoomâs Maya. Vanhimij iäránem tet párnááh karttáin varriđ stuorrâvanhimijdis luus ive 1931, ko Angelou lâi tuše 3-ihásâš. Suoi aasáin tobbeen maŋgâ ive tassaaš ko ive 1935 maccáin eenis luus St. Louisin. Tobbeen Angelou kaartâi tuše 8-ihásâžžân seksuallâš ávhástâllâm já illáástem uhren, ko eeni irge ávhástâlâi suu. Almai ij karttâm tavostis faŋgâlân, mutâ kavnui maŋeláá jaammuššân. Nuorâ Angelou oskoi, ete suu jienâ lâi tovâttâm almaa jäämmim já kielâttui maaŋgâ ihán.[6]
Fáádást eres soojijn
Wikimedia Commonsist láá koveh teikkâ eres tiätuvuárháh fáádást Maya Angelou.
Käldeeh
- ↑ Biography com Editors: Maya Angelou Biography. Čujottum 1.4.2022. (eŋgâlâskielân)
- ↑ 2,0 2,1 Poetry Foundation: Maya Angelou Poetry Foundation. 31.3.2022. Čujottum 1.4.2022. (eŋgâlâskielân)
- ↑ Maya Angelou: Teacher Remembering Dr. Maya Angelou. Čujottum 1.4.2022. (eŋgâlâskielân)
- ↑ Academy of American Poets: About Maya Angelou | Academy of American Poets poets.org. Čujottum 1.4.2022.
- ↑ Maya Angelou | Biography, Books, Poems, & Facts | Britannica www.britannica.com. Čujottum 1.4.2022. (eŋgâlâskielân)
- ↑ Encyclopedia of Arkansas Encyclopedia of Arkansas. Čujottum 1.4.2022. (eŋgâlâskielân)