Дилбар Валаматзода
Дилбар Ғаффоровна Валаматзода | |
Таърихи таваллуд | 13 феврал 1952 |
Зодгоҳ | Душанбе ҶШС Тоҷикистон |
Таърихи даргузашт | 1994 |
Маҳалли даргузашт | Душанбе |
Кишвар |
|
Пеша(ҳо) | мутриб |
Соз | пианино, арғунун |
Ҷоизаҳо | Ҳунарпешаҳои хизматнишондодаи ҶШС Тоҷикистон (1987). |
Дилбар Ғаффоровна Валаматзода (13.02.1952, шаҳри Душанбе – 1994 шаҳри Душанбе), пианинонавоз ва арғунуннавози шинохтаи тоҷик, Ҳунарпешаҳои хизматнишондодаи ҶШС Тоҷикистон(1987).
Зиндагинома
[вироиш | вироиши манбаъ]Дилбар Ғаффоровна Валаматзода дар шаҳри Душанбе дар оилаи ҳунарманди шинохтаи тоҷик Ғаффор Валаматзода ба дунё омадааст. Хатмкардаи мактаби миёнаи махсуси мусиқи ҷумҳуриявии ба номи З. Шаҳидӣ (1971) ва Консерваторияи давлатии шаҳри Боку ба номи Узеир Ҳоҷибеков (1976). Муаллими кафедраи фортепианои махсуси Донишкадаи давлатии санъати Тоҷикистон ба номи М. Турсунзода (1976-80), муаллими калони кафедраи мазкур (1980-81). Аз соли 1981 мудири кафедраи ансамбли камеравӣ ва маҳорати консеритмейстерӣ ДДСТ ба номи М. Турсунзода буд.
Эҷодиёт
[вироиш | вироиши манбаъ]Валаматзода махсусан дар навохтани арғунун маҳорати хуб дошт. Дар консертҳои бахшида ба рӯзҳои маданият ва санъати Тоҷикистон дар Маскав (1967), Фестивали 10-уми умумиҷаҳонии ҷавонон ва студентон дар Берлин (1973), Симпозиуми умумиҷаҳонии мусиқии мамлакатҳои Осиё ва ЮНЕСКО дар Алмаато (1973), консерт дар ду бахш дар ш.-ҳои Норак, Қурғонтеппа, Турсунзода, Кӯлоб ва дигарон ноҳияи-ҳои ҷумҳурӣ (1976-77), консерти бахшида ба 100–солагии С. Айнӣ дар ансамбли скрипканавозони Театри калони ИҶШС дар Маскав (1978), консерти арғунун дар толори Донишкадаи давлатии санъати Тоҷикистон ба номи М. Турсунзода (1980) ва ғ. иштирок намудааст. С. 1991 Валаматзода бо ҳамсараш, овозхони маъруф, Ҳунарпешаи халқии Тоҷикистон Адҳам Холиқов ба Италия ба шаҳри Милан ба кор таклиф шуданд. Валаматзода аз ихтисоси фортепиано, А. Холиқов аз вокал ба бачагон касб меомӯхтанд ва ҳарду якҷоя консерт медоданд.[1]
Эзоҳ
[вироиш | вироиши манбаъ]- ↑ Обидпур Ҷ. Луғатномаи тафсирии мусиқӣ / зери назари Б.Қобилова. – Душанбе: Аржанг, 2019. – С. 77-78. – 480 с. ISBN 978-999-47-43-90-2(тоҷ.)
- Зодагони 13 феврал
- Зодагони соли 1952
- Шахсиятҳо аз рӯи алифбо
- Зодагони шаҳри Душанбе
- Даргузаштагони соли 1994
- Даргузаштагони шаҳри Душанбе
- Мусиқидонон аз рӯи алифбо
- Википедиа:Мақолаҳои бесурат дар бораи мусиқидонон
- Дорандагони унвонҳои фахрӣ аз Тоҷикистон
- Олимони Донишкадаи давлатии санъати Тоҷикистон ба номи Мирзо Турсунзода
- Ҳунарпешазанҳои Тоҷикистон