Croix
Uiterlijk
Croix in 't arroundissement Rysel | |
Geografie | |
Regio | Hauts-de-France |
Departement | Noorderdepartement |
Arroundissement | Rysel |
Kanton | Croix |
Coördinoatn | 50°40′NB 3°09′OL |
Ippervlak | 4,44 km² |
Inweuners | |
Inweuners | 21.271 (2016) 4791 inw./km² |
Andere | |
Burgemêester | Régis Cauche |
Postcode | 59170 |
Webadres | Site van Croix |
Croix es e gemêente in Vrankryk in't Noorderdepartement. 't Ligt in Frans-Vloandern, mêer bepoald in Rysels-Vloandern. 't Grenst an de gemêentn Terkoeje, Roboais, Hem, Villeneuve-d'Ascq en Waskenhal. O de zuudkantn van Croix lôopt de Marke. 't Ligt ôok an nen zy-arm van't Kanoal van Roboais (canal de Roubaix).
Wykn
[bewerkn | brontekst bewerken]Croix es ounderverdêeld in vier wykn:
- 't Center/Sent-Martin, woa de de mêeste gemêentelykke veurzieniengn zyn lyk de mart, de zwemkomme, 't polisje-kot en 't foebol-terring.
- Sent-Pierre/Mackellerie, woa da 't staduus en de twidde mart van Croix liggn.
- Kanoal/Planche-Épinoy by den dôo zy-arm van't kanoal van Roboais.
- Beaumont/Barbieux, de wyk o d'ôostkantn van 't Barbieux-park (da zelve eigntlyk ip't groundgebied van Roboais ligt) en ezo wa afgeschêed ligt van de reste van Croix.
Beziensweirdigeedn
[bewerkn | brontekst bewerken]- De Sent-Moart'nskerke in't center van Croix, gebouwd in 1848 in neogotischn styl deur Charles Leroy, die ôok den architekt wos van de Notre-Dame-de-la-Treille in Rysel.
- De Sent-Pierre-kerke ip den gelyknoamign wyk in neoromoanschn styl
- De kapelle van den boulevard de la Chapelle die nu den boulevard Émile-Zola noemt.
- De kapelle van le Croquet
- De priorye van't Illig Kruus, e vroeger nunneklôoster uut de joarn 1880 da nu gebruukt wierd deur 't Pius X-broederschap
- 't Château de la Croix Blanche, gebouwd in 1878 en wa tsedert 1924 't staduus van Croix es.
- 't Château Florin, gebouwd in 1880. In 1936 wierd et efkes ernoemd noa château Catteau, mo nu es't de plekke van teffrente socioale veurzieniengn van de gemêente.
- 't Château de la Fontaine da stamt uut 1605. In 1951 wierd et gerestaureerd en erkend lyk istorisch monument.
- Villa Cavrois gebouwd in 1932 deur den architekt Robert Mallet-Stevens ip de wyk Beaumont/Barbieux, die êen van d'ôogtepuntn van den modernistischn architekteur es. Sedert 1990 es't erken lyk istorisch monument.
- 't Maison Delcourt, gebouwd deur den architekt Richard Neutra in 1968 es sedert 't joar 2000 ôok erkend lyk istorisch monument.
-
De Sent-Moart'nskerke in't center
-
De Sent-Pierre-kerke
-
't Château de la Fontaine
-
Villa Cavrois
Ofbeeldiengn die ier by passn ku je vien in de categorie Croix (Nord) van Wikimedia Commons. |