Renzo Arbore
Biografia | |
---|---|
Nasimènto | (it) Lorenzo Giovanni Arbore Eror Lua: callParserFunction: function " [[Categoria" was not found. (87 ani) |
Dati personałi | |
Formasion | Eror Lua: callParserFunction: function " [[Categoria" was not found. |
Atività | |
Laóro | Eror Lua: callParserFunction: function "
[[Categoria" was not found. |
Atività | 1964 - in atività |
Menbro de | Eror Lua: callParserFunction: function "
[[Categoria" was not found. |
Instrumento muxegałe | voze, clarineto, chitara, pianoforte |
Repertòrio | |
Jazz, Swing, Blues | |
Fameja | |
Convivente | Eror Lua: callParserFunction: function " [[Categoria" was not found. |
Sito web | arboristeria.it |
|
Renzo Arbore, a l'anagrafe Lorenzo Giovanni Arbore (Fogia, 24 de zunjo 1937), el ze un cantaudor, disc jockey, condutor radiofònego, clarinetista, showman, autor tełevizivo, condutor tełevizivo, senegiador, regista, conpozidor e ator itałian.
El vien considerà el primo disc jockey itałian[1].
Biografia
[canbia | canbia el còdaxe]Renzo Arbore el nase a Fogia el 24 de zunjo del 1937, só fiol de un cavadenti e de na cazołina. Da putèło el ga vivesto so ła só pèłe ła dura esperiensa de ła segonda guera mondiałe; ła sità pujeza ła ze stà infati pì volte brèsajo dei bonbardamenti dei Ałeài e ła fameja Arbore perciò, cofà tanti altri so consitadini, el ze stà sfołà in Abruso, a Chieti, devenjùa na sorta de "sità verta" par i sfołài provenjenti dai łoghi bonbardài tra Abruso, Mołixe e Pulia. Dopo aver pasà l'istà de'l 1944 da na fameja de Francavilla al Mare (in provinsia de Chieti), ła fameja ła ga podùo far ritorno a Fogia.
Vita privà
[canbia | canbia el còdaxe]Scapòło convinsùo, drìo de un łigame inte i ani 1960 co ła cantante e presentadora torineze Vanna Brosio (ła canson de Mogol e Lucio Battisti "Innocenti evasioni" ła ze ispirà a un epizodio de ła so rełasion[2]), el se ga conpanjà co ła cantante romana Gabriella Ferri[3], el ga po' avesto na łonga storia d'amor inte'l desenio drìo co Mariangela Melato; drìoman el ze stà łigà a Mara Venier fin al 1997. Inte'l 2007 el se ga łigà darecào a ła Melato, e el ze stà co eła insìn a'l dì de ła morte de Mariangela, l'11 de zenaro 2013.
Prima de łaurearse in Giurisprudensa a l'Università dei Studi de Napułi Federico II,[4] el ga scominsià a destinguerse come muzicista pròpio a Fogia, ła só sità nadałe, inte ła stòrega Taverna del Gufo inte el çentro stòrego e da łe bande de Via Arpi, dopo èsar stà, in presedensa, drìo de un famozo conpleso jazz fogian, l'orchestra Parker's Boys, anca clarinetista. L'ezordio so'l palco el ze avenjesto a 18 ani, inte na dixieland band, inte ła sità de Nocera Inferiore[5].
El se interesa de mùzega łiziera e de jazz. Inte el 1964 el vinse un concorso in Rai. Drìoman el parteçipa al corso de "mestro programador de mùzega łizièra"[6]. El conose Gianni Boncompagni, che el deventa so conpagno de banco. Par ła tv de stato i se ocupa de trasmision de varietà (Bandiera gialla[7], Alto gradimento[8], L'altra domenica[9], Cari amici vicini e lontani...[10], Indietro tutta![11]); inte el 1996 el xe stà diretor artistego dei programi Radio RAI.
Inte ła so połiedrega atività el ga otenjesto sucesi in vari canpi: brao muzicista e cantante co L'Orchestra Italiana, condutor radiofònego e tełevizivo - A resta memoràbiłe łe trazmision radiofòneghe, prezentàe insenbre a Gianni Boncompagni: Bandiera gialla (1965), Par voi giovani[12] (1967), Alto gradimento (1970) e tełevixive: Speciale par voi (1969-1970), na spesie de proseso ai cantanti de'l parìodo, L'altra domenica (1976-1979), el só primo vero suceso inte'l cuało el ga creà un stiłe alternativo in direta concorensa co ła contenporanea Domenica in de Corrado, Quelli della notte (1985), Indietro tutta! (1988) e Speciale par me - meno siamo meglio stiamo (2005). El ze stà anca ator e rejista sinematografego (Il pap'occhio, 1980; "FF.SS." - Cioè: "...che mi hai portato a fare sopra a Posillipo se non mi vuoi più bene?", 1983).
