Messier 3

Messier 3 (M3; boshqa nomi NGC 5272) Canes Venatici yulduz turkumidagi sharsimon yulduzlar toʻdasidir. Ushbu yulduzlar toʻdasi eng yirik yorqin yulduzlar toʻdalaridan biri hisoblanadi. 500 mingdan ortiq yulduzlardan iborat toʻda Yerdan 33 900 yorugʻlik yili masofada joylashgan.

Kashfiyot tarixi

1764-yilda astronom Charles Messier tomonidan kashf etilgan.

Kuzatilishi

Messier 3 Canes Venatici yulduz turkumida joylashgandir.

Messier 3 sharsimon yulduzlar toʻdasini Shimoliy yarimsharning oʻrta kengliklarida kuzatish uchun eng qulay fursat bahor va yoz fasllaridir. Uning oddiy koʻzga koʻrinadigan yulduz kattaligi 6,4^mni tashkil etadi. Bu shaharlardan uzoqda, oy chiqmagan tunda, tiniq, begʻubor osmon sharoitida yaxshi koʻrish qobiliyatiga ega kuzatuvchilar uni oddiy koʻz bilan koʻra olishini anglatadi. Durbindan foydalanilganda, juda yorqin shahar atrofi osmonida ham toʻdani topish oson α Canes Venatici yulduzlar turkumidan yorqin zargʻaldoq tusda tovlanib turuvchi Arcturus — α Bootes tomonga yoʻnalganda). 100 mm+ diafragmali teleskop yordamida toʻdadagi yulduzlar ham koʻzga tashlana boshlaydi hamda toʻdaning shakli mukammal yumaloq emasligi seziladi. 150 mm.lik teleskopda yuzlab yulduzdan iborat toʻpga oʻxshaydi. 200 mm teleskop orqali kuzatilganda periferik mintaqalarda yulduzlar orasidagi uzilishlar yaqqol seziladi. 275 mm.lik teleskop vositasida toʻda ulkan va tukli yulduzlar toʻdasiga oʻxshab ketadi.^[1]

Messier toʻplamidagi osmon boʻylab qoʻshnilari

M 53 — (janubiy gʻarbda, Veronika sochlarida);
M 64 — (janubi-gʻarbda, Veronika sochlarida) Qora Koʻz galaktikasi;
M 63 va M 94 — (shimoli-gʻarbda, Canes Venatici yulduzlar turkumi) juda yorqin galaktikalar ;
M 51 — (shimolda, Canes Venatici yulduzlar turkumi) „Whirlpool“ qoʻsh galaktikasi;

„Messier marafoni“dagi kuzatishlar ketma-ketligi

… M 94 → M 106 → M 3 → M 53 → M 64 …

Yana qarang

Yangi umumiy katalog

Manbalar

↑ Harris W. E. A catalog of parameters for globular clusters in the Milky Way (angl.) // Astron. J. / J. G. III, E. Vishniac — IOP Publishing, American Astronomical Society, University of Chicago Press, AIP, 1996. — Vol. 112, Iss. 4. — P. 1487. — ISSN 0004-6256; 1538-3881 — doi:10.1086/118116

Havolalar

Messier 3 ^(ingl.)
Merrifield, Michael „M3 – Globular Cluster“. Deep Sky Videos. Brady Haran.

[1] Harris W. E. A catalog of parameters for globular clusters in the Milky Way (angl.) // Astron. J. / J. G. III, E. Vishniac — IOP Publishing, American Astronomical Society, University of Chicago Press, AIP, 1996. — Vol. 112, Iss. 4. — P. 1487. — ISSN 0004-6256; 1538-3881 — doi:10.1086/118116

[1]