Зөлфия Камалова
Зөлфия Камалова | |
| |
Төп мәгълүмат | |
---|---|
Тулы исеме |
Зөлфия Нәҗип кызы Камалова |
Туу көне | |
Туу урыны | |
Эшчәнлек еллары |
1992 - х. в. |
Дәүләт | |
Һөнәрләр | |
Кораллар |
гитара |
Жанрлар |
World music, рус халык җыры, татар халык җыры |
Коллективлар |
Zulya and The Children of the Underground |
Лейбллар |
Unstable Ape Records |
Бүләкләр | |
zulya.com |
Зөлфия Камалова, Зөлфия Нәҗип кызы Камалова, Zölfiä Näcip qızı Kamalova, Австралиядә: Zulya Kamalova (1969 елның 8 августы, ССРБ, РСФСР, Удмурт АССР, Сарапул) — җырчы. Австралиядә яшәп иҗат итә. World music стилендәге музыка конкурслары лауреаты. Австралиянең «Ел җырчысы-2001». Татарстанның атказанган артисты (2012).
Тәрҗемәи хәле
[үзгәртү | вики-текстны үзгәртү]1969 елның 8 августында Удмуртиянең Сарапул шәһәрендә татар гаиләсендә туган. Урта мәктәпне, Пермь университетының чит телләр факультетын (1991) тәмамлаган.
1991 елда студентлар алмашу программасы буенча Калифорниягә (АКШ) китә, Австралия егетенә кияүгә чыга, Тасмания утравында Хобарт шәһәрендә яши башлый.
Иҗаты
[үзгәртү | вики-текстны үзгәртү]Австралиядә үз музыка төркемен Zulya and The Children of the Underground[1] булдыра. Башкару стиле катлаулы: татар мотивлары, джаз элементлары, француз шансоны, популяр музыка, фолк, этностиль катнашкан. Һәрвакыт тере тавышка җырлыйлар.[2]
1997 елда Австралиядә 1 нче альбомын яздыра. Анда рус, чегән, француз, португал, испан, инглиз телләрендә башкарылган җырлары кергән.
2007 елда «3 Nights» альбомы дөнья күрә. Анда татар, рус, инглиз телләрендә башкарылган җырлары тупланган. Әлеге альбом Австралия тавыш яздыру сәнәгате берлеге премиясенә (Австралия «Грэмми»е) лаек була. Австралияле башкаручылардан беренче буларак, З. Камалова җырларыннан торган җыелма Европа музыка чартларының беренче унлыгында 16 атна буе саклана.
Австралиядә егерме ел яшәү дәверендә эре фестивальләрдә катнашып килә: Брисбен (2010, 2013), Сидней (2010), Мельбурн (2009), Квинсленд (2005), Мәскәү (Кызыл мәйдан), Таулы Алтай, Вена (Австрия). Казанда «Дөнья яратылышы» (Сотворение мира) I фестивалендә (2008) татар җырлары белән катнаша.[3]
Төркем музыкантлары
[үзгәртү | вики-текстны үзгәртү]- Lucas Michailidis
- Anthony Schulz
- Andrew Tanner
- Justin Marshall
- Eamon McNelis
Дискография
[үзгәртү | вики-текстны үзгәртү]- 1997 «Тавыш сәяхәте» («Journey of Voice»)
- 1999 «Әллүки» («Aloukie»)
- 2002 «Elusive» (2007дә яңадан бастырылган)
- 2005 «Бушлык вальсы» («The Waltz of Emptiness»)
- 2007 «3 төн» («3 Nights»)
- 2010 «Tales of Subliming» Европада чыга
- 2014 Kosmostan (тат.)
- 2015 On Love and Science
- 2019 Алты көн ярату
Бүләкләре, мактаулы исемнәре
[үзгәртү | вики-текстны үзгәртү]- 2002 The Best LIVE
- 2005 National Archive Award — «Бушлык вальсы» альбомы өчен
- 2007 Австралия тавыш яздыру сәнәгате берлегенең ARIA премиясе — «3 төн» («3 Nights») өчен
- 2010 Мельбурн Music awards
- 2012 Татарстанның атказанган артисты
Гаиләсе
[үзгәртү | вики-текстны үзгәртү]Ире Andrew Tanner, музыкант. Кызлары Зифа (2006).
Искәрмәләр
[үзгәртү | вики-текстны үзгәртү]- ↑ Шәхси сайтыннан
- ↑ [1]Казанские ведомости, 12.09.2008
- ↑ Музыка төркеменең сайтында, archived from the original on 2015-02-11, retrieved 2015-02-24
Сылтамалар
[үзгәртү | вики-текстны үзгәртү]- Шәхси сайты 2010 елның 1 февраль көнендә архивланган. (рус.)(ингл.)
- Музыка төркеменең сайты 2015 елның 11 февраль көнендә архивланган.
- Австралиялеләргә татар музыкасы якын
- Чикләрсез татарлар сайты
- Җырчы белән тәфсилле әңгәмә 2014 елның 29 июнь көнендә архивланган.