Seine-Maritime
Liggienge in Vrankryk | |
Regio | Normandië |
Hoofdstad (Préfecture) |
Rouen |
Sous-préfectures | Dieppe Le Havre |
Ippervlak | 6.278 km² |
Inweuners | 1.254.609 (2013) 200 inw./km² |
Arrondissementn | 3 |
Kantongs | 35 |
Gemêentes | 710 |
{{{foto}}} {{{byschrift}}} |
Seine-Maritime (76) es 'n departement in de regio Normandië in't nôordwestn van Vrankryk. De noame komt van de riviere de Seine die deur 't gebied strôomt en ier uutmoundt in't Iengels Kanoal. Inweuners van Seine-Maritime wordn Seinomarins en Seinomarines genoemd.
Geschiedenisse
[bewerkn | brontekst bewerken]'t Departement Seine-Inférieure wierd ipgericht binst de Fransche Revoluusje, de 4e moarte 1790 krachtns de wet van 22 december 1789, uut e dêel van de provinsje Normandië.
Achter d'overwinnienge van de g'allieerd'n in de Slag by Woaterloo (18 juni 1815) wierd 't departement bezet deur Britsche troepn van juni 1815 toet november 1818.
Den 18ste januoari 1955 krêeg 't departement de noame "Seine-Maritime".
Geografie
[bewerkn | brontekst bewerken]Seine-Maritime grenst an de departementn Somme en Oise in't ôostn, Eure in't zuudn en an Calvados in't zuudwestn. O de westkantn en nôordkantn ligt et Iengels Kanoal.
't Departement Seine-Maritime bestoat uut drie arroundissementn (Rouen, Dieppe en Le Havre) en et 35 kantongs en 710 gemêentn. De grotste gemêent'n noar inweunertal zyn Le Havre, Rouen, Dieppe, Sotteville-lès-Rouen en Saint-Étienne-du-Rouvray. And're gekende plekkn zyn Fécamp, Elbeuf, Barentin, Yvetot en Lillebonne.
De Seine stroômt o de zuudkantn van't departement en vormt vo 'n dêel de schreeve mè 't departement Eure. Ier ligt ôok e gedêelte van't Regionoal nateurpark Boucles de la Seine ('t gebied by de wydde krounkeliengn van de riviere nie verre van oar moundienge). De Seine moundt uut in en estuoarium by Le Havre in't Iengels Kanoal. En and're belangryke riviere es de Bresle o de nôordôostkantn van't departement lôopt en die by Le Tréport uutmoundt in't Kanoal. De Bresle vormt de schreeve mè't departement Somme en wos istorisch 't schee'n tusschn de regio's Normandië en Picardië.
Tusschn die riviern eie o de nôordkantn van't departement 't Pays de Caux, e verôogd lêegplateau van kalk, die tout teegn de kustlynne komt. Surtout langsn de kuste zyn de grillige kalkrotsn schôone om ziene, dovo noem'n ze 't ôok de Côte d'Albâtre ("d'Albastkuste" in't Vlams). E gekende touristische plekke ier es Étretat.
Mêer landinnewoarts o d'ôostkantn van't departement eie nog 't Pays de Bray. 't Ligt ip't schee'n mè 't departement Oise, apeupri tusschn de steed'n Neufchâtel-en-Bray en Beauvais. De streke es euvelachtig en es gekenmerkt deur zyn boccoage-landschap.
Externe koppelienge
[bewerkn | brontekst bewerken]- Site van Seine-Maritime
- Site van de prefecteure van Seine-Maritime
- Site van d'n touristischn dienst van Seine-Maritime
Ofbeeldiengn die ier by passn ku je vien in de categorie Seine-Maritime van Wikimedia Commons. |