Gabriele Muccino
Biografia | |
---|---|
Nasimènto | Eror Lua: callParserFunction: function "
[[Categoria" was not found. (57 ani)Roma |
Dati personałi | |
Formasion | Eror Lua: callParserFunction: function " [[Categoria" was not found. |
Atività | |
Canpo de laoro | Regia cinematografica (it) |
Laóro | Eror Lua: callParserFunction: function "
[[Categoria" was not found. |
Fameja | |
Spoxa | Eror Lua: callParserFunction: function " [[Categoria" was not found. |
Fiołi | |
Fradełi | |
|
Gabriele Muccino, (Roma, 20 de majo, 1967) el ze un rezista e senejador italian.
Biografia
[canbia | canbia el còdaxe]Fioło de Luigi Muccino, dirigente Rai, e de Antonella Cappuccio, costumista e pitora, Gabriele Muccino se iscrive a ła facoltà de łétare de l'Univarsità dei Studi de Roma "La Sapienza", ma el abandona scuazi suito i studi univarsitari par avisinarse al sìnema, ofrindose in cuałità de asisente vołontario e frecuentando el Centro sperimentałe de sinematografia de Cinecittà inte'l corso de regia. Par ani el dirize mini docu-fiction de ła durada de sete minuti, che ricostruise incidenti realmente avenjùi e termenai a bon fin, par el programa Ultimo minuto de Rai 3. Grasie a sta łonga espariensa Muccino gavarà modo de perlustrar e catar un so stiłe personałe de raconto, che sviłupaà drìoman inte i ani cuando che'l deventarà un sineasta.
Dopo Ultimo Minuto, inte'l 1997, el reałiza so ła savana afregana in Kenya, Tanzania e Sudàfrega par ła trasmision Quark, che'l considara na espariensa stremamente formativa e indesmentegabiłe. Al so ritorno el se sentiva pronto a reałizar el so primo film, el se revolze al produtor Domenico Procacci, proponendoghe el copion deIo e Giulia. Nasùo come film TV e despò destinà al sìnema, drìoman el projeto vien abandonà par mancansa de fondi.
Inte'l fratenpo Muccino cura ła rezia de alcuni famozi spot publicitari par Aperol, San Benedetto, Vodafone, Nescafé, Pagine Gialle, Telecom, Granarolo, Pepsi, TIM, Wind, Findus, Intimissimi, FIAT e Lancia, un curtometrajo ispirà a La dolce vita dal titoło She Was Here e un altro par Peroni Nastro Azzurro UK, dal titoło Senza Tempo.
El primo aprocio al mondo sinematogràfego riva cofà aiutorezista co'l film Come te nessuno mai (1999) de Gianluca Arcopinto, inte'l cuało debuta anca cofà ator el fradeło Silvio. El film ze un ritrato de l'adołesensa de alcuni tozi de un łiceo roman e otien un otimo suceso a ła Mostra del Sìnema de Venesia.
El suceso in Italia
[canbia | canbia el còdaxe]Inte'l 2001 L'ultimo bacio, na cinica e diziłuza riflesion so łe dificoltà inte ła vita di coppia della sua generazione, lo consacra come uno dei protagonisti della scena sinematogràfega italiana. El film otien un ecesionałe incaso al boteghino, 13 milion de euro (dati Cinetel) e resta inte łe sałe sinematogràfeghe par sìe mezi, un evento a'l cuało el sìnema italiano da tenpo no'l asisteva. El se azudega sincue David di Donatello 2001, tra cui el David di Donatello par el mejo regista. Inte'l 2002 el film otiene un bon suceso anca a l'estero, in partegołar in Europa, e inte'l zenaro del steso ano ze prezentà oltreoceano al Sundance Film Festival, indove el vinse el Premio del Pùblego. Distribuìo anca inte i Stati Unìi durante l'istà sucesiva, el ze inserìo da ła çełebre rivista de sìnema Entertainment Weekly tra i diezi mejo titołi de l'ano.
El successo del film induze a un remake hollywoodian, The Last Kiss, direto da Tony Goldwyn, del cuało Muccino ze tra i produtori, considarà univarsalmente inferior a l'orizinałe italian. Inte'l 2003 vien fora el novo e atezo film, Ricordati di me, che otien anca st'altro un otimo riscontro (10 milion de euro, dati Cinetel).
In America: suceso inisiałe e flop
[canbia | canbia el còdaxe]Muccino sbarca a Hollywood par dirizer La ricerca della felicità (2006) e Sette anime (2008), entranbi co Will Smith protagonista, che'l ze anca produtor dei do film e'l ga parsonalmente sernìo Muccino, dopo aver vedesto i so film presedenti. I do film, dal budget de sìrca 55 milion de dołari paròmo, i incasa respetivamente 300 e 170 milion de dołari in tuto el mondo.
Inte'l 2010 vien fora Baciami ancora, sequel de L'ultimo bacio, co un bon suceso al boteghin, indove incasa 9 milion de euro (dati Cinetel) e vinse cofà mejo film al Shanghai Film Festival. Inte'l 2012 el torna in America par dirizer ła comedia Quello che so sull'amore (Playing for Keeps), interpretada da Gerard Butler, Jessica Biel, Catherine Zeta Jones, Uma Thurman, Dennis Quaid, e Judy Greer, che riseve recension negative da ła critica e incasa 27,8 milion de dołari da un budget di 55 milion.