Renzo Arbore insieme a Gianni Boncompagni el ze stà tra i primi in asołuto a pasar in radio i brani dei Beatles[13], non retegnùi idonei a l'epoca dai dirizenti Rai.
El ga avùo el merito de scoèrzer e zlansar novi parsonaji intrà i cuałi Roberto Benigni, Gegè Telesforo, Giorgio Bracardi, Mario Marenco, Marisa Laurito, Nino Frassica, Milly Carlucci, Daniele Luttazzi e vałorizarghene altri cofà Michele Mirabella, Luciano De Crescenzo e la Microband, l'atora Maria Grazia Cucinotta, Nina Soldano, łe condutore tełevizive Luana Ravegnini e Ilaria D'Amico, l'ator Francesco Paolantoni, ła prezentadora Feliciana Iaccio, ła cantante Pietra Montecorvino.
Łe só esperiense inte'l mondo muzegałe łe ga inìsio inte'l 1972, co ła "N.U. Orleans Rubbish Band" (indove łe łétare pontae łe sta par "Nettezza Urbana"[14]), che ła jera conponesta, oltre che dal steso Arbore al clarineto, da Fabrizio Zampa a ła bateria, Mauro Chiari al baso, Massimo Catalano al tronbon e Franco Bracardi al pianoforte; sto grupo ga publegà un 45 ziri, contenjente She was not an angel e The stage boy, insidesto par zogo dai sincue.
Inte'l 1991 el ga fondà L'Orchestra Italiana, co cuìndeze grandi sołisti par vałorizar ła canson napułitana clàsega restituìndoghe dinjità, tra l'altro, a'l mandołin.
Za prezidente de "Umbria Jazz", el ga dazesto un intełijente contributo a ła renasita de ła granda manifestasion jazzistega perugina. Inte'l 2002 el fonda un novo grupo, "Renzo Arbore e i so Swing Maniacs", sernindo personalmente i muzicisti intrà i mejo de ła sena jazzistega romana e nasionałe: el sasofonista Fabiano "Red" Pellini, el chitarista Emanuele Basentini, el pianista e sasofonista Giorgio Cuscito, el baterista Alberto Botta e el pianista Attilio Di Giovanni, intrà i altri, ga miłità in 'sta poderoza swing band. No'l desfa, tutavia, L'Orchestra Italiana, insenbre a ła cuała el sèita ezibirse par vari avenjimenti alternandose co ła nomenata band. Inte'l 2004 el se ezibise in tre conserti co L'Orchestra Italiana: a ła Carnegie Hall de New York, a'l Casino Rama de Toronto e a'l Teatro de l'Opera de Roma a ła prezensa de'l Presidente Carlo Azeglio Ciampi. Co i Swing Maniacs el inside un dopio CD venjùo fora inte'l febraro 2005, l'àlbun Vintage, ma non li dimostra, premià co'l "Disco d'oro". L'àlbun el vien fora parò co'l nome de'l grupo modifegà in "Renzo Arbore e gli Arborigeni".
Inte'l 2008 el ghe ga dazesto voze a'l dromedario Tutankamon inte'l film d'anemasion La luna inte el deserto direto dal rejista Cosimo Damiano Damato.
Da tanti ani el ze presidente de na asosiasion dei disc-jockey itałiani e el se ezibise anca cofà sonador de clarineto jazz. Da'l 1989 el ze testimonial de ła Lega del Filo d'Oro[15], na asosiasion onlus che ła asiste persone sordoorbe.
Inte l'otobre de'l 2007 A ze venjùo fora so'l marcà el łibro Renzo Arbore o sia Quello della musica, ła prima biografia muzegałe de l'artista srivesta da'l zòvane clarinetista e muzegòłogo Claudio Cavallaro, só fan da cuando che'l gera putèło.
Inte'l 2009 el ga cantà inte l'ùltemo disco de Claudio Baglioni Q.P.G.A., inte ła canson Buon Compleanno. El 28 de łujo 2013 el fa partesipar el tour Renzo Arbore e L'Orchestra Italiana a ła 43ª edision de'l Giffoni film festival.
Senpre inte'l 2009 el ga partesipà a'l documentario Beat Parade de Corrado Rizza e Luigi Rizza[16], produxesto da Istituto Luce, contando i ani 1960 e ła Beat Generation.
