ஜமாலி கமாலி மசூதி மற்றும் கல்லறை
ஜமாலி கமாலி மசூதி மற்றும் கல்லறை (Jamali Kamali Mosque and Tomb) என்பது இந்தியாவின் டெல்லி, மெஹ்ராலியில் உள்ள தொல்பொருள் கிராம வளாகத்தில் அமைந்துள்ள ஒரு கல்லறையாகும். இது ஒன்றுக்கொன்று அருகிலுள்ள இரண்டு நினைவுச்சின்னங்களைக் கொண்டுள்ளது; ஒன்று மசூதி, மற்றொன்று ஜமாலி மற்றும் கமாலி என்ற பெயர்களைக் கொண்ட இரண்டு நபர்களின் கல்லறையாகும். "ஜமாலி" என்ற பெயர் உருது, இருப்பினும் "அழகு" என்று பொருள்படும் "ஜமால்" என்பதிலிருந்து உருவானது. "ஜமாலி" என்பது லோடியின் முகலாயத்திற்கு முந்தைய வம்ச காலத்தில் வாழ்ந்த புகழ்பெற்ற சூஃபி துறவியான சேக் பசுலுல்லாவுக்கு வழங்கப்பட்ட மாற்றுப்பெயர் ஆகும். சிக்கந்தர் லோடியின் ஆட்சியில் இருந்து பாபர் மற்றும் ஹுமாயூனின் முகலாய வம்ச ஆட்சி வரை வாழ்ந்த சேக் ஜமாலி என்ற ஜமாலி பெரிதும் மதிக்கப்பட்டார். கமாலி ஒரு அறியப்படாத நபர். ஆனால் ஜமாலியுடன் தொடர்புடையவர் மற்றும் அவரது முன்னோடிகள் பற்றிய தகவல்கள் நிறுவப்படவில்லை. அவர்களின் பெயர்கள் மசூதிக்கும் கல்லறைக்கும் "ஜமாலி கமாலி" என்று ஒன்றாகக் குறிக்கப்பட்டுள்ளன. ஏனெனில் அவை ஒன்றுக்கொன்று அருகில் புதைக்கப்பட்டுள்ளன. மசூதியும் கல்லறையும் 1528-1529 ஆம் ஆண்டில் கட்டப்பட்டன, மேலும் ஜமாலி 1535 இல் இறந்த பிறகு கல்லறையில் அடக்கம் செய்யப்பட்டார். [1] [2] [3] [4] [5]
மசூதி அமைப்பு
1528-29 ஆண்டுகளில் முதன்முதலில் கட்டப்பட்ட ஜமாலி கமாலி மசூதி, மூடப்பட்ட தோட்டப் பகுதியில் அமைந்துள்ளது. இது சிவப்பு மணற்கற்களில் பளிங்கு அலங்காரங்களுடன் கட்டப்பட்டுள்ளது. இந்தியாவில் முகலாய மசூதி கட்டிடக்கலை வடிவமைப்பில் இது ஒரு முன்னோடி என்று கூறப்படுகிறது. பிரார்த்தனை மண்டபம், ஒரு பெரிய முற்றத்தின் முன்னால், ஐந்து வளைவுகள் உள்ளன. மத்திய வளைவுடன் ஒரு குவிமாடம் மட்டுமே உள்ளது. வளைவுகளின் அளவு மத்திய வளைவை நோக்கி அதிகரிக்கிறது. இது அழகான அலங்காரத்தால் அலங்கரிக்கப்பட்ட ஐந்து வளைவுகளில் மிகப்பெரியது. வளைவின் சுவர்கள் ஒரு சில குரானிக் கல்வெட்டுகளால் அலங்கரிக்கப்பட்டுள்ளன. மசூதியைச் சுற்றியுள்ள ஒரு மண்டபம் இரண்டு மாடி மசூதிக்கு அணுகலை வழங்குகிறது. மேலும் நான்கு மூலைகளும் எண்கோண கோபுரங்களால் அலங்கரிக்கப்பட்டுள்ளன. மசூதியின் பின்புற முனைக்கு மத்திய வளைவில் ஒரு சிறிய ஜன்னல் தவிர, கட்டிடத்தின் பிரதான சுவரிலிருந்து நீண்டிருக்கும் ஜன்னல்கள் வைக்கப்பட்டுள்ளன. [1] [2] [3] [5]
கல்லறை அமைப்பு