Inte'l 2015 vien fora Padri e figlie, che ga cofà protegonisti l'ator Premio Oscar Russell Crowe e Amanda Seyfried. El film ga avùo recension negative da ła critica, economegamente ze stà un flop (5,1 milion de incaso da un budget de 22,4 milion) e saràe łe porte de łe produsion Usa a Muccino.
Ritorno in Italia
[canbia | canbia el còdaxe]Nel 2015 el dirize anca el so decimo film: L'estate addosso (Summertime), na produsion italiana (Indiana Production Company in cołaborason co Rai Cinema) in łengua prevałentemente ingleze; ła ze ła storia de do bòce italiani che daspò l'ezame de ła maturità i va pasar l'istà in te i Stati Unìi andove i se trovarà a far na espariensa formativa e de definision de łe so vite.
Inte'l 2018 el dirize el film corałe A casa tutti bene, co un cast che conprende, tra i altri, Stefano Accorsi, Pierfrancesco Favino, Stefania Sandrelli, Massimo Ghini e Claudia Gerini.
Muccino ga direto sìe videoclip muzegałi: par Laura Pausini (E ritorno da te), par Jovanotti (Baciami ancora inte'l 2010, Tensione evolutiva inte'l 2012 e L'estate addosso inte'l 2015), par Jaselli (Welcome to the world inte'l 2016) e par Biagio Antonacci (Mio fratello inte'l 2018).
Inte'l 2020 el torna al sìnema co'l film Gli anni più belli, inte'l cast ghe ze dei do atori ricorenti, Pierfrancesco Favino e Claudio Santamaria, oltre a Micaela Ramazzotti e Kim Rossi Stuart. El film otien tre candidature ai David di Donatello, mejo atora protagonista a Micaela Ramazzotti e mejo canson orizinałe a Claudio Baglioni, e na candidatura al Premio David Giovani.
Vita privà
[canbia | canbia el còdaxe]El ga tre fiołi: Silvio Leonardo (nasesto inte'l 2000), Ilan (avùo inte'l 2003) e Penelope (nasùa inte'l 2009).
Filmografia
[canbia | canbia el còdaxe]Rezista
[canbia | canbia el còdaxe]Łongometraji
[canbia | canbia el còdaxe]- Ecco fatto (1998)
- Come te nessuno mai (1999)
- L'ultimo bacio (2001)
- Ricordati di me (2003)
- The Pursuit of Happyness (La ricerca della felicità) (2006)
- Seven Pounds (Sette anime) (2008)
- Baciami ancora (2010)
- Playing for Keeps (Quello che so sull'amore) (2012)
- Padri e figlie (Fathers and Daughters) (2015)
- L'estate addosso (2016)
- A casa tutti bene (2018)
- Gli anni più belli (2020)
Curtometraji
[canbia | canbia el còdaxe]- Open your eyes (2020)
- Living in a movie (2021)
Senejador
[canbia | canbia el còdaxe]- Ecco fatto (1998)
- Come te nessuno mai (1999)
- L'ultimo bacio (2001)
- Ricordati di me (2003)
- The Last Kiss (2006)
- Baciami ancora (2010)
- L'estate addosso (2016)
- A casa tutti bene (2018)
- Gli anni più belli (2020)
Reconosimenti
[canbia | canbia el còdaxe]David di Donatello
[canbia | canbia el còdaxe]- 2001 - Mejo rezista par L'ultimo bacio
- 2008 - David speciale par i so sucesi inte i Stati Unìi cofà autor e cofà rezista
- 2019 - David dello spettatore par A casa tutti bene
Nastro d'argento
[canbia | canbia el còdaxe]- 2003 - Mejo senejadura par Ricordati di me
- 2017 - Premio Hamilton behind the camera par L'estate addosso
- 2018 - Nastro d'argento Speciale al cast de A Casa tutti bene
- 2001 - Mejo senejadura par L'ultimo bacio[1]
- 2003 - Mejo rezista par Ricordati di me[2]
- 2007 - Mejo film foresto par La ricerca della felicità
Bibliografia
[canbia | canbia el còdaxe]- Matteo Fantozzi, Gabriele Muccino. Il poeta dell'incomunicabilità, Santelli Editore, 2021.
Notasion
[canbia | canbia el còdaxe]- ↑ Ciak d'oro 2001news.cinecitta.com. entrada il 21/07/01.
- ↑ CIAK D’ORO 2003: 4 PREMI A OZPETEK E SALVATORESe-duesse.it. entrada il 04/06/03 (archivià dal URL orizenałe il 12 aprile 2020 ).
Linganbi foresti
[canbia | canbia el còdaxe]Controło de autorità | VIAF (EN) 46988474 · ISNI (EN) 0000 0001 1443 2793 · El vałore FERV075197 de SBN no el xe mija bon. · LCCN (EN) no2002097321 · GND (DE) 138226318 · BNF (FR) cb144814530 (data) · NLA (EN) 42806758 · WorldCat Identities (EN) no2002-097321 |
---|