Shohida Ismoilova
Shohida Ismoilova | |
---|---|
Tavalludi |
Ismailova Shohida Gaparovna 15-noyabr 1957-yil |
Fuqaroligi |
|
Kasbi | Aktrisa |
Janr | Drama |
Faoliyat yillari | 1980— hozirgacha |
Turmush oʻrtogʻi | Mahmud Ismoilov |
Mukofotlari |
|
Shohida Ismoilova (1957-yil 15-noyabr, Toshkent shahri, Oʻzbekiston SSR) – drama teatri va kino aktyori, Oʻzbekistonda xizmat koʻrsatgan artist, Mehnat shuhrati ordeni sohibasi.
Faoliyati
[tahrir | manbasini tahrirlash]1976—1980-yillarda Toshkent teatr va rassomlik sanʼati institutida tahsil olgan. Ijodiy faoliyatini 1980-yilda Oʻzbek davlat drama teatrida boshlagan va u yerda aktrisa 20 dan ziyod obrazlar yaratgan. 1987-yildan to hozirgi kunga qadar Oʻzbek milliy akademik drama teatrida faoliyat koʻrsatib kelmoqda. Bu yerda ham u 50 ga yaqin spektakllarda turli xarakterdagi obrazlarni yaratgan. Jumladan, „Oʻtgan kunlar“ spektaklida Kumush rolini sahnaga birinchi boʻlib olib chiqqan. "Yulduzli tunlar" spektaklida Xonzodabegim, "Mehrobdan chayon"da Gulshan, "Otello"da Dezdemona, "Mirzo Ulugʻbek"da Feruza, "Baxtli gadolar"da Anjelika, "Alla"da farzandsiz ayol, "Kunduzsiz kechalar"da Soliha, "Usmon Nosir"da Xolambibi, "Omonat dunyo"da Latofat, "Andishali kelinchak"da Oqoyim, "Oʻtgan kunlar"da Oftob oyim, "Alisher Navoiy"da enaga, "Mirzo Ulugʻbek"da Nigor xonim kabi bosh rollarni ijro etgan.
Shohida Ismoilova teatrdagi faoliyati bilan bir qatorda kino sohasida ham sermahsul ijod qilib, 40 dan ziyod kino va videofilmlar hamda milliy seriallarda obrazlar yaratgan. Kino olamida „Muhabbat bahori“ filmida bosh rollardan birini[1], "Oʻtgan kunlar" filmida Xushroʻybibi, "Oltin tulpor duoibadi"da Shohida, "Telba"da ona, "Faryod"da Saidning onasi hamda milliy seriallardan "Domla"da Sojida, "Charxpalak"da Mastura, "Imom Al-Buxoriy"da Buxoriyning onasi, "Oila"da Oydin, "Qaytar dunyo"da Oynisa, "Tutash taqdirlar"da Zebo kabi rollarni ijro etgan[2].
Aktrisa 1999-yili „Andijon bahori“ xalqaro teatrlar festivalida "Kunduzsiz kechalar" spektaklidagi Soliha roli uchun „Eng yaxshi ayol roli ijrochisi“ nominatsiyasi boʻyicha gʻolib deb topilgan.
Shohida Ismoilova 2010-yili Oʻzbek milliy akademik drama teatri qoshidagi „Tasanno“ bolalar teatr studiyasini tashkil qilgan. 6 yoshdan 15 yoshgacha boʻlgan bolalar ushbu studiyada mashgʻulot olib boradilar. Studiya faoliyati davomida "Qorboboni qutqaring", "Shelkunchik", "Bayram sarguzashtlari", "Elchigul", "Buratino" kabi asarlarni sahnalashtirgan.
Shaxsiy hayoti
[tahrir | manbasini tahrirlash]Shohida Ismoilova 1980-yilning 4-avgustida Oʻzbek milliy akademik drama teatri aktyori Mahmud Ismoilov bilan turmush qurgan[3][4]. 3 qiz farzandning onasi.
Mukofotlari
[tahrir | manbasini tahrirlash]Aktrisa 2000-yilda Oʻzbekiston Respublikasida xizmat koʻrsatgan artist faxriy unvoni bilan taqdirlangan. 2021-yilda esa Mehnat shuhrati ordeni bilan mukofotlangan.
Manbalar
[tahrir | manbasini tahrirlash]- ↑ „Hamid Olimjon va Zulfiyaxonim hayoti va ijodiga bag‘ishlangan badiiy film suratga olinmoqda“. kun.uz. Qaraldi: 13-iyun 2024-yil.
- ↑ „ШАХИДА ИСМАИЛОВА“. kino-teatr.ru. Qaraldi: 13-iyun 2024-yil.
- ↑ „Sahnadan hayotga ko‘chgan muhabbat“. kun.uz. Qaraldi: 13-iyun 2024-yil.
- ↑ „Aktrisa Shohida Ismoilova turmush o‘rtog‘i Mahmud Ismoilov og‘ir kasallikni boshidan o‘tkazgani haqida gapirib berdi (video)“. daryo.uz. Qaraldi: 13-iyun 2024-yil.
Havolalar
[tahrir | manbasini tahrirlash]- „Onam oʻldi, erim kasal boʻldi, ustimizdan yozishdi“. Shohida Ismoilova hayoti va oʻtmishi haqida
- Шохида Исмоилова Биографияси
- SHOXIDA ISMOILOVA YANGI OILAVIY VA SHAXSIY RASMLARI 2020
- BOSH QAHRAMON - SHOHIDA ISMOILOVA: BU INSON BUTUN HAYOTIMNI O'ZGARTIRIB YUBORDILAR
- Aktrisa Shohida Ismoilova bilan suhbat | Hayot va xayol yo`llari [25.02.2018]
- Tez kunda "Ochiq suhbat"da Shohida Ismoilova!