ஜமாலி-கமாலியின் கல்லறை 7.6 மீ (25 அடி) சதுர அமைப்பில் ஒரு தட்டையான கூரையுடன் அமைந்துள்ளது. இது மசூதியின் வடக்குப் பக்கத்தில் அமைந்துள்ளது. அறைக்குள், தட்டையான கூரை பூசப்பட்டு அலங்காரமாக அலங்கரிக்கப்பட்டுள்ளது. இது சில குரானிக் கல்வெட்டுகளுடன் சிவப்பு மற்றும் நீல நிறத்தில் வரையப்பட்டுள்ளது. மேலும் சுவர்கள் ஜமாலியின் கவிதைகளில் பொறிக்கப்பட்ட வண்ண ஓடுகளால் அலங்கரிக்கப்பட்டுள்ளன. கல்லறையில் உள்ள அலங்காரங்கள் "ஒரு நகை பெட்டியில் காலடி எடுத்து வைப்பது" என்ற தோற்றத்தை அளிப்பதாக விவரிக்கப்பட்டுள்ளது. ஜமாலி கமாலி மசூதி மற்றும் கல்லறையின் கல்லறை அறையில் இரண்டு பளிங்கு கல்லறைகள் உள்ளன: ஒன்று ஜமாலி, துறவி கவிஞர் மற்றும் மற்றவர் கமாலி. கமாலி பெயருக்கான காரணம், அது ஜமாலியுடன் நன்றாக ஒலிக்கிறது.. [1] [4]
அணுகல்
நினைவுச்சின்னம் அமைந்துள்ள மெஹ்ராலி நகர்ப்புற கிராமம் டெல்லியின் அனைத்து பகுதிகளிலிருந்தும் நன்கு அமைக்கப்பட்ட சாலைகள் மற்றும் போக்குவரத்து அமைப்பு மூலம் அணுகக்கூடியது. இந்திரா காந்தி சர்வதேச விமான நிலையம் 18 கி.மீ தொலைவில் உள்ளது. புது தில்லி ரயில் நிலையம் மற்றும் நிஜாமுதீன் ரயில் நிலையம் முறையே 17 கி.மீ தூரம், மற்றும் 16 கி.மீ தொலைவில் உள்ளது. பார்வையாளர்கள் அனைத்து வார நாட்களிலும் நினைவுச்சின்னத்தை கட்டணமிலாமல் பார்வையிடலாம். அருகிலுள்ள மெட்ரோ நிலையம் குதாப் மினார் ஆகும், இது மசூதியிலிருந்து நடந்து செல்லக்கூடிய தூரத்தில் உள்ளது.
குறிப்புகள்
- ↑ 1.0 1.1 1.2 "Commonwealth Games-2010: Conservation, Restoration and Upgradation of Public Amenities at Protected Monuments" (PDF). Jamali Kamali Tomb and Mosque. p. 59. பார்க்கப்பட்ட நாள் 7 August 2009.
- ↑ 2.0 2.1 "Lal Kot and Siri" (PDF). Jamali Kamali Tomb and Mosque. p. 9. Archived from the original (pdf) on 2 ஜூலை 2013. பார்க்கப்பட்ட நாள் 1 August 2009.
{{cite web}}
: Check date values in:|archive-date=
(help) பிழை காட்டு: Invalid<ref>
tag; name "Newton" defined multiple times with different content - ↑ 3.0 3.1 "Jamali Kamali Mosque". ArchNet.com. Archived from the original on 9 May 2012. பார்க்கப்பட்ட நாள் 7 August 2009. பிழை காட்டு: Invalid
<ref>
tag; name "arch" defined multiple times with different content - ↑ 4.0 4.1 "Jamali Kamali's Tomb and Mosque". Archived from the original on 3 ஆகஸ்ட் 2009. பார்க்கப்பட்ட நாள் 7 August 2009.
{{cite web}}
: Check date values in:|archive-date=
(help) பிழை காட்டு: Invalid<ref>
tag; name "delhi" defined multiple times with different content - ↑ 5.0 5.1 "Close view of main façade of the Jamali Kamali Masjid, Delhi". On Line gallery British Library. பார்க்கப்பட்ட நாள் 7 August 2009.