El 15 de novenbre del 2010 Arbore torna in tv co ła trazmision ...a lunga durata, Arbore e gli arborigeni so Rai Internationale in replica so Rai 5.
El 27 de novenbre del 2015 el presidente de ła Rejon Campania Vincenzo De Luca el ło nomena, insieme a Giovanni Minoli e Lia Rumma, inte'l consejo de inderiso de ła Fondasion Ravello de l'omònema sitadina de ła costiera amalfitana.[17]
Trazmision
[canbia | canbia el còdaxe]Arbore e ła só banda i ga łasà un senjo fondo inte ła tełevizion de cuałità che se fazeva fin a ła metà dei ani 1990.
Za co łe só prime aparision dei ani 1960, come Bandiera gialla e Speciale par voi, Arbore inpone stiłe e idee stremamente inovative respeto ai canoni tełevizivi de l'època. A baste recordar Speciale par voi (1969), inte ła cuała par ła prima volta famozi cantanti venjea metùi soto el fogo incrozà de domande e oservasion, anca cative, da parte de'l pùblego in sała.
El pì clamorozo suceso riva parò da ła radio, co ła trazmision Alto gradimento, conduzesta insieme a Gianni Boncompagni.
Arbore el ze tornà a ła tełevizion inte i primi ani 1970: inte'l 1972 el ze ciamà da Lino Procacci a condùzer ła trasmision muzegałe Amico flauto.
El se zonze cuindi a ła trazmision pomeridiana L'altra domenica che, in concorensa co'l format pì tradisionałe proponesto da ła Rete 1 de ła RAI, el introduzeva un novo stiłe iriverente e gołiàrdego anca inte i programi-contenjidor de ła doménega pomerigio, co ła partesipasion de racuanti artisti infrà i cuałi Roberto Benigni che'l zvolzeva el roło de'l critico tełevizivo, Andy Luotto el cuzin meregan, i cołegamenti co Mario Marenco da Roma, Michael Pergolani da Łondra, Françoise Riviere da Parize e Isabella Rossellini da New York, łe Sorelle Bandiera. Par ła prima volta in una trasmision tełeviziva el pùblego entra in contato direto co ła tełevizion, in palio vinti milion de łire e tante ridàe.
Inte'l 1980 riva ła serie Tagli, ritagli e frattaglie, conduzesta insieme a Luciano De Crescenzo e Lory Del Santo; inte el 1981 Telepatria International co łe indezmentegàbiłe evocasion spiriteghe de Dante (Roberto Benigni), Cristoforo Colombo (Paolo Villaggio), San Giuseppe (Ugo Tognazzi) e co l'ùltemo dei Miłe (Carlo Verdone), in cui el slansa łe Gemelle Nete; e inte el 1984 Cari amici vicini e lontani, programa so ła storia de ła radio, da novo co łe Gemelle Nete (che łe interpreta ła sigla finałe del programa, Un bacio a mezzanotte).
Ma xe inte el 1985 che riva el gran suceso co ła trazmision de Rai 2 Quelli della notte, un apontamento cult, co na serie de personaji comici e intełetuałi che i se riuniva inte ła note sureałe e un poco saltrona. Ła trasmision, na ciara satira inte i confronti dei diłaganti sałoti tełevizivi, slansa sol firmamento nasionałe el comico Nino Frassica in te'l ròło vesti de Far Antonino da Scasazza che, co łe so zlonganje, ga fato divertir mexa Itałia. Tanti altri xe sta comuncue i nuovi volti zlansài da ła trasmision, come Riccardo Pazzaglia el fiłozofo partenopeo, Massimo Catalano l'intełetuałe viveur, Maurizio Ferrini raprezentante romanjoło de pedalò afesionà al Partio Comunista, Simona Marchini romantega sognadora, Marisa Laurito cuzina in ateza perene del mrozo, e oncora Mario Marenco, Andy Luotto oltre che el steso Renzo Arbore, gran strasinador. Ła trasmision ła ga sengà na epoca e i tormentoni e łe batue entra inte el zergo zornalier. L'album produzesto co łe muzeghe de ła trasmision ga vendesto scuazi mezo milion de copie.
