Fake Pastors
'Fake Pastors ni jina la filamu iliyotoka mwaka 2007 kutoka nchini Tanzania. Washiriki wakuu ni Adam Kuambiana (Petro), Vicent Kigosi (Ray), Jokette Mwegelo (Jach), Lisa Jensen (Lisa), na Blandina Chagula. Filamu hii imeandikwa (muswada) na kuongozwa na Gervas Kasiga na kutayarishwa na Eric Shigongo na Kigosi. Filamu inahusu wachungaji wawili wanaotumia shida za waumini wao kama sehemu ya mtaji wa kuwataka aidha kimapenzi au kifedha. Filamu inaonyesha tabia za baadhi ya wachungaji bandia waliokithiri katika ulimwengu wetu. Filamu hii ni moja ya filamu zilizopata sifa kubwa katika filamu za Tanzania. [1] Filamu imetengenezwa na Doroth Kipeja na kampuni yake ya Tripod Media.
Fake Pastors | |
---|---|
Posta ya Fake Pastors | |
Imeongozwa na | Gervas Kasiga |
Imetayarishwa na | Eric Shigongo |
Imetungwa na | Eric Shigongo Gervas Kasiga (muswada andishi) |
Nyota | Adam Kuambiana Vicent Kigosi Jokette Mwegelo Lisa Jensen Blandina Changula Emmanuel Myamba |
Imetolewa tar. | 3 Aprili, 2007 |
Ina muda wa dk. | 120 |
Nchi | Tanzania |
Lugha | Kiswahili |
Hadithi
haririFilamu inaanza na vijana wawili watanashati Patrick (Vicent Kigosi) na Petro (Adam Kuambiana) waliohitumu Chuo Kikuu cha Mzumbe, Morogoro. Akilini mwao wanaelewa kitu kimoja tu walichoambiwa tangu utotoni kuwa ukiwa na shahada maisha yatakuwa rahisi jambo ambalo baada ya kuingia mitaani wanakuta ni tofauti kwani hakuna ajira na maisha yanakuwa magumu sana kwao.
Baada ya kutembea katika ofisi moja hadi nyingine wakitafuta kazi bila mafanikio, hatimaye wanagundua kuanzisha kanisa ndio suluhisho pekee walilobakiza. Hivyo wanaamua kuwa wachungaji wa bandia (Fake Pastors). Dhima ya kuanzisha kanisa ilikuwa ni kujitajirisha badala ya kumtumikia Mungu, kazi yao inakuwa ni kuwakamua waumini fedha na mali walizonazo.
Kwakufanya hivyo wanajikusanyia utajiri mkubwa hasa baada ya misada kuanzia kuingia kutoka nje kwa wahisani, baadala ya kufanya kazi ya Mungu wao wanazitumia fedha hizo katika anasa wakilewa pombe na malaya na ifikapo asubuhi wanahubiri injili kama kawaida na kuwafanya waumini wazidi kuwaamini. Baadaye walijiingiza katika biashara haramu dawa za kulevya ndipo hapo bahati yao ilipoenda kombo na kuanguka vibaya katika hila zao.
Washiriki
haririMarejeo
hariri- ↑ Fake Pastors Archived 4 Julai 2017 at the Wayback Machine. katika Bongo Cinema.com
Makala hii kuhusu filamu fulani bado ni mbegu. Je, unajua kitu kuhusu Fake Pastors kama waigizaji wake, hadithi au matoleo yake? Labda unaona habari katika Wikipedia ya Kiingereza au lugha nyingine zinazofaa kutafsiriwa? Basi unaweza kuisaidia Wikipedia kwa kuihariri na kuongeza habari. |