Islamtat.ru (lat)
Бу мәкаләнең кирилл әлифбасындагы игезәге бар.
Islamtat.ru, İslamtat («İslam Tatarstanda» süzläreneñ qısqartması) mäğlümat agentlığı — Tatarstan Cömhüriäte möselmannarınıñ berençe mäğlümat agentlığı, 2007 nçe yılnıñ iün ayınnan (hicri - 1428 nçe yılnıñ Cömädel-axir ayı) başlap eşen alıp bara. Agentlıqnıñ töp wazifası Tatarstan häm Rusiä möselmannarınıñ ictimağıy-säyäsi, iqtisadi häm mädäni waqıyğaların yaqtırtıp baru. «İslamtat» MA redaktsiäse Qazanda urnaşqan. Älegä agentlıq urıs telendä yaza.
Töp eş
[үзгәртү | вики-текстны үзгәртү]«İslamtat» MA Tatarstan Cömhüriäte territoriäsendäge böten cämğiät wäkilläre, din, mäğärif, fän, mädäni märkäzlär, däwlät äğzaları häm türälär, ğälimnär häm cämğiät eşlekleläre, watandaşlar häm şirkätlär h.b. belän bergä eş itep, mäğlümatnı cıya. «İslamtat» agentığınıñ mäğlümäti säyäsäte barı tik üz jurnalistlar kollektivı tarafınnan bilgelänä, agentlıq irekle bulıp sanala. «İslamtat» MA yañalıqlarnı turıdan turı iñ äwwäl çığanaqlardan, yäğni waqıyğalarda qatnaşuçılar tarafınnan öyränä häm şulay itep ölger häm ışanıçlı mäğlümat çığanağı bulıp tora. Agentlıq jurnalistları üz eşen İslam äxlağı buyınça däwam itterälär.
Eçtälek
[үзгәртү | вики-текстны үзгәртү]«İslamtat» saytında törle çaralar, waqıyğalar häm küreneşlär, kürenekle hönär iäläreneñ, belgeçlärneñ fikerläre häm şärexläre, ictimağıy-säyäsi eçtälekle özemtälär, möselman oyışmalarına häm çaralarına qağılışlı törle äwraqlarnıñ tekstları çağıldırıla. Şul uq waqıtta, saytta küp sanda törle fänni-populyar häm dini mäqälälär, islami elektron kitaplar, häm şulay uq İslam oyışmaları, Rusiäneñ dini eşlekleläre, ğäräp illäre, tatar milläteneñ tarixı häm mädäniäte turında kiñ qırlı mäğlümat tabıp bula.
Aylıq awditoriä
[үзгәртү | вики-текстны үзгәртү]2011 yılnıñ fevral' (hicri - 1432 nçe yılnıñ Rabiğel-axir ayı) ayınıñ statistikasına qarağanda sayt säxifälärendä 18 000 – 23 000 ziärätçe buldı (täwlegenä 600-700 unikal' qullanuçı), şul isäptän 60%ı Rusiä territoriäsennän. Saytnı ayına yaqınça 50 000 – 60 000 tapqır qarap çığalar.
Ziärätçelär geografiäse
[үзгәртү | вики-текстны үзгәртү]Ziärätçelär geografiäse tübändägeçä bülenä:
- yaqınça 60% - Rusiä Federatsiäse
- yaqınça 14% - BDB illäre (Qazaqstan, Ukraina, Azärbaycan, Moldaviä, Belarusiä, Qırğızstan, Taciqstan)
- yaqınça 10% - Amerika Quşma Ştatları
- yaqınça 10% - Awrupa Berlege illäre (Pülşä, Almaniä, Norvegiä, Latwiä, Bilgiä, Frantsiä)
- yaqınça 4% - başqa illär (Çin, Hindstan, BGÄ, Törkiä)
- bilgesez (texnik yaqtan belü çiklängän) – yaqınça 2%.
Yandeksnıñ mäğlümatı buyınça, 2010 nçı yılnıñ avgust ayında (hicri - 1431 nçe yılnıñ Ramazan ayı) “İslamtat” MA saytına internetta 4300dän artıq sıltama bar.
«İslamtat» saytınıñ bülekläre
[үзгәртү | вики-текстны үзгәртү]1. Yañalıqlar häm analitika
- Tatarstan yañalıqları
- Rusiä yañalıqları
- Dönya yañalıqları
- Analitika
- Äñgämä
- Matbuğatnı küzätü
- Soraştırular
- Äwraqlar
- Maxsus süjetlar
2. İslam dine
- İslam nigezläre, süzleklär, İslam buyınça yulkürsätkeç
- Tärcemälär, Qör'än täfsirläre
- Namaz öyrätkeçe
- Kitap kiştäse
3. Möselman beleşmäläre
- İslam Rusiädä: beleşmälär, biografiälär, oyışmalar
- İslam Tatarstanda: möselman infrastrukturası, biografiälär, elemtälär
- Ğäräp illäre: taswirlamalar
- Tatar milläte: belşmälär, tarix, aş-su, süzleklär
4. Xezmätlär
- Buşqa iğlannar diwarı
- Möselman saytlarınıñ törgäge
Başqa mäğlümat
[үзгәртү | вики-текстны үзгәртү]“İslamtat” MA Rusiä İslam universitetı belän bergä - Qazandağı berençe Möselman Jurnalistı Mäktäbeneñ oyıştıruçısı.
Çığanaqlar
[үзгәртү | вики-текстны үзгәртү]Sıltamalar
[үзгәртү | вики-текстны үзгәртү]- Baş möxärrir belän äñgämä 2016 елның 5 март көнендә архивланган. (рус.)
- Rusiä İslam Universitetı studentları praktikada başlanğıç jurnalistika belemen alalar 2008 елның 13 март көнендә архивланган. (рус.)