Флоренсия университети

италянча: Университà дегли Студи ди Фирензе
Асос солинган санаси	1321-йил

Флоренсия университети - Италия ва Европадаги қадимги унтлардан бири. 1321-йил Флоренсия республикаси маблағи ҳисобига ташкил этилган. 1472-йил университет Пиза шаҳрига кўчирилди. Флоренсияда филол., фалсафа, теология кафедралари қолди; кейинчалик бу ерда математика, астрономия, физика, зоол., ботаника, минералогия кафедралари тузилди. Флоренсия университетида машҳур италян олимлари А. Полициано, Л. Пачоли, А. Чезалпино, Э. Торричелли, Ф. Реди даре берган. Г. Галилей "унтнинг биринчи математиги" унвонига сазовор бўлган. 1859-йил университет Олий амалий тадқиқотлар ва такомиллаштириш институтига айлантирилган; 1924-йилдан яна Флоренсия университети Университет юридик, сиёсий, техника, табиий фанлар, иқтисодиёт ва тижорат, адабиёт ва фалсафа, пед., тиббиёт, меъморлик, қишлоқ хўжалиги ва ўрмончилик бўйича мутахассислар тайёрлайди. Марказий миллий кутубхона (1747-йил ташкил этилган, 4 млн.дан ортиқ асар) ва Маручелли кутубхонаси (1752-йил асос солинган, 0,5 млн.га яқин қад. қўлёзма ва нашрлар)ни бирлаштирган кутубхонаси бор. 40 мингдан ортиқ талаба таълим олади.