George Pușcaș
| Të dhënat vetjake | |||
|---|---|---|---|
| Emri i plotë | George Alexandru Pușcaș | ||
| Datëlindja | 8 prill 1996 | ||
| Vendlindja | Marghita, Rumani | ||
| Gjatësia | 1.88 m (6 ft 2 in) | ||
| Pozicioni | Sulmues | ||
| Të dhënat e klubit | |||
Klubi aktual | Reading | ||
| Numri | 47 | ||
| Karriera me të rinjtë | |||
| 2008–2012 | Liberty Oradea | ||
| 2013–2014 | Internazionale | ||
| Karriera me klube* | |||
| Vitet | Klubi | Ndeshje | (Golat) |
| 2012–2013 | Liberty Oradea | 0 | (0) |
| 2012–2013 | → Bihor Oradea (huazim) | 13 | (2) |
| 2013–2018 | Internazionale | 4 | (0) |
| 2015–2016 | → Bari (huazim) | 17 | (5) |
| 2016–2018 | → Benevento (huazim) | 32 | (8) |
| 2018 | → Novara (huazim) | 19 | (10) |
| 2018–2019 | Palermo | 33 | (10) |
| 2019– | Reading | 12 | (3) |
| Karriera ndërkombëtare‡ | |||
| 2011–2012 | Rumania U–17 | 5 | (0) |
| 2014– | Rumania U–19 | 5 | (3) |
| 2014– | Rumania U–21 | 3 | (2) |
| *Ndeshjet dhe golat me klubet llogariten vetëm për ligën vendase ‡ Ndeshjet dhe golat me ekipin kombëtar të redaktuar më 3 nëntor 2014 | |||
George Alexandru Pușcaș (lindur më 8 prill 1996) është një futbollist profesionist rumun i cili luan si sulmues për klubin anglez Reading dhe kombëtaren rumune.
Karriera me klube
Internazionale
Pușcaș bëri debutimin e tij zyrtar me Interin më 1 shkurt 2015 duke luajtur në minutat e fundit të humbjes 3–1 ndaj Sassuolo në javën e 21të të Serie A.[1] Njëzet e pesë ditë më vonë, ai debutoi edhe në UEFA Ligën e Evropës në një ndeshje të fituar 1–0 kundër Celtic duke zëvëndësuar Rodrigo Palacion në minutën e 89të.[2] Pușcaș luajti ndeshjen e tij të parë si titullar për Zikaltrit në barazimin 1–1 në shtëpi ndaj Parmës në kampionat; ai u zëvëndësua në fillim të pjesës së dytë nga Mateo Kovačić.[3]
Huazimi te Bari
Më 4 gusht 2015, Pușcaș, sëbashku me shokun e skuadrës Gaston Camara, u huazua te Bari në Serie B për sezonin 2015–16.[4] Ai debutoi me ekipin pesë ditë më vonë në ndeshjen e raundit të dytë të Coppa Italias kundër Foggias, duke zëvëndësuar Anthony Partipilo në minutën e 60të.[5] Ndeshja e tij e parë në Serie B erdhi më 22 shtator në disfatën 4–1 ndaj Crotones në transfertë ku ai luajti 57 minuta.[6] Më 1 mars 2016, Pușcaș shënoi në dopietë në fitoren 4–0 kundër Ternanës, duke regjistruar golat e parë me klubin.[7] Ai e mbylli sezoin e tij me Barin me 18 ndeshje, 5 gola dhe asist.
