Stasion feroviària
Na stasion feroviaria ła xe on inpianto feroviario par el aceso dei pasejeri e de le merci a la ferovia e par chel che revarda el exercisio e el movimento feroviario.
Na stasion feroviaria la ga almanco do binari e on scanbio par er la posibilità de far incroci o precedense tra treni e de meter insieme e divider fora i treni. Altri punti de aceso dei pasejeri a la ferovia, ciamadi fermade, i xe sensa interscanbi (cuindi, a diferensa de le stasion, no i asa far manovre, precedense e incroci). Na via de mes tra le doi ła xe la stasion dexabilitada. Inte sto caso ghe xe binari e scanbi, ma tuti i dispositivi i xe blocadi da ciave e sistemi de seguresa e el inpianto el gnen doperà solche come fermada. Te el caso che ghe sie bisogn la stasion la pol gner riabilitada e on Dirixente Movimento abilità el pol cavar via legalmente i inpedimenti in maniera da poder usufruir de tute le potensialità de la stasion. La prexensa fisega del Dirixente Movimento no ła xe senpre necesaria. Esiste difati de le stasion telecomandade e le varie operasion le gnen fate da el Dirixente Central Operatiu.
In base a la posision su la trata feroviaria, se destingue do tipi de stasion:
- stasion (intermedie o nodai) de pasajo, che łe xe la gran part;
- stasion de testa, aonde che tuti i binari i se fenis co un respinxente.
Secont el Regolamento Circolazione Treni, de le Ferrovie dello Stato iitaliane, la definision de stasion ła xe la seguente:
(VEC)
«4. Diconsi stazioni le località di servizio normalmente delimitate da segnali di protezione, utilizzate par regolare la circolazione treni, munite di impianti atti a effettuarvi le precedenze intrà treni nello steso senso e, sul semplice binario, gli incroci intrà treni in senso opposto.»— art.2, comma 4
Clasifegasion de le stasion feroviarie iitaliane
[canbia | canbia el còdaxe]Clasifegasion par orden de inportansa
[canbia | canbia el còdaxe]In relasione a la so inportansa le stasioni se pol destinguer in:
- Stasion piciole - de solito dotade de do o tre binari colegadi da scanbi aonde che no pol pasar, de solito, pì de do treni te el steso vers. de solito se ferma treni regionai. Le pol eser dotade de pensiline, biljeteria automatega, obliteratore e sala de atesa.
- Stasion medie - de solito łe ga on bon numero de binari in maniera da operar co diversi treni insieme. Se ferma anca treni merci, interejonai, intercity e eurostar. Se i xe de capolinea le pol er anca el deposito locomotive. De norma łe xe dotade de diversi servisi come biljeterie automateghe e servide, obliteratore, sale de atesa a el cuert e bagni publeghi, edicole e bar, pensiline e sotopasagi par traversar i binari.
- Stasion grande - łe xe le stasion de transito o cualche olta de testa che ghe xe te le cità grande. Pasa treni pasejeri a cualuncue ora e de cualuncue sort, invese cuei merci i transita solche ten serte finestre tenporai. łe ga na gran oferta de servisi par i viandant: bar, edicole, biljeterie, sale de atesa, bagni publeghi, uficio de la posta, bancomat, negosi, tabachin, ecc...
Tante le controla tramite telecomando el trafego e el moviment te le stasion arent. Le pol er tanti binari e on bon numero de motore da manovra par meter insieme e desfar fora i treni. kle fa anca da interscanbio co le stasion del tram, de le corjere e de la metropolitana. Serte olte le pol anca eser fate su diversi livei co interscanbio tra linee svelte e suburbane.
Insieme de le stasion se pol considerar anca le fermade, posti particolari de servisio publego par pasejeri disponeste su 1 o 2 binari pasanti sensa la posibilità de far gnesuna manovra. Inte sta categoria rientra anca le stasion disabilitade. de solito no łe ga gnesun servisio acesorio aparte obliteratore. Serte olte łe ga anca na tetoja e na biljeteria automatega.
