Florensiya universiteti

Florensiya universiteti - Italiya va Yevropadagi qadimgi untlardan biri. 1321 y. Florensiya respublikasi mablagʻi hisobiga tashkil etilgan. 1472 y. universitet Piza sh.ga koʻchirildi. Florensiyada filol., falsafa, teologiya kafedralari qoldi; keyinchalik bu yerda mat., astronomiya, fizika, zool., botanika, mineralogiya kafedralari tuzildi. F.u.da mashhur italyan olimlari A. Politsiano, L. Pacholi, A. Chezalpino, E. Torrichelli, F. Redi dare bergan. G. Galiley "untning birinchi matematigi" unvoniga sazovor boʻlgan. 1859 yil universitet Oliy amaliy tadqiqotlar va takomillashtirish intiga aylantirilgan; 1924 y.dan yana F.u. Unt yuridik, siyosiy, texnika, tabiiy fanlar, iqtisodiyot va tijorat, adabiyot va falsafa, ped., tibbiyot, meʼmorlik, q.x. va oʻrmonchilik boʻyicha mutaxassislar tayyorlaydi. Markaziy milliy kutubxona (1747 y. tashkil etilgan, 4 mln.dan ortiq asar) va Maruchelli kutubxonasi (1752 y. asos solingan, 0,5 mln.ga yaqin qad. qoʻlyozma va nashrlar)ni birlashtirgan kutubxonasi bor. 40 mingdan ortiq talaba taʼlim oladi.