Inte el 1987-1988 ła trasmision Indietro tutta! ga replegà el sgragrando suceso de Quelli della Notte. El programa stigmatizava l'invadensa de ła tełevizion de tipo pì comerciałe, ridicołizandone i uzi e costumi; na parodia tełeviziva inte ła cuała Nino Frassica impersonava un inprobàbiłe cuanto sgangherà "Bravo prezentador"; notevołe el grupo de bałarine braziliane del Cacao Meravigliao che łe raprezentava un sureałe sponsor e łe Toze Coccodè, un ridicoło corpo de bało. Non mancava anca personaji cofà Mario Marenco che inpersonava "Riccardino", un putèło asè despetozo che co tanto de traversa e carteła el pasa el tenpo a corarghe drìo al can Fiocco. El mestro Gianni Mazza el jera a cao de l'orchestra "Mamma li Turchi", Francesco Paolantoni jera Cupido, picà al brìscoło e intento a butar frese che no andava mai a segno. Ła senografia ła raprezentava na nave e l'amirajo Arbore jera tornià da do bełe toze che łe raprezentava Miss Nord e Miss Sud; a vardia del soteraneo zera łe "Vardiane" (una de łe due ła zera zovanisima e oncòra sconosùa Maria Grazia Cucinotta, l'altra Feliciana Iaccio).
Inte el 1986 Arbore partesipa al Festival de Sanremo co ła canson ironega Il clarinetto e'l se pozisiona al segondo posto. Inte l'ezecusion del brano sol palco sanremeze el ze conpanjà da cuełi che èło isteso el ciama i "Tre amici e'l cunjà" de cui fa parte Gegè Telesforo, Nando Murolo, Adriano Fabi e Piero Roberto. Segue altri programi tełevizivi come DOC e Marisa la nuit. In sto ùltemo programa, conduzesto da Marisa Laurito, Arbore, che el ze ła voze fora canpo, antisipa cueło che sarà el modo de far tełevizion de ła Gialappa's Band.
Inte el 1990 el conduze Il caso Sanremo, andove in un proseso simułà el ze zùdeze so fati e misfati de ła storia canora sanremeze tornià da na inprobàbiłe corte e da avocati interpretai da Michele Mirabella e Lino Banfi. Inte el 1992 in una trasmision in 4 pontade, el rende un sentio omajo tełevizivo a Totò co Caro Totò… ti voglio presentare. Un programa par sełebrar ła grandesa artistega del pì grando in asołuto: il Principe della risata. Inte el 1996 el conduze sensa sosta par 22 ore La Giostra, in direta via Satellite par Rai International di cui el ze deventà intanto diretor artistego e testimonial.
Inte el 2005 ze ła volta de Speciale par me - Meno siamo, meglio stiamo! (17 pontade dal 23 de zenaro al 4 de zugno[18]) so Rai 1, definia dal steso Arbore na "trasmision amarcord" co l'obietivo de mostrar tuta ła tv memoràbiłe che ła zente ła tende a dezmentegar. El senso de ła trazmision ła ze na sorta de marcatin de modernarià tełevizivo; anca ła muzega proponesta ła ze vołutamente "vintage". Ła trazmision ła otien un bon suceso anca se va in onda in tersa serada (pròpio a sta cołocasion noturna ałude el sototitoło "manco semo, mejo stemo"), co na mèdia de scuazi un milion e mezo de tełespetadori drìo mezanote, el 25 par sento de share. Inte el zugno 2008 ze stà publegà el łibro Renzo Arbore e la radio d'autore - Tra avanguardia e consumo, un vołume monografego scrivesto da Salvatore Coccoluto, dedegà a łe storeghe trazmision radiofoneghe de Arbore. El ga reałizà el zogo in scatoła Ma non i coperchi, ideà co Giancarlo Magalli e publegà da ła International Team.
El 15 de novenbre 2010 Arbore torna in tv co ła trazmision ...a lunga durata, Arbore e gli arborigeni so Rai International e in replica so Rai 5. El 4 de setenbre 2011 ła Rai ga dedegà ad Arbore na pontada monografega de ła trazmision Speciale TG1 documentari reałizada dal zornałista Vincenzo Mollica. Ze del 2013 ła so biografia Renzo Arbore: vita, opere e (soratuto) miracołi a cura del zornałista de ła Rai Gianni Garrucciu, contenjente numaroze testimonianse de tanti cołeghi e amighi de Arbore. El 24 de zugno 2015 se ezibise al Pałaso dei Congresi del Cremlin in Rusia e, oltre a far spetacoło in direta tv nasionałe, se prezenta come anbasador Expo 2015.[19]
Inte el zugno del 2020 el torna da novo so Rai 2 co un novo format - Striminzitic - in onda da caza sua: ze un programa inte ła cuała Arbore trazmete contenjui ciapai dai so archivi ma anca da cuanto catà da łu steso durante łe so sesion de navegasion web noturne[20].
