ಕಿರಣ್ ಬೇಡಿ
ಕಿರಣ್ ಬೇಡಿ | |
---|---|
ಪುಟ್ಟಿನ | ಜೂನ್ ೯, ೧೯೪೯ ಪಂಜಾಬುದ ಅಮೃತಸರ |
ರಾಷ್ಟ್ರೀಯತೆ | ಭಾರತ |
Alma mater | ಪಂಜಾಬ್ ವಿಶ್ವವಿದ್ಯಾಲಯ ಬೊಕ್ಕ ದೆಹಲಿ ವಿಶ್ವವಿದ್ಯಾಲಯ |
ವೃತ್ತಿ(s) | ಐ.ಪಿ.ಎಸ್.ಅದಿಕಾರಿ, ಸಮಾಜ ಸೇವಕೆರ್ |
ಸಂಗಾತಿ | ಬ್ರಿಜ್ ಬೇಡಿ |
ಪ್ರಶಸ್ತಿಗಳು |
|
ಜಾಲತಾಣ | Kiran Bedi |
ಕಿರಣ್ ಬೇಡಿ[೧] (ಜೂನ್ ೯, ೧೯೪೯) ಭಾರತೊಡು ಪೊಲೀಸ್ ಅಧಿಕಾರಿಯಾದ್ ಬೊಕ್ಕ ಸಾರ್ವಜನಿಕ ಸೇವಕೆರಾದ್ ಪ್ರಸಿದ್ಧಿ ಪಡೆಯಿನಾರ್ ಆದ್ ಉಲ್ಲೆರ್. ಭಾರತೊಡು ಪೋಲೀಸ್ ಸೇವೆ ಸೇರ್ನ ಸುರುತ ಭಾರತೀಯ ಮಹಿಳೆ ಕಿರಣ್ ಬೇಡಿ.
ಪುಟ್ಟು ಬೊಕ್ಕ ಜೀವನ
[ಸಂಪೊಲಿಪುಲೆ]ಕಿರಣ್ ಬೇಡಿ ಪಂಜಾಬ್ದ ಅಮೃತಸರೊಡು ೧೯೪೯ರ ಜೂನ್ ೯ಕ್ ಪುಟ್ಟಿಯೆರ್. ಪಂಜಾಬ್ ವಿಶ್ವವಿದ್ಯಾಲಯೊಡು [೨] ಸ್ನಾತಕೋತ್ತರ, ಕಾನೂನು ಬೊಕ್ಕ ಡಾಕ್ಟರೇಟ್ ಪದವಿ ಪಡೆಯಿನ ಕಿರಣ್ ಬೇಡಿ ರಾಜ್ಯಶಾಸ್ತ್ರದ ಉಪನ್ಯಾಸಕೆರಾದ್ ವೃತ್ತಿ ಸುರು ಮಲ್ತೆರ್. ಅಯಿರ್ದ್ ಬೊಕ್ಕ ಪೊಲೀಸ್ ಅಧಿಕಾರಿ ಆಯೆರ್.
ಪೊಲೀಸ್ ಸೇವೆಡ್
[ಸಂಪೊಲಿಪುಲೆ]- ಕಿರಣ್ ಬೇಡಿ ಅರ್ ಪೊಲೀಸ್ ವೃತ್ತಿಡ್ ಎದುರಿಸಾಯಿನ ಸವಾಲ್ ದಂಚ ಗಳಿಸಿನ ಯಶಸ್ಸ್ ಬೊಕ್ಕ ಜನಪ್ರಿಯತೆಲಾ ಅಪಾರವಾಯಿನವು. ಗಣ್ಯವ್ಯಕ್ತಿಲೆನ ಭದ್ರತೆ, ಸಂಚಾರ ಸಮಸ್ಯೆಲೆನ ನಿವಾರಣೆ, ಮಾದಕವಸ್ತು ಚಟುವಟಿಕೆಲೆನ ನಿಯಂತ್ರಣ ಇಂಚಿತ್ತಿ ಹಲವು ರೀತಿದ ಸವಾಲ್ಲೆನ್; ರಾಜಕೀಯ ಒತ್ತಡೊಲೆನ್, ಸಾಮರ್ಥ್ಯ ತೋಜದಾನಗ ಪೂರ ನಿಷ್ಕ್ರಿಯ ಮಲ್ಪುನಂಚಿನ ರಾಕ್ಷಸೀಯ ಭಯ ಪುಟ್ಟವುನ ವ್ಯವಸ್ಥೆಲೆನ್ ಹತೋಟಿಗ್ ಕನತೆರ್.
