Klimczok

Klimczok (pol. Klimczok, dowńi tyż Klimczak) gůra we Ślůnskim Beskidzie, we Paśmje Barańij Gůry, wysoko na 1117 metrůw. Bez wjyrch przebjygo grańica małopolsko-ślůnska. Klimczok je tyż nojwyższym placym Bjelska-Bjołyj.

Schrůńisko na Klimczoku (akuratńy to pod Magůrům)

Pod Klimczokym stoji turystyczne schrůńisko, kere noleży do PTTK (Polske Towarzistwo Turystyczno-Krajoznawcze). Dowńi bůło prywatne, a we 1930 noleżoło do mjymjeckij uorgańizacyje Beskidenverein (mjanowało śe Klementinenhütte abo Klymyntynůwka - we polskij godce Klementynówka).

Na polańe kole schrůniska dźało mały narćarski wyćůng. Lo turystůw sům pjesze cesty ze Szyńdźelńi, Szczyrku, Bystryj, Błatńij a przełynczy Karkoszczůnka.