L'orchestra Italiana
[canbia | canbia el còdaxe]Inte el 1991 el fonda L'Orchestra Italiana, conpozesta da cuindeze grandi strumentisti, co el fin de diramar inte el mondo ła canson napułitana clàsega. Inte el 1993 el otien un trionfałe suceso al Radio City Music Hall de New York.
Połìtega
[canbia | canbia el còdaxe]Renzo Arbore, da senpre viçin al Partio Radicałe, inte el 2013 el ga sostenjùo e el xe devenjùo menbro del comitato "Bonino Presidente", volzesto a sostenjer ła candidatura come Prexidente de ła Republega Itałiana de ła radegałe Emma Bonino.[21]
Onorificense
[canbia | canbia el còdaxe]El 30 de łujo 2006, a l'indoman del concerto inaugurałe de ła tournée co L'Orchestra Italiana a Chieti, andove xovanisimo, in tenpo de guera, el ga risiedesto da "sfołà" e'l ga asistìo a l'arivo dei Ałeai, Renzo Arbore ga risevuo ła sitadinansa onoraria de ła sità.
Inte el 2010 ghe ze stà atribuito a ła Camara dei Deputai el Premio America de ła Fondasion Itałia USA.
El 6 de łujo 2011 el vien nomenà sitadin onorarrio de Perugia - Atto C.C. n. 107 del 6.7.2011.
El 13 de disenbre 2013 el vien nomenà sitadin onorario de Pałermo par el documentario “Da Palermo a New Orleans... E fu subito Jazz” in cui vien contae łe vicende artisteghe e umane de ła Original Dixieland Jass Band, co a a cao Nick La Rocca e conponesta da un grupo de amighi, scuazi tuti de orizene sisiłiana, che ga insidesto a New York inte el 1917 el primo disco al mondo de jazz.
El 9 de agosto 2017 el vien nomenà sitadin onorario de Francavilla al mare.[22]
Curiozità
[canbia | canbia el còdaxe]- Renzo Arbore in un'intervista co Vincenzo Mollica ga dichiar de èsar stà el primo a indosar i jenas a Fogia, sìben so pare fuse contrario a chełe braghe da operaio[23].
- Renzo Arbore se retien uno dei ispiradori de ła canson Tu vuó fa l'americano de Renato Carosone, stante ch'el zirava par Napułi vestindo a ła meregana[23].
Discografia
[canbia | canbia el còdaxe]Par savèrghene de pì, vardarse ła voxe Discografia de Renzo Arbore. |
Album
[canbia | canbia el còdaxe]- 1981 - Ora o mai più o sia cantautore da grande (Dischi Ricordi, SMRL 6284)
- 1985 - Cari amici vicini e lontani (Fonit Cetra, LPX 142) - (Renzo Arbore e i Senza Vergogna)
- 1986 - Prima che sia troppo tardi (Fonit Cetra e Dischi Ricordi, STVL 6350)
- 1988 - Discao meravigliao (Fonit Cetra, STLP 197) - (Inte l'album ze prezenti brani insidesti dal cast de ła trazmision Indietro tutta tra cui Nino Frassica, el coro e una non acredità Paola Cortellesi)
- 1990 - Sanremix (Fonit Cetra, TLPX 250) - (album insidesto in cubia co Lino Banfi, Stefano Palatresi e I Campagnoli Belli)
- 1992 - Napoli. Punto e a cao (Fonit Cetra, TLPX 336) - (Renzo Arbore L'Orchestra Italiana)
- 1993 - Napoli due punti. E a cao (Fonit Cetra, TCDL 367) - (Renzo Arbore L'Orchestra Italiana)
- 1995 - Napoli: punto esclamativo! Internescional uei! (Fonit Cetra, TCDL 392) - (Renzo Arbore L'Orchestra Italiana)
- 1996 - Pecchè nun ce ne jammo in America? (Ricordi, TCDMRL 430222) - (Renzo Arbore L'Orchestra Italiana)
- 1998 - Sud(s) (BMG Ricordi, 74321624742) - (Renzo Arbore L'Orchestra Italiana)
- 2002 - Tonite! Renzo Swing! (CGD EastWest – 0927450812) - (Renzo Arbore e i suoi Swing Maniacs)
- 2013 - ...my American way! (Gazebo Giallo/Sony Music, 88883790732) - (Renzo Arbore & The Arboriginals)
- 2013 - Renzo Arbore & The Arboriginals (Gazebo Giallo/Sony Music, 8843047762) - (Renzo Arbore & The Arboriginals)
Cołaborasion co altri artisti
[canbia | canbia el còdaxe]- 1983 - Blue, Low & Easy (Doctor Dixie Jazz Band Plus Pupi Avati Featuring Renzo Arbore)
- 1985 - Dreamin' The Blues (Doctor Dixie Jazz Band Plus Renzo Arbore)
Cołone sonore
[canbia | canbia el còdaxe]- 1981 - Il pap'occhio (RCA, BL 31563)
- 1983 - F.F.S.S. o sia che mi hai portato a fare sopra a Posillipo se non mi vuoi più bene? (Mammouth, ZPGMU 33444) (Mini album con Roberto Benigni e Pietra Montecorvino)
