Cubase
Version stàbiłe | |
---|---|
Licensa | software propietario |
Tipo | digital audio workstation (it) |
Disponìbiłe in | Multiłengua
|
Caratarìsteghe tècneghe | |
Sistema operativo | Windows, macosx |
Scrivesto in | C |
Forma file de scritura | |
Scuadra | |
Desviłupator | Steinberg |
|
Cubase el ze un software che'l parmete de rezistrar e prodùzer brani muzegałi in formadi desconpanji (in vari formadi: MIDI, WAV e AIFF ed altri) reałizà in Zarmania inte'l 1989 da Steinberg; el apartien a ła fameja dei Sequencer audio-midi, o sia ai programmi capasi de zestir l'ezecusion e a ła rezistrasion de pì trase audio e midi contenporaneamente. El ze uno intrà i sequencer pì comunemente doparài par łe aplegasion audio so piataforma Windows.
Orizene [1]
[canbia | canbia el còdaxe]Cubase a'l prensìpio el serviva solche par rezistrar ed editar file MIDI, soło drìoman A ze stàe introduzeste funsion par ła rezistrasion de audio. Cubase el ze stà scrivesto par computer Atari e el ze stà drioman produzesto anca par Macintosh de ła Apple e Microsoft Windows.
Funsion [2]
[canbia | canbia el còdaxe]Ła funsion prensipałe de'l software ła ze de crear brani muzegałi, traverso el dòparo de sesion multitrasa, co trase audio e MIDI. Cubase el suporta ła tecnołozìa VST (produzesta da Steinberg) in baze a ła cuała A se pol utiłizar i cusiditi "plug in" che altro no i ze che strumenti virtuałi (sintetizadori, efetistega, esetera) co i cuałi poder rezistrar o ełaborar na trasa audio o MIDI (che po' sołitamente ła vien transformà in audio in faze finałe).
Cubase el ze anca un sequencer overosìpia un editor multitrasa de file audio de diversa natura, co posibiłità de tajo, zonta, remosion de file e porsion de file audio.
Algune intrà łe funsionałità łe ze:
- inportasion de artanti formadi audio
- zestion conpleta dei file audio prezenti inte'l computer
- editing vansà
- zonta de efeti baze a ła trasa
- ragrupamento de łe trase in sotogrupi e grupi
- ragrupamento de łe trase in cartełe
- esportasion in diversi formadi
- zonta de trasa video da sincronizar co l'audio
Varsion
[canbia | canbia el còdaxe]Da'l 1989 ze stàe publegàe numaroze varsion, tutavia A se pol indegar łe pì conosùe:
- Cubase Prima version par Atari 1040. Solo sequencer midi.
- Cubase VST 24 v3.7, una de łe prime varsion capase de zestir i VST.
- Cubase SX / SX 2 / SX 3, łe ùlteme tre varsion venjeste fora co cadensa bienałe da l'ano 2000 fin a otobre 2005. Łe mejorìe so'l motor de 'sta serie respeto a VST 24 łe ze notevołi. L'ùltema varsion (SX 3) ła suporta anca l'ełaborasion in tenpo reałe de l'audio uzando ła tecnołozìa ciamada stretching.
- Cubase 4, A otobre 2006 Cubase el perde ła disidura SX e el deventa Cubase 4.
- Cubase 5, Publicà a zenaro 2009
- Cubase 5.5, zunjo 2010
- Cubase 6, zenaro 2011
- Cubase 6.5, febraro 2012
- Cubase 7, desenbre 2012
- Cubase 7.5, desenbre 2013
- Cubase Pro 8.0, desenbre 2014
- Cubase Pro 8.5, desenbre 2015
- Cubase Pro 9.0, desenbre 2016
- Cubase Pro 9.5, novenbre 2017
- Cubase Pro 10, novenbre 2018
- Cubase Pro 10.5, 14 novenbre 2019
Darénte a łe varsion conplete ze nasùe inte'i ani varsion reduzeste in vendita a parte (Cubase Artist e Cubase Elements) e varsion reduzeste vendùe insenbre a schede audio o mixer dizitałi (Cubase AI, Cubase LE).
St'altra ła ze na tabeła conparadiva de łe varsion atualmente in vendita de Cubase Pro, Cubase Artist e Cubase Elements ciapada da'l sito de'l produtor Steinberg https://new.steinberg.net/cubase/compare-editions/
Notasion
[canbia | canbia el còdaxe]- ↑ Claudio Januario, Cubase.it: Cos'é Cubasecubase.it. entrada l'11 febbraio 2020.
- ↑ What is Cubase: Discover all the featuresnew.steinberg.net. entrada l'11 febbraio 2020.