Clasifegasion comercial RFI
[canbia | canbia el còdaxe]Ultimamente, RFI SpA la ga fat na nova clasifegasion te tipo comercial e promosional par le so stasion basada su la dimension dei inpianti, del trafego de zent e de altri parametri. la sudivision la prevede cuatro categorie:
- Bronze: la conprende inpianti pisoi che i fa solche servisio rejonal;
- Silver: inpianti medio-pisoi che i fa anca cualche servisio de mèdia percorensa, frecuentasin mèdia par servisi metropolitani, rejonai e de longa percorensa ma manco de cuei de la categoria "gold";
- Gold: par inpianti medio-grandi co na alta frecuentasion; i posti servidi da ste stasion i ga da er on serto intarese da el punto de vista turistego, cultural, institusional e archiettonego. da el punto de vista comercial łe ga da er na bona potensialità.
- Platinum: ten sta clase le rientra le stasion caraterizade da na frecuentasion sora na mèdia de 6000 utenti a el dì e da un numero grando de treni. le cità che łe ga sti inpianti łe ga da er inportansa da el punto de vista turistego, cultural, institusional e architetonego. No tute le stasion platinum łe xe xestide da la società Grandi Stazioni.
Le stasion che par el momento łe xe te la categoria platinum le è[2]:
- Bari Central
- Bologna Central
- Firense Santa Maria Novela
- Genova Piasa Principe
- Milan Central
- Milan Porta Garibaldi
- Napoli Central
- Napoli Piasa Garibaldi
- Padova
- Palermo Central
- Pisa Central
- Roma Termini
- Roma Tiburtina
- Torino Porta Nova
- Venezia Santa Lusia
- Verona Porta Nova
Clasifegasion par funsion
[canbia | canbia el còdaxe]Le stasion le pol gner clasifegade anca in base a la so funsion:
- Stasion solche par servisio pasejeri:
- Stasion de transito e fermada.
- Stasion de origine dei treni co parco veture, rifornimento e pulisia dei vagoi.
- Stasion solche par servisio merci:
- co scalo merci de tipo tradisional munì de banchine par carego e scarego, conposision e sconposision treni merci.
- co scalo par on unxoło servisio industrial specifego (te i grandi stabilimenti industriai)
- co scalo portual o stasione maritima par inbarco, sbarco e movimentasion dei treni.
- co gran scalo de smistament o stasion de smistament (par sconposision e conposision de intjeri treni merci)
- intermodal co atresadure adate par la movimentasion e el interscanbio de container
- Stasion solche par servisio feroviario:
- Stasioni solche de servisio aonde che se fa incroci e precedense e operasion de movimento e no łe xe acesibili a el publego:(cfr.articolo 2, Regolamento Circolazione Treni - FS)
- Posto de movimento: stasion co funsion esclusivamente ligade a el servisio o a la circolasion feroviaria.
- Posto de Comunegasion: Località de servisio te la cual do linee paralele le se interconet tra de lore.
- Bivio: località de servisio da la cuale la linea la si dirama ten do o pì linee diferenti.
- stasion de confin, aonde che se fa esensialmente operasion doganai.
Tante olte diverse funsion de chele citade prim le se conbina te na unxoła stasion. [3]
Note
[canbia | canbia el còdaxe]- ↑ Ferrovie dello Stato:Regolamento circolazione treni.Articolo 2 comma 4
- ↑ Tratto da rfi.it Archivià il 1º de majo 2008 in Internet Archive. URL consultato il 10-02-2008.
- ↑ Ivo Angelini,Treni e Ferrovie:ieri,oggi,domani.Editrice Salani,Firenze
Voci colegade
[canbia | canbia el còdaxe]Altri progeti
[canbia | canbia el còdaxe]Collegamenti esterni
[canbia | canbia el còdaxe]Wikimedia Commons el detien imàjini o altri file so stasion feroviària
Controło de autorità | LCCN (EN) sh85111042 · GND (DE) 4129465-8 · BNF (FR) cb119470471 (data) · BNE (ES) XX531757 (data) |
---|