Filmografia
[canbia | canbia el còdaxe]Ator
[canbia | canbia el còdaxe]- Par una bara piena di dollari, regia de Demofilo Fidani (1971)
- Giù la testa... hombre!, regia de Demofilo Fidani (1971)
- Il pap'occhio, regia de Renzo Arbore (1980)
- Smorza 'e llights o sia Caserta by night, regia de Arnaldo Delehaye (cortometraggio, con Moana Pozzi) (1980)
- Quasi quasi mi sposo, film TV, regia de Vittorio Sindoni (1982)
- "FF.SS." - Cioè: "...che mi hai portato a fare sopra a Posillipo se non mi vuoi più bene?", regia de Renzo Arbore (1983)
- Odore di pioggia, regia de Nico Cirasola (1989)
- Joe e suo nonno, regia de Giacomo De Simone (1992)
- Il fratello minore, regia de Stefano Gigli (2000)
- Don Matteo 5, serie TV, epizodio Al chiaro di luna, regia de Elisabetta Marchetti (2006)
- La luna inte el deserto, regia de Cosimo Damiano Damato (2008)
- Focaccia blues, regia de Nico Cirasola (2009)
- Beat Parade - Viaggio inte el mondo dei giovani anni 60, regia Corrado Rizza e Luigi Rizza (2011)
- L'era legale, regia de Enrico Caria (2011)
- People in Sorrento, documentario, regia de Luigi Scaglione (2015)
- Playback o sia il Caso Malien, regia de Roberto Giglio (2017)
- Vinilici. Perché il vinile ama la musica, regia de Fulvio Iannucci (2018)
Regista
[canbia | canbia el còdaxe]- Il pap'occhio (1980)
- "FF.SS." - Cioè: "...che mi hai portato a fare sopra a Posillipo se non mi vuoi più bene?" (1983)
Senejador
[canbia | canbia el còdaxe]- Il pap'occhio, regia de Renzo Arbore (1980)
- "FF.SS." - Cioè: "...che mi hai portato a fare sopra a Posillipo se non mi vuoi più bene?", regia de Renzo Arbore (1983)
Radio
[canbia | canbia el còdaxe]- Bandiera gialla (Radio 2, 1965-1970)
- Alto gradimento (Radio 2, 1970-1976, 1979-80 e 1998)
- Radiotrionfo (Radio 2, 1976-77)
- No, non ze la BBC (Radio 2, 1978-79)
- Radio anghe noi (Radio 1, 1981-83)
Tełevizion
[canbia | canbia el còdaxe]- Speciale par voi - programa TV (Segondo Programa, 1969-1970)
- Amico flauto - programa TV (Programa Nasionałe, 1972)
- L'altra domenica - programa TV (Rete 2, 1976-1979)
- Tagli, ritagli e frattaglie - programa TV (Rete 2, 1981)
- Telepatria International - programa TV (Rete 2, 1981)
- Cari amici vicini e lontani - programa TV (Rai 1, 1984)
- Quelli della notte - programa TV (Rai 2, 1985)
- Marisa La Nuit - programa TV (Rai 1, 1987)
- Quella notte a Ravenna (Rai 1, 1987)
- D.O.C. : Musica e altro a denominazione d'origine controllata - programa TV (Rai 2, 1987-1988)
- Indietro tutta! - programa TV (Rai 2, 1987-1988)
- D.O.C. Concerto - programa TV (Rai 2, 1988)
- International D.O.C. Club - programa TV (Rai 2, 1988-1989)
- Il caso Sanremo - programa TV (Rai 1, 1990)
- Na voce, 'na chitarra (Rai 1, 1990)
- Caro Totò, ti voglio presentare... (Rai 1, 1992)
- CantaNapoli Internazionale (Rai 2, 1992)
- Festa Azzurra (Rai 1, 1994)
- Viva Napoli - programa TV (Canale 5, 1995)
- Giostra di Caodanno (Rai International, 1996)
- Lucio, quante emozioni - programa TV (Rai 1, 1998)
- Speciale par me - Ovvero, meno siamo meglio stiamo (Rai 1, 2005)
- Telethon La Nuit (Rai 1, 2013)
- Da Palermo a New Orleans...E fu subito Jazz (Rai 2, 2013)
- Quelli dello swing (Rai 2, 2015)
- Techetechete' - programma TV (Rai 1, 2017) Pontada 14
- Unici - Una vita a tutto swing (Rai 2, 2017)
- Indietro tutta! 30 e l'ode - programa TV (Rai 2, 2017)
- Guarda... Stupisci - programa TV (Rai 2, 2018)
- L'arte do' sole (Rai 5, 2019)
- Io faccio o' show (Rai 2, 2019)
- No, non ze la BBC (Rai 2, 2019)
- Striminzitic Show (Rai 2, 2020)
Altre atività
[canbia | canbia el còdaxe]- El 2 de otobre 2007 el reałiza ła prima direta video in streaming co ła regia de Denis Gianniberti[24] e ła conta in un video[25]. Tałe esperiensa el 27 de otobre 2012 porta a l'inisio de łe trazmision del Renzo Arbore Channel[26].
