Sujet sur Uzeu copene:Lucyin

Merci po vosse rimårke.

Dj' a rarindjî mes ôtes egzimpes avou.

Si vos avoz co l' tins, vos ploz o å moens ahiver sacwants noveas loyéns:

-Quatre dialogues de paysans (1631-1636), ramexhnés pa Jean Haust

-Jean Lechanteur, «  Récits d'outre-tombe d'un paysan jauchelettois » (Jean-Joseph Delwiche), Wallonnes,‎ 2001-2002

-Joseph Mousset (1799-1870), (Dévôcion å payis di Lîdje + Paskeye istorike so tote li sinte botike, 1846) https://orbi.uliege.be/bitstream/2268/11499/1/HasserzDevotions.pdf https://orbi.uliege.be/bitstream/2268/11530/1/HasserzBotique.pdf

-Henriette Brenu (teyåte)

-Emile Lambert (Tchansons: Les pelakes et prumî nîd k' on pout schouter so youtube)

Å resse, dji m' dimande s' on n' pôreut nén, come dins toplin ds ôtes wikis, radjouter li date di l' ouve oudonbén d' nexhance et d' moirt do scrijheu. Ça fwait ki on pout pus åjheymint vey s' on-z a-st afwaire avou on vî scrijheu ou on noû cåzant come mi.

Gråces po tos ces noveas sourdants la. Divant d' fé on modele, ci sereut bén di fé ene pådje Wikipedia po l' espliker. Disk' asteure, 98 åcint des sourdants revoynut so Wikipedia. C' est po çoula k' on n' a nén dandjî del date. Mins vos l' ploz todi mete cwand l' sourdant n' est nén documinté. Po Henriette Brenu, est ç' des fråzes da sinne (k' elle a scrît leye-minme) ou ki vos avoz hapé tot l' schoûtant dins ene videyo ? Adon, come po Bob Dechamps, on pout mete {{s-rif|dit pa [[w:Henriette Brenu|Henriette Brenu]]}} ou {{s-rif|tchanté pa [[w:Henriette Brenu|Henriette Brenu]]}}. Mins lyi fåt fé ene pådje Wiki.

po "dihårné" (come po dihovri"), on n' a nén ritnou e rfondou les cogne forcoridjeyes lidjwesses (dihårné, dihovri => distchårné; discovri. Loukîz les amidraedjes possibes di vos årtikes a distchårné.

Po l' AFE do long O ("au" e Feller-Léonard), disk' asteure, on mete biesmint /oː/.

Rapôrt a ''dischover''', dji pinse ki dj' a disconoxhou li viebe ''dihovri'' ca dji nel voe nén dins l' motî Haust

https://www.google.be/books/edition/Li_Camarad_d%C3%A8_l_joie_Songs/1K5bAAAAcAAJ?hl=fr&gbpv=1&dq=inauthor:%22Chanchet+BARILLI%C3%89%22&printsec=frontcover

Gn a-st ossu ene ôte sourdance k' fåreut-st ahiver

''Li camrade dè l'joie'', Chanchet Barillié, 1852

d(i)hovri E1 p. 208

Po les sourdances, asteure, on n' fwait on modele "Sourdant:xxx" ki po les scrijheus. On moumint dné, on l' fijheut ossu po les lives, si a-t on a wårdé les cis k' estént ddja la (come so: Sourdant:Laurent Hendschel), mins c' est rujhûle po ndè fé des noveas (dj' a sayî po "Li Ptit Prince Hendschel" mins dji n' î arive nén). Et Reptilien, k' a bråmint ramidré les modeles, n' est pus waire ovrant sol Wiccionaire.

Po "Quatre dialogues de paysans (1631-1636)", fåreut fé cwate pådjes Wikipedia, a môde di w:Paskeye_so_les_lotchets. Vos pôrîz ossu mete les tecses e Feller-Haust so Wikisourd. Si vos vloz, dji loucrè les limeros Piron po l' fråze: (Elle est rprinjhe sol limero xxx dins l' w:clasmint Piron des vîs scrîts e walon.)

Pol "camaeråde del djoye", on pout fé on modele po li scrijheu François Barillié. Dj' el frè divant waire. Il a morou e 1902; ça fwait k' vos ploz mete li live etir so Wikisourd. Mins dji n' sai nén kimint çk' on fwait. Fåreut dmander a Uzeu:Reptilien.19831209BE1 u a Uzeu:Èl-Gueuye-Noere.

Si c' est on live ubén ene sacwè dinsi, vos dvoz aprume l' eplaidî so les Commons. Al môde d' on documint « .djvu. » ubén « .pdf ».

Il i esteut ddja !!!

s:Indek:Chanchet_(François)_Barillié_-_Li_Camarad’_dè_l’joie,_1852.djvu

Mi pôrîz vs mostrer kimint ecôder l' sourdance de viyès paskeyes et des pîces di teyåte k' ont stî eplaideyes dins l' rivuwe del SLLW å 19inme sieke?

Vos ploz awè ene dobe sourdance:

1. Si l' oteur a ddja on côde sourdant:

Si vos prindoz on tecse da Defrexheu, metans dins l' BSLLW di 1870 (t. 12) p. 45

Dji vén d' fé on modele di gazete po les BSLLW di dvant 1900 (end aveut co pont).

Loukîz a lawris

2. Si l' oteur n' a pont d' côde sourdant : {{s-rif|BSLLW|oteur=pitit no et no e totes letes|rahouca do limero do BSLLW, li tôme, l' anêye et l' pådje}}.

Po m' disdire dins m' response a ene kesse d' èn emile di dvant: vos ploz todi mete li date après l' deujhinme "båre dresseye" ({{d-rif|côde oteur|date possibe}}).

I gn a-st ene aroke dins l' date Module:Sourdant/BSLLW

Nonna : dji l' a metou esprès insi po dmorer dins li "troke di scrijhaedjes di dvant 1900" (group = "d1900"); insi, on pout mete ossu les ortografeyes k' on trouve låvå (did divant Feller) dins l' hagnon "ortografeye". Ey ele si vont trepådjner [catégoriser] otomaticmint dins l' pårteye "divant 1900" do tåvlea. Après 1900, teyoricmint, c' est l' sistinme Feller. Les ortografeyes des BSLLW si rtrouvront dins les motîs. Les cenes di dvant 1900, nén. L' ortografeye Forir, k' i gn a on motî avou, n' a nén stî acceptêye pa l' SLLW (et, ci côp la, Forir a peté a l' ouxh come prezidint !).

Tot conté tot rabatou, dj' a rmetou les vraiyès dates. Si on vôreut mete ene ortografeye d' après 1900 do BSLLW dins l' hagnon "ortografeye", gn åreut k' a mete on côde [!20es] padvant.

(messaedje foû sudjet a disfacer après): po "l' ome do Danube", dj' a mezåjhe do ptit no d' vosse sour. Vôreut ele k' on mete si foto al fén d' l' årtike (a costé del vosse come ratourneu) ?