Марказий устони
| Устон | |
|---|---|
| Маъмурий маркази | Арок |
| Йирик шаҳари | Арок |
| Расмий тили | форсча |
| Аҳоли | 1 351 257 |
| Майдони |
29 127 км² (ў %) |
| Харитада | |
 | |
| 34°37′7″Н 49°56′39″Э / 34.61861°Н 49.94417°Э | |
Марказий устони — Эрон устонларидан биридир. У шимолдан Қазвин устони ва Теҳрон устони, жанубдан Луристон устони, шарқдан Қум устони ва ғарбдан Ҳамадон устони билан чегарадош. Устонда 11 та туман, 62 та қишлоқ ва 29 та шаҳар мавжуд. Арок, Хамин, Сова, Маҳаллот, Делижон, Камижон ва Азно устон таркибидаги шаҳарлардир. Эрон устонларининг орасида жойлашгани сабабли устон номи Марказийдир. Тарихий манбаларга кўра Марказий устони ерлари мил.авв. 1-минг йилликда Катта Мод таркибига кирган.
Устоннинг табиати
[edit | edit source]Тоғлар вс текисликлардан иборат. Марказий ва Загрос тоғлари устоннинг энг муҳим тоғларидан ҳисобланади. Марказий устонини Албурс ва Загрос тоғи тизмаларининг тўқнашуви деса бўлади. Қадимда Марказий устонида кенг ўрмонлар бўлган, лекин ҳозирда мавжуд эмас. Фақатгина Сарбанд шаҳарчасида нисбатан қуюқ ўрмонлар бор.
Дарёлари
[edit | edit source]Ҳозирда бу ердаги катта анҳорлар, дарёлар ва бошқа сув ҳавзаларидан жами сув миқдори 4,2 млрд.м³ ни ташкил этади ва унинг 50 фоизи қишлоқ хўжалигига сарфланади. Қарачой, Зарринруд, Лаълруд, Хонсор ва Хамин дарёлари устоннинг энг муҳим дарёлари ҳисобланади.
Тили
[edit | edit source]Марказий устонининг аҳолиси асосан форс тилидан сўзлашади, аммо баъзи бир қишлоқларда туркий, курд ва арман тилларида ҳам сўзлашадилар.
Диқатга сазовор жойлар
[edit | edit source]Марказий устонда Наҳжир ғори, Чаҳорфасл ҳаммоми, Сафедхоний ғори, Хорхе ибодатхонаси, Маҳаллот оташкадаси, Нимвар кўприги, Миқон кўли туристик аҳамиятга эга [1].
Манбалар
[edit | edit source]- ↑ Мостафавий, Ҳамид. Тасвирларда Эрон бо'йлаб саёҳат, 2013, СОКҲАНВАРАН ПУБ. — 255 бет. ИСБН 978-600-9675-31-3.