- Inte el 2013 el rejistra tełefonegamente el contributo che devenjarà ła prefasion del vołume Vinilici. La passion par il disco[27] a cura de Nicola Iuppariello.
- El 21 de otobre 2014 el torna ofisialmente a far tełevizion in direta col RENZO ARBORE CHANNEL LIVE SHOW, in onda in direta anca sol canale 69 del Dizitałe Terestre e 713 di SKY, Caital TV, sol sito de Repubblica e so renzoarborechannel.tv. Un programa che el dirize, e che el conduze insenbre ai zornałisti Ernesto Assante e Gino Castaldo in cołaborasion co WebNotte, co i ospiti Gegè Telesforo e Tosca, el programa ze curà da Ugo Porcelli, par ła regia de Denis Gianniberti. In un documento filmà rełativo a ła pontada, se sełebra el momento de l'atezo ritorno.
- Renzo Arbore el ze testimonial da oltre vinti ani de l'Asociasion Lega del filo d'oro, che se ocupa de łe persone sordorbe. Par l'asociasion el ze stà protagonista de racuanti spot TV e radio.
- El ga scrivesto el sojeto de na storia Disney, Zio Paperone e i concerti predatori, publegà sol nùmaro 2123 de Topolino.
- Inte el 1988 el ze stà testimonial publisidario par el slanso de ła nova FIAT Tipo indove el invitava el so amigo a conprarse tałe modeło, sendo un mucio tentà.
- Inte el 2018 el partesipa a łe ripreze del docufilm Vinilici. Perché il vinile ama la musica[28].
Notasion
[canbia | canbia el còdaxe]- ↑ RENZO ARBORE: ze in libreria la sua biografia scritta da Claudio CavallaroBLOGO, 3 ottobre 2007. entrada il 18 gennaio 2020 (archivià dal URL orizenałe il 2 novembre 2013 ).
- ↑ Aldo Cazzullo, Renzo Arbore: «Ho lanciato 100 artisti e avuto 100 donne ma, con Baudo, fummo cacciati da padre Pio»Corriere della Sera, 21 novembre 2015. entrada il 19 gennaio 2020 (archivià dal URL orizenałe il 21 novembre 2015 ).
- ↑ Lucrezia e Giorgio Dell'Arti, Gabriella FerriIO DONNA, 19 luglio 2012. entrada il 19 gennaio 2020 (archivià dal URL orizenałe il 25 luglio 2012 ).
- ↑ Briatore e il no alla laurea par il figlio. Da Arbore a Checco Zalone: l’università serve al successoCORRIERE DELLA SERA, 11 gennaio 2019. entrada il 16 marzo 2020 (archivià il 15 marzo 2020 ).
- ↑ Alessandra De Vita, Arbore: «A Nocera il mio debutto tornare mi emoziona»la Città – Quotidiano di Salerno e provincia, 8 aprile 2016. entrada il 18 gennaio 2020 (archivià il 20 aprile 2016 ).
- ↑ Leonardo Filomeno, Renzo Arbore a Libero: "Quando le BR mi chiamarono in diretta". Rai, Battisti e... Conte: i segreti di un mitoliberoquotidiano.it, 19 aprile 2019. entrada il 7 maggio 2019.
