Arnold Böcklin

Arnold Böcklin (bädden ap dän 16. Oktober 1827 in Basel; stuurwen ap dän 16. Januar 1901 in San Domenico bie Fiesole, Provins Florenz, Italien) waas aan Swaitser Moaler, Teekner, Graphiker un Bieldehauer fon dän Symbolismus.

Biespil-Wierke

Hier een poor Wierke. Uumdät dät symolistisk is, kon deer fuul uutinterpretierd wäide.

"Venus Genitrix" - Latiensk foar: Venus, ju Ärtjuugerske.
Venus waas in dät Oolde Room ju Goddine fon ju Ljoofte. Hier nimt Böklin ju Sinbielde un wiest deermäd, wo wichtich sowät as Ljoofte is, dät dät Lieuwend in Gong blift. Uk Venus hieren Suun, Amor (Latiensk foar: Ljoofte), uk naamd "Cupido" (Liedenskup), spiedelt een wichtige Rulle, hie stikket unner dät Poor een Fjuur oun, wier een Sinbielde. Dät Böcklin ju Foarm fon dät Triptychon bruukt, ju aleer maasttieds foar Altoarbielden bruukt wude, wiest, dät him dät wichtich waas, dät düsse Seeke aleer in dän heedenske Gloowe een wichtige Rulle spiedeld häd.
Dät Dooden-Ailound (III).
Die Dood spiedelde foar Böcklin een wichtige Rulle. In sien Lieuwendstied ferloos hie aachte fon sien fjautien Bäidene, hie kreech säärm dät Narrenfiewer un aan Sleek. Bie ju fäärme un ju twäide Version noch nit, man fon ju trääde Version oun skreeuw hie sien Initioalen ap een fon do Grääfkoomeren in dän Fäls.
Säärmportrait mäd dän fjooljende Dood
Dät is foar dän sälge Bäätergruund tou bikiekjen as "Dät Doodenailound". Böcklin gript hier dän oolden Toacht ap, wierätter die Dood sien Offere donsje lät. Sukke Doodendons-Bielden roate dät al sänt dät 14. Jierhunnert.