- ಇಂಚ ಒಯಿಕ್ಲಾ ಪೋಡಿಯಂದೆ, ಅಳುಕಂದೆ ಧೈರ್ಯವದ್ಗಿ ಎದುರಿಸ್ನ ಕಿರಣ್ ಬೇಡಿ ಅರ್ ತೋಜಾಯಿ ಸಾಮರ್ಥ್ಯ ಅಸಾಧಾರಣವಾಯಿನವು. ಮಾತ ರೀತಿದ ಕುಖ್ಯಾತಿಲೆಗ್ ಪ್ರಖ್ಯಾತವಾದ್ ಇತ್ತ್ನ ತಿಹಾರ್ ಜೈಲ್ಡ್ ಮೇರ್ ಕೈಗೊಂಡ್ನ ಸುಧಾರಣೆಲು ಮಹತ್ವದವು ಪಂಡ್ದ್ ಪನ್ಪವೊಂದ್ಂಡ್.
ವಿಶ್ವಸಂಸ್ಥೆಡ್
[ಸಂಪೊಲಿಪುಲೆ]ಕಿರಣ್ ಬೇಡಿ ವಿಶ್ವಸಂಸ್ಥೆದ ಶಾಂತಿಪಾಲನಾ ವಿಭಾಗೊದ ಸಲಹೆಗಾರೆರಾದ್ಲಾ ಕೆಲಸ ನಿರ್ವಹಿಸ್ದೆರ್. ಅಲ್ಪಲಾ ಮೇರೆವ ಸೇವೆಗ್ ಮೆಚ್ಚುಗೆಯಾದ್ ವಿಶ್ವಸಂಸ್ಥೆ ಪದಕ ಕೊರ್ದ್ ಗೌರವ ಮಲ್ತ್ದ್ಂಡ್. ಕಿರಣ್ ಬೇಡಿ ಅರೆಗ್ ಸಂದಿತವಾಯಿನ ಅಂತರ ರಾಷ್ಟ್ರೀಯ ಪ್ರಶಸ್ತಿಯಾಯಿನ ರಾಮನ್ ಮ್ಯಾಗ್ಸೇಸೆ ಪುರಸ್ಕಾರ ಅಂತರರಾಷ್ಟ್ರೀಯ ಮಟ್ಟೊಡು ಅರೆನ ಕೀರ್ತಿ ಜ್ಯೋತಿಯಾದ್ ಬೆಳಗ್ನಂಚಿನ ಕುರುಹು ಆದ್ ಉಂಡು.
ಸಮಾಜ ಸೇವೆಡ್
[ಸಂಪೊಲಿಪುಲೆ]ಹಲವಾರ್ ಸಮಾಜದ ಉಪಯೋಗಿ ವ್ಯವಸ್ಥೆಲೆಗ್ ನಿರಂತರ ಬೆನ್ನೆಲುಬಾದ್ ಉಪ್ಪುನ ಕಿರಣ್ ಬೇಡಿ. ಅಣ್ಣಾ ಹಜಾರೆ ಅರ್ ಆರಂಭಿಸಾಯಿನ ಭ್ರಷ್ಟಾಚಾರದ ವಿರುದ್ಧದ ಚಳುವಳಿ ಸಹಿತ ಬೇತೆ ಬೇತೆ ಬೇಲೆಲೆಡ್ ಕಿರಣ್ ಬೇಡಿ ಸಕ್ರಿಯರಾದ್ ಇತ್ತೆರ್.
ರಾಜಕೀಯ ಕ್ಷೇತ್ರ
[ಸಂಪೊಲಿಪುಲೆ]೨೦೧೫ರ ದೆಹಲಿ ಅಸೆಂಬ್ಲಿ ಚುನಾವಣೆಡ್ ಭಾರತೀಯ ಜನತಾ ಪಕ್ಷದ ಅಭ್ಯರ್ಥಿಯಾಗದ್ ಸ್ಪರ್ಧಿಸಾದ್ ಇತ್ತೆರ್.
ಪ್ರಶಸ್ತಿ, ಗೌರವ, ಪುರಸ್ಕಾರೊಲು
[ಸಂಪೊಲಿಪುಲೆ]- ವಿಶ್ವಸಂಸ್ಥೆ ಪದಕ[೩]
- ಅಂತರ ರಾಷ್ಟ್ರೀಯ ಪ್ರಶಸ್ತಿಯಾದ ರಾಮನ್ ಮ್ಯಾಗ್ಸೇಸೆ ಪುರಸ್ಕಾರ
ಕಿರಣ್ ಬೇಡಿ - ಚಿತ್ರ ಸಂಪುಟ
[ಸಂಪೊಲಿಪುಲೆ]-
ಕಿರಣ್ ಬೇಡಿ
-
ITU HQ ಡ್ ಕಿರಣ್ ಬೇಡಿ
-
ಕಿರಣ್ ಬೇಡಿ
-
ITU HQ ಡ್ ಕಿರಣ್ ಬೇಡಿ