- ↑ Il mito "Bandiera Gialla" Arbore e Boncompagni inventarono la radio beatIL TEMPO.it, 16 ottobre 2015. entrada il 19 gennaio 2020 (archivià il 7 ottobre 2018 ).
- ↑ Antonio Gnoli, Alto gradimento Quarant'anni in duela Repubblica.it, 20 zugno 2010. entrada il 19 gennaio 2020 (archivià il 31 agosto 2010 ).
- ↑ L'Altra Domenica. entrada il 28 aprile 2018 (archivià dal URL orizenałe il 29 aprile 2018 ).
- ↑ 'Cari amici vicini e lontani', Arbore celebra la radioAdnkronos, 9 agosto 2014. entrada il 19 gennaio 2020 (archivià il 19 settembre 2018 ).
- ↑ "Indietro tutta" compie 30 anni e ritorna in tv con due serate avegnimento condotte da Arbore e Frassicaiodonna.it, 11 dicembre 2017. entrada il 19 gennaio 2020 (archivià l'11 dicembre 2017 ).
- ↑ Par voi giovani. entrada il 28 aprile 2018 (archivià dal URL orizenałe il 29 aprile 2018 ).
- ↑ 1965, Beatles a Roma - I vip li raccontano cosìla Repubblica.it, 19 novembre 2010. entrada il 19 gennaio 2020 (archivià il 29 zugno 2015 ).
- ↑ N.U. Orleans Rubbish Band - She was not an angel/The stage boy (1972)Le note di Euterpe, 7 settembre 2011. entrada il 19 gennaio 2020 (archivià il 18 dicembre 2013 ).
- ↑ la lega del filo d'oro, Lega del Filo d'Oro - ONLUS. entrada il 19 gennaio 2020 (archivià il 25 marzo 2016 ).
- ↑ Il documentario Beat Parade di Corrado e Luigi RizzaIMDb. entrada il 25 aprile 2018 (archivià il 19 gennaio 2020 ).
- ↑ Fondazione Ravello, Renzo Arbore, Gianni Minoli e Lia Rummafanpage.it (archivià il 4 marzo 2016 ).
- ↑ Speciale par me: o sia meno siamo meglio stiamo 2005 2005Rai Teche, 6 novembre 2013. entrada il 18 marzo 2020 (archivià dal URL orizenałe il 6 novembre 2013 ).
- ↑ Renzo Arbore vola da Putin: spettacolo al CremlinoLibero Quotidiano.it, 24 zugno 2015. entrada il 19 gennaio 2020 (archivià dal URL orizenałe il 16 ottobre 2015 ).
- ↑ Renzo Arbore torna su Rai2 con Striminzitic: come funziona lo show? Perché questo titolo?NonSolo.TV, 7 de zugno 2020. entrada il 7 de zugno 2020.
- ↑ Giovanna Casadio, La corsa delle donne, Bonino in pole (da La Repubblica)Radicali Italiani, 10 aprile 2013. entrada il 19 gennaio 2020 (archivià il 7 maggio 2013 ).
- ↑ Arbore cittadino onorario FrancavillaANSA.it, 9 agosto 2017. entrada il 19 gennaio 2020 (archivià il 14 settembre 2017 ).
- ↑ 23,0 23,1 INCONTRO CON RENZO ARBORE Mercoledì, 21 agosto 2002, ore 12.00meetingrimini.org. entrada il 5 dicembre 2012 (archivià dal URL orizenałe il 5 marzo 2016 ).
- ↑ Denis Giannibertidenisgianniberti.it. entrada il 19 gennaio 2020 (archivià il 19 gennaio 2020 ).
- ↑ Annuncio nascita RENZO ARBORE CHANNELyoutube.com. entrada il 4 maggio 2019 (archivià il 14 aprile 2016 ).
- ↑ renzoarborechannelrenzoarborechannel.tv. entrada il 19 gennaio 2020 (archivià il 19 gennaio 2020 ).
- ↑ Vinilici. La passion par il discoeditrice ZONA. entrada il 18 marzo 2020 (archivià il 1º febbraio 2020 ).
- ↑ Vinilici. Perché il vinile ama la musicamescalitofilm.com (archivià il 2 febbraio 2020 ).
Controło de autorità | VIAF (EN) 71574945 · ISNI (EN) 0000 0000 7838 608X · El vałore CFIV044016 de SBN no el xe mija bon. · Europeana agent/base/17013 · LCCN (EN) n85284024 · GND (DE) 134153073 · BNF (FR) cb13770232d (data) · WorldCat Identities (EN) n85-284024 |
---|