Huazimi te Benevento
Më 15 korrik 2016, Pușcaș vazhdoi qëndrimin e tij në Serie B, këtë herë duke u huazuar te Benevento në një marrëveshje dy-vjeçare. Ai debutoi më 7 gusht në ndeshjen e raundit të dytë të Coppa Italias kundër Salernitanës; ndeshja dhe koha e rregullt u mbyll në barazim pa gola, por në gjuajtjet e penalltive, Benevento u mposht 4–2.[8] Më 27 gusht, Pușcaș e nisi kampionatin me një gol në fitoren 2–0 në shtëpi ndaj SPAL-it, duke shënuar tetë minuta pasi hyri në fushë në minutën e 71të në vend të Fabio Ceravolo.[9] Më 19 nëntor, ai shënoi golin e dytë të sezonit në suksesin 4–0 kundër Brescias; ai shënoi sërisht pasi ishte aktivizuar si zëvëndësues.[10] Në qershor 2017, Pușcaș shënoi golin që i siguroi Beneventos ngjitjen në Serie A për herë të parë në histori.[11]
Pușcaș e nisi sezonin e tij të dytë me Beneventon duke luajtur 80 minuta në disfatën 4–0 kundër Perugias në ndeshjen e vlefshme për raundin e tretë të Coppa Italias.[12] Më 20 gusht, ai zhvilloi ndeshjen e parë në Serie A për Beneventon në humbjen 2–1 në transfertë ndaj Sampdorias.[13] Më 3 dhjetor, Pușcaș shënoi golin e tij të parë në Serie A në barazimin 2–2 kundër Milanit, duke ndihmuar Beneventon të fitonte pikën e tyre të parë në elitën e futbollit italian.[14] Në janar 2018, ai u rithirr nga Interi, duke bërë që aventura e tij me Beneventon të mbyllej me 34 ndeshje dhe 8 gola.[15]
Huazimi te Novara
Më 29 janar 2018, Pușcaș u dërgua në huazim sërisht, këtë herë duke u rikthyer në Serie A te Novara.[15][16] Debutimi i tij zyrtar erdhi pesë ditë më vonë në humbjen 2–1 në shtëpi ndaj Ascoli, duke shënuar golin e vetëm të ekipit të tij.[17] Një javë më vonë, në ndeshjen e tij të dytë, Pușcaș shënoi tregolëshin e parë në karrierë duke i dhënë Novarës fitoren 3–1 në transfertë kundër Cittadellës.[18]
Palermo
Më 8 gusht 2018, Pușcaș u bashkua me Palermon në një marrëveshje katër-vjeçare.
Referime
- ^ "Sassuolo 3–1 Inter Milan" (në anglisht). BBC Sport. 1 shkurt 2015. Marrë më 1 shkurt 2015.
- ^ "Interi i Shaqirit kualifikohet në fazën tjetër të Europa Leagues". Koha.net. 26 shkurt 2015. Marrë më 12 tetor 2019.
{{cite web}}: Mungon ose është bosh parametri|language=(Ndihmë!) - ^ "Internazionale vs. Parma 1 – 1" (në anglisht). Soccerway. 4 prill 2015. Marrë më 13 shkurt 2018.
- ^ "CAMARA AND PUSCAS TO BARI" [Camara dhe Puscas te Bari] (në anglisht). inter.it. 4 gusht 2015. Marrë më 4 gusht 2015.
- ^ "Bari 1908 vs. Foggia 1 – 2" (në anglisht). Soccerway. 9 gusht 2015. Marrë më 13 shkurt 2018.
- ^ "Crotone vs. Bari 4 – 1" (në anglisht). Soccerway. 22 shtator 2015. Marrë më 22 shtator 2015.
- ^ "Bari 1908 vs. Ternana 4 – 0" (në anglisht). Soccerway. 1 mars 2016. Marrë më 13 shkurt 2018.
- ^ "Benevento vs. Salernitana 0 – 0" (në anglisht). Soccerway. 7 gusht 2016. Marrë më 13 shkurt 2018.
- ^ "Benevento vs. SPAL 2 – 0" (në anglisht). Soccerway. 27 gusht 2016. Marrë më 13 shkurt 2018.
- ^ "Benevento vs. Brescia 4 – 0" (në anglisht). Soccerway. 19 nëntor 2016. Marrë më 13 shkurt 2018.
- ^ "BENEVENTO CLINCH SERIE A PROMOTION FOR FIRST TIME" [Benevento siguron ngjitjen në Serie A për herë të parë] (në anglisht). Goal.com. 8 qershor 2017. Marrë më 1 shtator 2017.
- ^ "Benevento vs. Perugia 0 – 4" (në anglisht). Soccerway. 12 gusht 2017. Marrë më 13 shkurt 2018.
- ^ "Sampdoria vs. Benevento 2 – 1" (në anglisht). Soccerway. 20 gusht 2017. Marrë më 13 shkurt 2018.
- ^ "Benevento 2–2 AC Milan" (në anglisht). BBC Sport. 3 dhjetor 2017. Marrë më 3 dhjetor 2017.
- ^ a b "PUSCAS MOVES TO NOVARA" [Puscas kalon te Novara] (në anglisht). inter.it. 29 janar 2018. Marrë më 13 shkurt 2018.
- ^ "Inter, Puscas torna dal Benevento e va subito al Novara" [Inter, Puscas rikthehet nga Benevento dhe shkon drejtë te Novara] (në italisht). Gazzetta.it. 29 janar 2018. Marrë më 13 shkurt 2018.
- ^ "Novara vs. Ascoli 1 – 2" (në anglisht). Soccerway. 3 shkurt 2018. Marrë më 13 shkurt 2018.
- ^ "Serie B, Cittadella-Novara 1–3. Super Puscas, è tripletta" [Serie B, Cittadella-Novara 1–3. Super Puscas, tripletë] (në italisht). Gazzetta.it. 11 shkurt 2018. Marrë më 13 shkurt 2018.